Yuzvendra Chahal, County Championship, Selectors: టీమిండియా వెటరన్ స్పిన్నర్ యుజ్వేంద్ర చాహల్ మరోమారు సత్తా చాటాడు. తన స్పిన్ మ్యాజిక్తో ప్రత్యర్థి బ్యాటింగ్ యూనిట్ను కకావికలం చేశాడు. ఒకే మ్యాచ్లో 9 వికెట్లు తీసి తనలో పస తగ్గలేదని ప్రూవ్ చేశాడు.
Yuzvendra Chahal, County Championship, Selectors: టీమిండియా వెటరన్ స్పిన్నర్ యుజ్వేంద్ర చాహల్ మరోమారు సత్తా చాటాడు. తన స్పిన్ మ్యాజిక్తో ప్రత్యర్థి బ్యాటింగ్ యూనిట్ను కకావికలం చేశాడు. ఒకే మ్యాచ్లో 9 వికెట్లు తీసి తనలో పస తగ్గలేదని ప్రూవ్ చేశాడు.
యుజ్వేంద్ర చాహల్.. గత ఆరేడేళ్లుగా టీమిండియా విజయాల్లో కీలక పాత్ర పోషిస్తున్న వారిలో ఒకడు. లెగ్ స్పిన్ మాయాజాలంతో ప్రత్యర్థి బ్యాటర్లను వణికిస్తూ వస్తున్నాడు. స్పిన్ ఉచ్చులో బిగించి అవతలి టీమ్ మ్యాచ్లో మళ్లీ కమ్బ్యాక్ ఇవ్వకుండా చేయడంలో అతడు దిట్టగా మారాడు. లెగ్ స్పిన్తో పాటు గూగ్లీ, ఫ్లిప్పర్ లాంటి డెలివరీస్తో తోపు బ్యాటర్లను కూడా భయపెడుతున్నాడు చాహల్. అయితే లిమిటెడ్ ఓవర్స్ ఫార్మాట్లో అడపాదడపా భారత జట్టులో అవకాశాలు దక్కుతున్నా.. టెస్ట్ టీమ్లో మాత్రం చాహల్ను పరిగణనలోకి తీసుకోవడం లేదు. రవిచంద్రన్ అశ్విన్, రవీంద్ర జడేజా, కుల్దీప్ యాదవ్, అక్షర్ పటేల్ రూపంలో సాలిడ్ స్పిన్ ఆల్రౌండర్స్ ఉండటంతో చాహల్ను సెలెక్టర్లు పట్టించుకోవడం లేదు. దీంతో తనను తాను ప్రూవ్ చేసుకునేందుకు కౌంటీల్లో ఆడుతున్న చాహల్.. ఒక్క మ్యాచ్లో 9 వికెట్లు పడగొట్టాడు.
నార్తాంప్టన్షైర్ తరఫున బరిలోకి దిగిన చాహల్.. డెర్బీషైర్తో జరిగిన కౌంటీ ఛాంపియన్షిప్ డివిజన్ 2 మ్యాచ్లో దుమ్మురేపాడు. ఈ మ్యాచ్లో రెండు ఇన్నింగ్స్ల్లో కలిపి 9 వికెట్లు తీశాడు. మొదటి ఇన్నింగ్స్లో 5 వికెట్లు తీసిన భారత స్పిన్నర్.. రెండో ఇన్నింగ్స్లో మరో 4 వికెట్లు పడగొట్టాడు. తద్వారా ఫస్ట్ క్లాస్ క్రికెట్లో 100 వికెట్ల మైల్స్టోన్ను కూడా చేరుకున్నాడు. అద్భుతంగా బౌలింగ్ చేసిన చాహల్.. ప్రత్యర్థి బ్యాటర్లను వణికించాడు. క్రీజులో నిలబడాలంటేనే భయపడేలా చేశాడు. పర్ఫెక్ట్ లైన్ అండ్ లెంగ్త్లో బౌలింగ్ చేస్తూ పోయాడు. ఒక లైన్ పట్టుకొని అందులోనే ఫ్లిప్పర్లు, గుగ్లీలు, లెగ్ స్పిన్ డెలివరీస్ వేస్తూ బ్యాటర్లను బోల్తా కొట్టించాడు. బాల్ వేగాన్ని పెంచుతూ, తగ్గిస్తూ.. గాల్లో బంతిని గింగిరాలు తిప్పుతూ వికెట్ల మీద వికెట్లు తీశాడు. అతడి దెబ్బకు ప్రత్యర్థి బ్యాటింగ్ యూనిట్ కకావికలం అయింది.
ఒక్క స్పెల్తో సెలెక్టర్లకు చాహల్ స్ట్రాంగ్ మెసేజ్ పంపించాడు. భారత టెస్ట్ జట్టులోకి తనను తీసుకోవాల్సిందే అనేంత కసితో బౌలింగ్ చేశాడు. చాహల్ ఫిట్నెస్, ఫామ్, బౌలింగ్ వేరియేషన్స్ చూస్తుంటే.. త్వరలో టెస్ట్ టీమ్లోకి కమ్బ్యాక్ ఇచ్చేలా ఉన్నాడని ఎక్స్పర్ట్స్ అంటున్నారు. బంగ్లాదేశ్ సిరీస్తో భారత హోమ్ సీజన్ స్టార్ట్ కానుంది. మున్ముందు భారీగా లాంగ్ ఫార్మాట్ మ్యాచ్లు ఆడనుంది. ఆల్రెడీ టీమ్లో నలుగురు స్పిన్నర్లు ఉన్నారు. అయితే లెగ్ స్పిన్నర్ మాత్రం లేడు. బౌలింగ్లో మరింత వైవిధ్యత కావాలనుకుంటే చాహల్ వైపు సెలెక్టర్లు చూసే అవకాశం ఉంది. అతడి పెర్ఫార్మెన్స్ పీక్లో ఉంది కాబట్టి కన్సిడర్ చేసే ఛాన్సులు బలంగానే ఉన్నాయని ఎక్స్పర్ట్స్ అంటున్నారు. మరి.. భారత టెస్టు జట్టులోకి చాహల్ కమ్బ్యాక్ ఇస్తే చూడాలని ఉందా? మీ ఒపీనియన్ను కామెంట్ల రూపంలో తెలియజేయండి.
– Five wicket haul in 1st innings.
– Four wicket haul in 2nd innings.
– Completed 100 wickets in FC.YUZVENDRA CHAHAL SHOW IN COUNTY CRICKET, The Magician of India. 💪 pic.twitter.com/TlOWoaf7HL
— Johns. (@CricCrazyJohns) September 11, 2024
