సినిమా ఇండస్ట్రీలో వరుసగా పెళ్లిళ్ళు, ఎంగేజ్ మెంట్ లు జరుగుతూనే ఉన్నాయి. పలు ఇండస్ట్రీలకు చెందిన నటీ, నటులు వైవాహిక బంధంలోకి అడుగుపెడుతూ.. కొత్త జీవితానికి నాంది పలుకుతున్నారు. తాజాగా ఓ యువ హీరో సైతం మూడు ముళ్ల బంధంలోకి అడుగుపెట్టాడు. తాను ప్రేమించిన యువతినే పెళ్లి చేసుకున్నాడు ఈ హీరో. తన పెళ్లి ఫొటోలను సోషల్ మీడియా ద్వారా అభిమానులతో పంచుకున్నాడు. ప్రస్తుతం ఆ పిక్స్ వైరల్ గా మారాయి.
కెవిన్.. కోలీవుడ్ యంగ్ హీరో.. ఇటీవలే ‘దాదా’ చిత్రంతో మంచి సక్సెస్ ను అందుకుని ఊపుమీదున్నాడు. తొలుత సీరియల్స్ చేసిన ఈ యువ హీరో.. అక్కడ మంచి గుర్తింపు తెచ్చుకున్నాడు. శ్రావణన్ మీనాక్షి, తాయుమానవన్ లాంటి సీరియల్స్ తో బుల్లితెర హీరోగా మారాడు. కాగా.. 2017లో వచ్చిన శత్రియాన్ మూవీలో క్యారెక్టర్ ఆర్టిస్ట్ గా మారాడు. ఈ తర్వాత సంవత్సరమే నాట్పున్న ఎన్ననాను తెరియుమా సినిమాతో హీరోగా ఇండస్ట్రీకి ఎంట్రీ ఇచ్చాడు. ఇక ఈ ఏడాది వచ్చిన దాదా మూవీతో సూపర్ హిట్ ను తన ఖాతాలో వేసుకున్నాడు.
ఈ క్రమంలోనే మోనిక డేవిడ్ తో ప్రేమలో పడ్డాడు కెవిన్. వీరిద్దరి పెళ్లికి పెద్దలు కూడా ఒప్పుకోవడంతో.. ఆదివారం(ఆగస్టు 20) ఉదయం ఘనంగా వీరి వివాహం జరిగింది. కుటుంబ సభ్యులు, అత్యంత సన్నిహితుల సమక్షలో వీరి వివాహ వేడుక జరిగింది. ఈ పెళ్లికి ఇండస్ట్రీకి చెందిన పలువురు సెలబ్రిటీలు హాజరై.. కొత్త జంటను దీవించారు. దర్శకుడు విఘ్నేశ్ శివన్ తో పాటుగా కొంతమంది నటీ, నటులు ఈ పెళ్లికి వచ్చారు. కాగా.. కెవిన్ ప్రస్తుతం కొరియోగ్రాఫర్ సతీష్ తో ఓ మూవీని చేస్తున్నాడు. ఈ చిత్రానికి స్టార్ మ్యూజిక్ డైరెక్టర్ అనిరుధ్ సంగీతం సమకూరుస్తున్నాడు. ప్రస్తుతం ఈ యంగ్ హీరో ఫొటోలు సోషల్ మీడియాలో వైరల్ గా మారాయి. దీంతో ఈ కొత్త జంటకు శుభాకాంక్షలు తెలియజేస్తున్నారు అభిమానులు, నెటిజనులు.
View this post on Instagram
ఇదికూడా చదవండి: ‘కొత్త ప్రేమను కనుగొన్నా’ వైరలవుతున్న సమంత పోస్ట్!
