రాష్ట్ర సమగ్రాభివృద్ధికి పాటుగా రాజధాని అభివృద్ధి కోసం ఏర్పాటు చేసిన GN రావు కమిటీ తుది నివేదికను ముఖ్యమంత్రి జగన్ మోహన్ రెడ్డికి అందజేసింది. నివేదిక లోని అంశాలను ముఖ్యమంత్రికి వివరించింది. సెప్టెంబర్‌ 13న ఈ కమిటీని రాష్ట్ర ప్రభుత్వం ఏర్పాటు చేసిన విషయం తెలిసిందే.
రాష్ట్రవ్యాప్తంగా ఇప్పటివరకు తాము సందర్శించిన ప్రాంతాలు, అధ్యయనం చేసిన అంశాలను కమిటీ సభ్యులు నివేదిక ద్వారా ముఖ్యమంత్రికి వివరించారు. కాగా ఈ నెల 27న రాష్ట్ర కేబినెట్ భేటీ జరగనుంది. ఈ కేబినెట్ భేటీలో GN రావు కమిటీ నివేదికపై చర్చ జరగనున్నట్లు సమాచారం.కేబినెట్ మీటింగ్ అనంతరం జనవరి మొదటివారంలో అఖిలపక్ష సమావేశం జరగనుంది.కమిటీ నివేదికను అఖిల పక్షానికి జగన్ సర్కార్ వివరించనుంది.
ఈ సమావేశం తర్వాతే రాజధాని విషయంలో సస్పెన్స్ వీడే అవకాశాలు ఉన్నాయి.
