క్రికెట్లో అత్యంత ప్రతిష్టాత్మకంగా భావించే ప్రపంచ కప్కు సమయం దగ్గర పడుతోంది. ఈ మెగా ఈవెంట్ అక్టోబర్ 5వ తేదీ నుంచి నవంబర్ 19 వరకు జరగనుంది. ఈసారి వన్డే వరల్డ్ కప్కు భారతదేశం ఆతిథ్యం ఇస్తోంది. దీంతో ప్రపంచ కప్కు వీలైనంత ఎక్కువగా ప్రచారం కల్పించేందుకు భారత క్రికెట్ బోర్డు సిద్ధమైంది. దీంట్లో భాగంగానే గోల్డెన్ టికెట్ను తీసుకొచ్చింది. దేశంలోని ప్రముఖ సెలబ్రిటీలకు ఈ గోల్డెన్ టికెట్ను అందజేస్తోంది. ఈ టికెట్ పొందిన ప్రముఖులు వరల్డ్ కప్ మ్యాచ్లో వీఐపీ మర్యాదలు పొందుతారు. ఈ టికెట్ను అందరికంటే ముందుగా బాలీవుడ్ బిగ్ బీ అమితాబ్ బచ్చన్ అందుకున్నారు.
అమితాబ్ తర్వాత భారత క్రికెట్ దిగ్గజం సచిన్ టెండూల్కర్ గోల్డెన్ టికెట్ అందుకున్నారు. ఇప్పుడు తమిళ సూపర్స్టార్ రజినీకాంత్ను ఆ గౌరవం వరించింది. తలైవాను స్వయంగా కలసి గోల్డెన్ టికెట్ను అందజేశారు బీసీసీఐ సెక్రటరీ జై షా. రజినీ గోల్డెన్ టికెట్ను అందుకుంటున్న ఫొటోను బీసీసీఐ సోషల్ మీడియాలో షేర్ చేసింది. బాలీవుడ్లో ఫుల్ క్రేజ్ ఉన్న అమితాబ్కు గోల్డెన్ టికెట్ ఇచ్చిన బీసీసీఐ.. తమిళ చిత్ర సీమలో దిగ్గజ నటుడైన రజినీకీ దీన్ని అందజేసింది. దీంతో ఇప్పుడు అందరి చూపు టాలీవుడ్ మీద పడింది.
తెలుగు సినీ పరిశ్రమలో ఏ స్టార్ హీరో గోల్డెన్ టికెట్ అందుకుంటారనేది ఇప్పుడు ఆసక్తికరంగా మారింది. దీనిపై తమ హీరోకు ఇస్తారంటే తమ హీరోకు ఇస్తారంటూ సోషల్ మీడియాలో నెటిజన్స్ పెద్ద చర్చకే తెరలేపారు. అయితే కొందరు మాత్రం తెలుగులో మెగాస్టార్ చిరంజీవికి ఈ గౌరవం దక్కుతుందని అంటున్నారు. బాలీవుడ్లో అమితాబ్, కోలీవుడ్లో రజినీకాంత్కు ఉన్న హోదా, గొప్పతనం, క్రేజ్ టాలీవుడ్లో చిరుకే ఉన్నాయని చెబుతున్నారు. అయితే దీనిపై ఇంకా క్లారిటీ రాలేదు. ఒకవేళ జై షా గనుక మెగాస్టార్కు గోల్డెన్ టికెట్ ఇస్తే ఆయన భారత్ ఆడే మ్యాచ్లకు హాజరయ్యే అవకాశం ఉంది. మరి.. టాలీవుడ్లో ఏ స్టార్ గోల్డెన్ టికెట్ అందుకుంటారని మీరు అనుకుంటున్నారు? మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: తండ్రిని ‘దేవర’ తెస్తుంటే.. కూతుర్ని ‘శంకర్’ తెస్తున్నాడా?
The Phenomenon Beyond Cinema! 🎬
The BCCI Honorary Secretary @JayShah presented the golden ticket to Shri @rajinikanth, the true embodiment of charisma and cinematic brilliance. The legendary actor has left an indelible mark on the hearts of millions, transcending language and… pic.twitter.com/IgOSTJTcHR
— BCCI (@BCCI) September 19, 2023
Golden ticket for our golden icons!
BCCI Honorary Secretary @JayShah had the privilege of presenting our golden ticket to none other than the “Superstar of the Millennium,” Shri @SrBachchan.
A legendary actor and a devoted cricket enthusiast, Shri Bachchan’s unwavering support… pic.twitter.com/CKqKTsQG2F
— BCCI (@BCCI) September 5, 2023
ప్రముఖ నటి అనసూయ గురించి అందరికీ తెలిసిందే. యాంకర్గా కెరీర్ను ఆరంభించిన ఆమె గ్లామర్ క్వీన్గా పేరు సంపాదించారు. బుల్లితెరపై హుషారైన యాంకరింగ్, అదిరిపోయే అందంతో క్రేజ్ తెచ్చుకున్నారు. ఆ తర్వాత సినిమా అవకాశాలు రావడంతో వెండితెర దిశగా తన ప్రయాణాన్ని మార్చుకున్నారు. ఈ క్రమంలో నటించిన ‘రంగస్థలం’, ‘పుష్ప’తో టాలీవుడ్లో అనసూయ తన ప్లేస్ను ఫిక్స్ చేసుకున్నారు. ముఖ్యంగా ‘రంగస్థలం’లో రంగమ్మ పాత్రలో ఆమె ఒదిగిపోయిన విధానం, పలికించిన హావభావాలకు ప్రేక్షకులు ఫిదా అయిపోయారు. వరుసగా […]
