టీమిండియా చెత్త రికార్డు.. T20 హిస్టరీలో ఇదే ఫస్ట్ టైమ్!

టీ20 ప్రపంచ కప్ గెలిచాం.. ఇక మనకు తిరుగులేదని అనుకున్నారు. ఆస్ట్రేలియా, ఇంగ్లండ్, సౌతాఫ్రికా లాంటి టాప్ టీమ్స్​నే మట్టికరిపించాం.. ఇక మనకు ఎదురెవరని భ్రమపడ్డారు. కానీ ఐసీసీ ట్రోఫీ నెగ్గి జోష్​లో ఉన్న భారత జట్టుకు ఓ పసికూన షాక్ ఇచ్చింది. ఎంతటి టీమ్ అయినా సరే సరిగ్గా ఆడకపోతే ఓటమి తప్పదని హెచ్చరికలు పంపించింది. ఆ జట్టు మరేదో కాదు.. జింబాబ్వే. ఐదు టీ20ల సిరీస్ కోసం ఆ దేశ పర్యటనకు వెళ్లిన యంగ్ ఇండియాకు తొలి మ్యాచ్​లోనే గట్టి షాక్ తగిలింది. ఛాంపియన్స్ అయిన భారత్​ను 13 పరుగుల తేడాతో ఓడించింది జింబాబ్వే. ఈ మ్యాచ్​తో ఓ చెత్త రికార్డును మూటగట్టుకుంది మెన్ ఇన్ బ్లూ.

జింబాబ్వేతో మ్యాచ్​లో 115 పరుగుల టార్గెట్​ను ఛేజ్ చేసేందుకు బరిలోకి దిగిన భారత్.. 102 పరుగులకే కుప్పకూలింది. టీ20 హిస్టరీలో ఏ జట్టు కూడా టీమిండియాను ఇంత తక్కువ స్కోరుకు డిఫెండ్ చేసిన దాఖలాలు లేవు. ఆ రకంగా ఓ చెత్త రికార్డును అకౌంట్​లో వేసుకుంది మెన్ ఇన్ బ్లూ. ఈ మ్యాచ్​లో బ్యాటింగ్ కొలాప్స్ భారత్ కొంపముంచింది. అభిషేక్ శర్మ, రింకూ సింగ్ డకౌట్ అయ్యారు. శుబ్​మన్ గిల్ (31), వాషింగ్టన్ సుందర్ (27) మినహా మరే బ్యాటర్ కూడా రెండంకెల స్కోరు చేయలేకపోయాడు. అటు బౌలర్లు రాణించినా చివర్లో రన్స్ లీక్ చేయడం, దారుణమైన ఫీల్డింగ్, అనుభవం లేని గిల్ సారథ్యం జట్టుకు మైనస్​గా మారాయి. మరి.. జింబాబ్వే చేతిలో భారత్ పరాజయంపై మీ ఒపీనియన్​ను కామెంట్ చేయండి.

• ఇదీ చదవండి: భారత జట్టును ఒక్క మాట అన్నా ఊరుకోం.. ఇంగ్లండ్ స్టార్​కు రవిశాస్త్రి కౌంటర్!

Zimbabwe defended the lowest ever total against India in T20i history. 🤯

– Some commendable performance by Zimbabwe. 👏 pic.twitter.com/vNrzTG2luq

— Mufaddal Vohra (@mufaddal_vohra) July 6, 2024