BJPకి విజయశాంతి రాజీనామా..

తెలంగాణలో బీజేపీ భారీ షాక్ తగిలింది. బీజేపీ నేత, మాజీ ఎంపీ విజయశాంతి ఆ పార్టీకి రాజీనామా చేశారు. రాజీనామా లేఖను రాష్ట్ర బీజేపీ అధ్యక్షుడు, కేంద్ర మంత్రి జి. కిషన్ రెడ్డికి అందజేశారు. గత కొంత కాలంగా విజయశాంతి బీజేపీ కార్యక్రమాలకు దూరంగా ఉంటున్నారు. ప్రధాని మోదీ, అమిత్ షా కార్యక్రమాలకు కూడా ఆమె హాజరకావడం లేదు. దీంతో బీజేపీ అధిష్టానంపై ఆమె అసంతృప్తితో ఉన్నట్లు తెలుస్తోంది. ఆమె పార్టీ మారతారని చాలా రోజులుగా ప్రచారం జరిగింది. అయితే ఇటీవలే వార్తలను విజయశాంతి ఖండించారు. అయితే తాజాగా ఆ వార్తలను నిజం చేస్తూ విజయశాంతి బీజేపీకి రాజీనామా చేశారు. అయితే త్వరలో రాహుల్ గాంధీ సమక్షంలో  కాంగ్రెస్ లో చేరనున్నట్లు టాక్ వినిపిస్తోంది.