ఖుషి ట్రైలర్ రిలీజ్.. భర్త అంటే ఎలా ఉండాలో చూపిస్తానంటున్న రౌడీ హీరో!

రెండు తెలుగు రాష్ట్రాల్లో ఎంతో ఆసక్తిగా ఎదురు చూస్తున్న సినిమాల్లో ఖుషి కూడా ఒకటి. రౌడీ హీరో విజయ్ దేవరకొండ, సమంత జంటగా తెరకెక్కుతున్న ఈ సినిమాపై భారీగానే అంచనాలు ఉన్నాయి. ఇప్పటికే రిలీజ్ అయిన పాటలు సోషల్ మీడియా, యూట్యూబ్, ఇన్ స్టా రీల్స్ ఫుల్ వైరల్ అవుతున్నాయి. ఇప్పుడు తాజాగా ఈ మూవీ నుంచి ట్రైలర్ లాంఛ్ చేశారు. మరి.. విజయ్ దేవరకొండ– సమంత కాంబో ఎలా ఉంది? ఈ సినిమా స్టోరీ ఏంటి? ఈ ట్రైలర్ ఆడియన్స్ కి ఎలా అనిపించవచ్చు? అనే విషయాలు చూద్దాం.

ఇప్పటి వరకు ఖుషి సినిమా అనగానే అందరూ.. సమంత కశ్మీర్ ముస్లిమ్, విజయ్ కశ్మీర్ టూర్ వెళ్లి ఆమెను కలుస్తాడు. ఆ తర్వాత ఆమె ప్రేమలో పడిపోతాడు అని చాలానే ఊహించుకున్నారు. అయితే అవన్నీ జస్ట్ మన భ్రమలే అని ఈ ట్రైలర్ ద్వారా క్లారిటీ ఇచ్చారు. ఆమె బేగం కాదని.. బ్రాహ్మిన్ అని తెలిసిపోయింది. అయితే ఇక్కడ ఇంకో సమస్య పెట్టారు. హీరో హీరోయిన్ ఇద్దరూ వేరు వేరు మతాలకు చెందిన వారిని చేశారు. పెద్దలు అంగీకరించకపోయినా విజయ్- సమంత వివాహం చేసుకున్నారు. వాళ్లు బెస్ట్ కపుల్ అని అందరికీ ప్రూవ్ చేయాలి అనుకుని మొదలు పెట్టిన వారి వైవాహిక జీవితం ఎన్ని మలుపులు తిరిగింది? అనే విషయాన్నే ఈ ట్రైలర్ లో చూపించారు.

చివరికి వాళ్లు అనుకున్నది సాధించారా? లేదా అనేది సినిమాలో చూడాల్సిందే. ఈ స్టోరీ లైన్ మీద చాలానే సినిమాలు వచ్చాయి. అయితే ఈ సినిమాలో కాస్త ఫ్రెష్ లుక్ ఉంది. డైలాగ్స్, సాంగ్స్, మ్యూజిక్, విజయ్, సమంత బిగ్ అసెట్ అనే చెప్పాలి. ఈ స్టోరీ లైన్ కు కచ్చితంగా ఈ జనరేషన్ భార్యలు, భర్తలు, ప్రేమికులు కనెక్ట్ అవుతారు. కొన్ని పాత్రలను వెండితెర మీద చూసుకుని ప్రేక్షకులు తమనే ఊహించుకుంటారు. అలాంటి స్కోప్ ఈ కథలో చాలా కనిపిస్తోంది. అందుకే సాధారణ ఆడియన్ ఈ సినిమాకి బాగా కనెక్ట్ అయ్యే అవకాశం ఉంది. ముఖ్యంగా యూత్ కూడా ఈ సినిమాకి బాగా కనెక్ట్ అవుతారు. మొత్తం మీద ఈ సినిమా ఎలా ఉండబోతోంది అనేది తెలియాలి అంటే సెప్టెంబర్ 1 వరకు ఆగాల్సిందే. మరి.. విజయ్- సమంతల ఖుషి ట్రైలర్ మీకు ఎలా అనిపించిందో కామెంట్స్ రూపంలో తెలియజేయండి.