దేశం గర్వించదగ్గ నటుల్లో ఒకరు అమితాబ్ బచ్చన్. ఆయన నటించే సినిమాలతో పాటు హోస్ట్ చేసే కౌన్ బనేగా కరోడ్పతి (కేబీసీ) ప్రోగ్రామ్ కూడా బాగా పాపులర్ అనే విషయం తెలిసిందే. ఇండియన్ టెలివిజన్లో బాగా ఫేమస్ అయిన షోల్లో ఒకటిగా దీనికి గుర్తింపు ఉంది. ఒక సమయంలో హిట్లు లేక పూర్తిగా డీలాపడ్డ అమితాబ్లో ఈ షో మళ్లీ జోష్ నింపింది. కేబీసీ హిట్టవ్వడంతో పుంజుకున్న బిగ్ బీ.. మళ్లీ వెనుదిరిగి చూసుకోవాల్సిన అవసరం రాలేదు. కేబీసీ మొదలై చాలా ఏళ్లు కావొస్తోంది. సినిమాలతో ఎంత బిజీగా ఉన్నా.. తనను నిలబెట్టిన ఈ షో హోస్టింగ్ను అమితాబ్ వదులుకోవట్లేదు.
కౌన్ బనేగా కరోడ్పతి ప్రస్తుత సీజన్లో చాలా మంది కంటెస్టెంట్లు అద్భుతంగా రాణిస్తున్నారు. భారీ మొత్తంలో డబ్బుల్ని వాళ్లు గెలుచుకుంటున్నారు. ఇప్పటిదాకా రూ.కోటి నెగ్గిన కంటెస్టెంట్లు ఇద్దరున్నారు. వారిలో ఒకరు జస్కరన్ కాగా.. మరొకరు జస్నిల్. కేబీసీలో అడిగే క్వశ్చన్స్ ఏ రేంజ్లో ఉంటాయో తెలిసిందే. వీటికి ఆన్సర్స్ చెప్పడం అంత ఈజీ కాదు. స్పోర్ట్స్, సినిమా, పాలిటిక్స్, లిటరసీ, సైన్స్, హిస్టరీ.. ఇలా చాలా విషయాలపై నాలెడ్జ్ ఉంటే తప్ప జవాబు చెప్పలేం. అంత డెప్త్గా అమితాబ్ క్వశ్చన్స్ అడుగుతారు. తాజా ఎపిసోడ్లో వర్షా సారోగి అనే కంటెస్టెంట్ను ఇలాగే ఓ కఠినమైన ప్రశ్న అడిగారు.
వర్షా సారోగి అనే కంటెస్టెంట్కు రూ.25 లక్షల ప్రశ్నగా క్రికెట్కు సంబంధించిన క్వశ్చన్ అడిగారు బిగ్ బీ. కింది ఇంగ్లండ్ టీమ్ కెప్లెన్లలో ఎవరు భారత్లో పుట్టలేదనేది ప్రశ్న. దీనికి డగ్లస్ జర్డైన్, కొలిన్ కౌడ్రే, నాసిర్ హుస్సేన్, టెడ్ డెక్స్టర్లు ఆప్షన్లుగా ఇచ్చారు. అయితే క్రికెట్పై మంచి నాలెడ్జ్ ఉన్నవారు కూడా ఈ క్వశ్చన్కు ఆన్సర్ చెప్పడం కష్టమే. ఎందుకంటే వారిలో నాసిర్ హుస్సేన్ తప్ప అంతా పాతతరం క్రికెటర్లే. వారి గురించి ఇప్పటివారికి అవగాహన ఉండే ఛాన్స్ లేదు. ఈ ప్రశ్నకు జవాబు తెలియదని.. తాను గేమ్ నుంచి వెళ్లిపోదల్చుకున్నానని కంటెస్టెంట్ వర్ష అన్నారు.
వర్ష రూ.12.5 లక్షల ప్రైజ్ మనీ తీసుకొని కేబీసీ నుంచి వెళ్లిపోయారు. ఇక, పై ప్రశ్నకు సరైన జవాబు టెడ్ డెక్స్టర్. ఇటలీలోని మిలాన్లో పుట్టిన ఆయన.. ఇంగ్లండ్ తరఫున 62 టెస్టులు ఆడారు. మిగిలిన ముగ్గురు ఇంగ్లీష్ టీమ్ కెప్టెన్లలో నాసిర్ హుస్సేన్ చెన్నైలో జన్మించారు. డగ్లస్ జర్డైన్ ముంబై పాత బాంబేలో పుట్టారు. కొలిన్ కౌడ్రే తమిళనాడులోని ఊటీలో పుట్టారు. అయితే కేబీసీలో అడిగిన ఈ ప్రశ్నపై నెటిజన్స్ ఆశ్చర్యం వ్యక్తం చేస్తున్నారు. ఇలాంటి క్వశ్చన్స్కు గూగుల్ తప్ప ఎవరూ సమాధానం చెప్పలేరని కామెంట్స్ చేస్తున్నారు.
ఇదీ చదవండి: కెప్టెన్స్ రౌండ్ టేబుల్ ఈవెంట్.. బవుమా చేసిన పనికి అంతా షాక్!
Cricket related question in KBC today pic.twitter.com/GpclOcV5c0
— Filtercricket (@filter_cricket) October 3, 2023
