కూతురి పెళ్లి కోసం లాకర్లో దాచిన రూ.18 లక్షలకు చెదలు!

చాలా మంది పైసా పైసా కష్టపడి సంపాదిస్తారు. అలా కూడబెట్టిన డబ్బులు కానీ, పెద్ద మొత్తంలో ఉన్న డబ్బును భద్రంగా ఉండేందుకు బ్యాంక్ లాకర్లో దాచుకుంటున్నారు. ఇక అవసరం ఉన్నప్పుడు ఆ డబ్బులను వెనక్కి తీసుకుంటారు. అయితే అచ్చం ఇలాగే ఓ మహిళ తన కూతురి పెళ్లి కోసం దాచుకున్న డబ్బంతా ఓ బ్యాంక్ లో దాచుకుంది. డబ్బు అవసరం ఉండడంతో ఆ వ్యక్తి ఇటీవల బ్యాంకు అధికారులను సంప్రదించింది. ఆఫీసర్స్ ఆ డబ్బు దాచిన లాకర్ ను ఓపెన్ చేసి చూడగా.. ఆ డబ్బుంతా చెదలు తినేశాయి. ఈ సీన్ చూసి బ్యాంకు అధికారులు, డబ్బు దాచుకున్న మహిళ షాక్ గురయ్యారు. ఇంతకు ఈ ఘటన ఎక్కడ జరిగిందంటే?

ఉత్తర్ ప్రదేశ్ లోని మొరదాబాద్ కు చెందిన ఓ మహిళ తన చిన్న కూతురి పెళ్లి కోసం పెద్ద మొత్తంలో డబ్బును కూడబెట్టింది. ఆ డబ్బంతా భద్రంగా ఉండేందుకు బ్యాంకులో దాచుకోవాలని అనుకుంది. ఇందులో భాగంగానే ఆ మహిళ చాలా రోజుల క్రితం తన వద్ద ఉన్న దాదాపు రూ.18 లక్షల డబ్బును స్థానికంగా ఉన్న ఓ బ్యాంకులో దాచుకుంది. కట్ చేస్తే.. ఇటీవల ఆ మహిళ డబ్బు కావాలని బ్యాంకు అధికారులను సంప్రదించింది. దీంతో ఆ అధికారులు డబ్బు దాచిన ఆ లాకర్ ను ఓపెన్ చేసి చూడగా.. ఆ రూ.18 లక్షలను పూర్తిగా చెదలు తినేశాయి.

ఈ సీన్ చూసి ఆ బ్యాంకు అధికారులు ఒక్కసారిగా షాక్ గురయ్యారు. ఈ విషయం తెలుసుకున్న డబ్బు దాచుకున్న మహిళ కన్నీరు మున్నీరుగా విలపించింది. అనంతరం బ్యాంకు మేనేజర్ ఈ ఘటనపై స్పందించి విచారణ చేపట్టారు. ఇటీవల వెలుగు చూసిన ఈ ఘటన స్థానికంగా తీవ్ర చర్చనీయాంశంగా మారుతోంది. చెదలు పాలైన రూ.18 లక్షల ఘటనపై మీ అభిప్రాయాలను కామెంట్ రూపంలో తెలియజేయండి.

• ఇది కూడా చదవండి: జన్మభూమి ఎక్స్‌ప్రెస్ రైలులో పొగలు.. పరుగులు తీసిన ప్రయాణికులు