పాక్ పరువు తీసిన వసీం అక్రమ్.. సొంత జట్టు అని కూడా చూడకుండా..!

పాకిస్థాన్ జట్టు కథ ముగిసింది. టీ20 ప్రపంచ కప్​లో గ్రూప్ దశలోనే దాయాది ఇంటిదారి పట్టింది. మొదటి మ్యాచ్​లో పసికూన అమెరికా చేతిలో ఓడింది పాక్. సూపర్ ఓవర్ వరకు వెళ్లిన ఆ మ్యాచ్​లో బాబర్ సేనకు ఓటమి తప్పలేదు. ఆ తర్వాతి మ్యాచ్​లో ఫేవరెట్ టీమిండియా చేతుల్లో పరాజయం పాలైంది. అనంతరం కెనడా మీద విజయం సాధించింది. కానీ పరిస్థితి చేయి దాటిపోయింది. భారత్, యూఎస్​ఏలు సూపర్-8కు క్వాలిఫై అయిపోయాయి. దీంతో ఆఖరి మ్యాచ్​లో ఐర్లాండ్​తో ఆడాల్సిన పాక్.. దీని రిజల్ట్​తో సంబంధం లేకుండా టోర్నీ నుంచి నిష్క్రమించింది. ఈ మ్యాచ్ నామమాత్రం కానుంది. ఒకవేళ ఇందులోనూ ఓడిపోతే మరిన్ని విమర్శలు మూటగట్టుకోవాల్సి ఉంటుంది. ఇప్పటికే ఆ టీమ్​పై భారీగా ట్రోలింగ్ నడుస్తోంది. ఇంత చెత్త జట్టు ఏంట్రా బాబు అంటూ విమర్శకులు ఏకిపారేస్తున్నారు.

ఎన్నో అంచనాలు పెట్టుకుంటే అన్నీ వమ్మవడంతో పాక్ అభిమానులు తట్టుకోలేకపోతున్నారు. ఇంత వరస్ట్​గా ఆడటాన్ని ఎప్పుడూ చూడలేదంటూ దుయ్యబడుతున్నారు. పాక్ ఫెయిలైనా వెనకేసుకొచ్చే ఆ దేశ మాజీలు కూడా సొంత టీమ్​ మీద ఆగ్రహం వ్యక్తం చేస్తున్నారు. లెజెండ్ వసీం అక్రమ్ కామెంట్సే ఇందుకు ఉదాహరణగా చెప్పొచ్చు. యూఎస్​ఏ సూపర్-8కు క్వాలిఫై అయిందని, ఆ దశకు చేరుకోవడానికి అమెరికాకు పూర్తిగా అర్హత ఉందన్నాడు. వాళ్లు పాకిస్థాన్​ను ఓడించారని తెలిపాడు. ఇప్పుడు పాక్ యాక్షన్ ప్లాన్ ఏంటో చెప్పాలని ప్రశ్నించాడు. తన దృష్టిలో ఓ ఫ్లైట్ పట్టుకొని దుబాయ్​కు, అటు నుంచి ఆటగాళ్లు ఎవరి సిటీకి వాళ్లు వెళ్లిపోవడం తప్ప ఇంక చేసేదేమీ లేదంటూ పాక్ పరువు తీశాడు అక్రమ్.

‘యూఎస్​ఏ అద్భుతంగా ఆడుతోంది. ఆ టీమ్​కు కంగ్రాట్స్. వాళ్లు పాకిస్థాన్​ను ఓడించారు. క్రికెట్ ఇప్పుడు ప్రపంచవ్యాప్తంగా మరింత గుర్తింపు సంపాదిస్తోంది. ఈ గేమ్ గ్లోబలైజ్ అవుతోంది. అందుకు అమెరికా జట్టు సూపర్-8కు చేరుకోవడమే పెద్ద ఉదాహరణ. ఆ దశకు చేరుకోవడానికి యూఎస్​ఏకు పూర్తి అర్హత ఉంది. ఆ టీమ్ ప్లేయర్లు ఎంతో శ్రమించారు. అందుకే ఈ స్థాయిలో ఉన్నారు. పాక్ ఆటగాళ్లకు ఇప్పుడో పని చేయాలి. ఒక ఫ్లైట్ పట్టుకొని దుబాయ్​కు వెళ్లాలి. అక్కడి నుంచి తమ ఇళ్లకు వెళ్లిపోవాలి’ అని అక్రమ్ ట్రోల్ చేశాడు. పాక్​కు సపోర్ట్​గా ఉంటూ, తప్పొప్పులను సరిదిద్దుతూ, ఆ టీమ్​ను వెనకేసుకొచ్చే అక్రమ్ ఈ స్థాయిలో విమర్శించడంతో అంతా షాక్ అవుతున్నారు. దాయాది జట్టు చెత్తాట వల్లే అక్రమ్ ఈ స్థాయిలో ఘాటు వ్యాఖ్యలు చేయాల్సి వచ్చిందని, అతడు అన్నదాంట్లో తప్పేమీ లేదని కామెంట్స్ చేస్తున్నారు. మరి.. అక్రమ్ పాక్ పరువు తీస్తూ చేసిన వ్యాఖ్యలపై మీ ఒపీనియన్​ను కామెంట్ చేయండి.

• ఇదీ చదవండి: రోహిత్, కోహ్లీ కాదు.. అతడు సింగిల్ హ్యాండ్​తో భారత్​ను గెలిపిస్తాడు: బాలాజీ

Wasim Akram said – “USA qualified for the Super 8s, They deserve to be there, They’ve beaten Pakistan – For Pakistan, what’s the plan?, EK 601 flight to Dubai and then to the respective cities”. (ICC). pic.twitter.com/GZ2JeacFGq

— Tanuj Singh (@ImTanujSingh) June 15, 2024