పండగ వేళ మాంసం ప్రియులకు గుడ్ న్యూస్.. భారీగా తగ్గిన చికెన్ ధరలు..

ఫంక్షన్లు, పార్టీలు, పండగలు, సండే రోజుల్లో నాన్ వెజ్ తినేందుకు ఇంట్రెస్ట్ చూపిస్తుంటారు. కొంతమందికి ముక్క లేనిదే ముద్ద దిగని పరిస్థితి ఉంటుంది. ధర ఎంతైనా పర్వాలేదు.. సండే రోజు చికెన్ తినాల్సిందే అంటుంటారు నాన్ వెజ్ ప్రియులు. మిగతా రోజుల్లో తక్కువగా ఉన్నా కూడా సండే రోజు మాత్రం చికెన్ కు డిమాండ్ ఎక్కువగా ఉంటుంది. ఇక గత నెల వరకు కొండెక్కిన చికెన్ ధరలు చికెన్ ప్రియులకు షాకిచ్చాయి. దీంతో మాంసం ప్రియులు ఇబ్బంది పడ్డారు. ధరలు ఎప్పుడు తగ్గుతాయా అని చూస్తున్నవారికి గుడ్ న్యూస్. తెలంగాణలో చికెన్ ధరలు తగ్గుముఖం పట్టాయి. చికెన్ ధరలు భారీగా తగ్గివచ్చాయి. కిలో చికెన్ ధర ఎంత ఉందంటే?

పండగ వేళ మాంసం ప్రియులకు భారీ శుభవార్త. చికెన్ ధరలు భారీగా తగ్గాయి. తెలంగాణలో ఒక్కసారిగా చికెన్ ధరలు పడిపోయాయి. గత నెలలో కేజీ చికెన్ ధర రూ. 300 పలుకగా నేడు ఆ ధరలు సగానికి పడిపోయాయి. ప్రస్తుతం డ్రెస్సింగ్ కోడి కేజీ రూ. 150గా ఉంది. స్కిన్ లెస్ ధర రూ. 160-180గా ఉంది. అయితే ధరలు తగ్గడానికి కారణం లేకపోలేదు. ఆగస్టు 5 నుంచి శ్రావణమాసం ప్రారంభమైన విషయం తెలిసిందే. పవిత్రంగా భావించే ఈ మాసంలో ప్రజలంతా పూజలు, వ్రతాలు చేసుకుంటున్నారు.

కాబట్టి ఇళ్లలో మాంసం ముట్టుకోరు. ఈ నేపథ్యంలో చికెన్ తినే వారి సంఖ్య తగ్గిపోయింది. దీంతో కొనుగోళ్లు పడిపోయాయి. దాదాపుగా శ్రావణమాసం అంతా చికెన్ తక్కువ ధరకే లభించనున్నట్లు తెలుస్తున్నది. చికెన్ ధరలు తగ్గడంతో నాన్ వెజ్ ప్రియులు ఫుల్ ఖుష్ అవుతున్నారు. ఇక శ్రావణ మాసం అనంతంర మళ్లీ చికెన్ ధరలు పుంజుకోనున్నట్లు వ్యాపారులు వెల్లడిస్తున్నారు. మరి చికెన్ ధరలు తగ్గడంపై మీ అభిప్రాయాలను కామెంట్ల రూపంలో తెలియజేయండి.