న్యూజిలాండ్తో మ్యాచ్లో ఒక విషయంలో భారత కెప్టెన్ రోహిత్ శర్మకు, స్టార్ బ్యాటర్ విరాట్ కోహ్లీకి మధ్య వాదన జరిగింది. ఈ ఇద్దరు ప్లేయర్లు గ్రౌండ్లో సీరియస్గా మాట్లాడుకుంటూ కనిపించారు.
న్యూజిలాండ్తో మ్యాచ్లో ఒక విషయంలో భారత కెప్టెన్ రోహిత్ శర్మకు, స్టార్ బ్యాటర్ విరాట్ కోహ్లీకి మధ్య వాదన జరిగింది. ఈ ఇద్దరు ప్లేయర్లు గ్రౌండ్లో సీరియస్గా మాట్లాడుకుంటూ కనిపించారు.
వన్డే వరల్డ్ కప్లో టీమిండియా దూకుడుకు ఎదురే లేకుండా పోయింది. ఫస్ట్ మ్యాచ్లో ఫేవరెట్లలో ఒకటైన ఆస్ట్రేలియాను ఓడించిన భారత్.. ఆ తర్వాతి మ్యాచ్లో ఆఫ్ఘానిస్థాన్పై ఈజీగా గెలిచింది. ఎంతో ఆసక్తి రేకెత్తించిన పాకిస్థాన్తో మ్యాచ్లో దాయాదిని చిత్తుగా ఓడించింది. వరుస విజయాలు వస్తున్నా ఎక్కడో చిన్న అనుమానం. భారత్లాగే నాలుగు విజయాలతో దూసుకెళ్తున్న న్యూజిలాండ్ను రోహిత్ సేన ఆపగలదా అనే సందేహాలు తలెత్తాయి. అసలే ఆ టీమ్పై మనకు వరల్డ్ కప్లో రికార్డు బాగోలేదు. ఇండియాతో మ్యాచ్ అంటే చాలు కివీస్ ప్లేయర్లు చెలరేగి ఆడతారు. దీంతో భారత జట్టు ఒత్తిడిలో చిత్తవుతుందేమోనని అంతా అనుకున్నారు.
న్యూజిలాండ్పై ఎలాగైనా గెలవాలని టీమిండియా ఫ్యాన్స్ కోరుకున్నారు. ఆ టీమ్తో లెక్క సరిచేయాలని ప్లేయర్లు కూడా గట్టిగా అనుకున్నారు. అనుకున్నట్లే నిన్న కివీస్తో జరిగిన మ్యాచ్లో భారత్ బంపర్ విక్టరీ కొట్టింది. అందర్నీ ఓడిస్తూ వస్తున్న న్యూజిలాండ్ను ఓడించి తాము ఈసారి హాట్ ఫేవరెట్స్ అని మరోమారు నిరూపించుకుంది రోహిత్ సేన. ఈ మ్యాచ్లో మొదట బ్యాటింగ్ చేసిన కివీస్ 20 ఓవర్లకు 273 రన్స్కు ఆలౌట్ అయింది. ఆ టీమ్లో డారిల్ మిచెల్ (130) సెంచరీతో ఆకట్టుకున్నాడు. అతడికి రచిన్ రవీంద్ర (75) మంచి సహకారం అందించాడు. భారత బౌలర్లలో మహ్మద్ షమీకి 5 వికెట్లు దక్కాయి. కుల్దీప్ రెండు వికెట్లు తీయగా.. బుమ్రా, సిరాజ్ ఒక్కో వికెట్ పడగొట్టారు.
టార్గెట్ ఛేజింగ్కు దిగిన టీమిండియాకు మంచి స్టార్ట్ దొరికింది. రోహిత్ శర్మ (46), శుబ్మన్ గిల్ (26) కలసి ఫస్ట్ వికెట్కు 71 రన్స్ జోడించారు. స్టార్ బ్యాటర్ విరాట్ కోహ్లీ (95) సూపర్బ్ బ్యాటింగ్తో టీమ్ గెలుపులో కీలక పాత్ర పోషించాడు. చివర్లో కోహ్లీ ఔటైనా రవీంద్ర జడేజా (39 నాటౌట్) మిగిలిన పనిని పూర్తి చేశాడు. ఇదిలా ఉంటే.. ఈ మ్యాచ్లో కివీస్ ఇన్నింగ్స్ టైమ్లో జరిగిన ఓ ఘటన చర్చనీయాంశంగా మారింది. భారత కెప్టెన్ రోహిత్ శర్మ-విరాట్ కోహ్లీ మధ్య వాదన జరిగింది. హిట్మ్యాన్పై కోహ్లీ సీరియస్ అయిన వీడియో నెట్టింట వైరల్ అవుతోంది. ఇది చూసిన ఫ్యాన్స్ ఇద్దరూ ఇలా గ్రౌండ్లో ఎందుకు వాదనకు దిగారని అనుకుంటున్నారు. అప్పటికి 31 ఓవర్లు పూర్తయ్యాయి. రచిన్ రవీంద్ర, డారిల్ మిచెల్ ఇద్దరూ హాఫ్ సెంచరీలు పూర్తి చేసుకున్నారు.
మిడిల్ ఓవర్లలో రచిన్ రవీంద్ర, మిచెల్లు కలసి కుల్దీప్ యాదవ్ బౌలింగ్లో సిక్సులు, జడేజా బౌలింగ్లో బౌండరీలు మీద బౌండరీలు కొడుతున్నారు. వికెట్లు పడకపోవడంతో పాటు రన్స్ కూడా భారీగా లీక్ అవుతుండటంతో టీమిండియా ఒత్తిడిలో కనిపించింది. వాళ్లిద్దర్నీ ఎలా ఔట్ చేయాలో తెలియక బౌలర్లు టెన్షన్ పడుతున్నారు. అదే టైమ్లో రోహిత్ దగ్గరకు వచ్చాడు కోహ్లీ. రచిన్-మిచెల్ జోడీని విడదీయడంపై, బౌలింగ్ ఛేంజెస్ మీద ఇద్దరూ సీరియస్గా మాట్లాడుకున్నట్లు కనిపించింది. హిట్మ్యాన్ కాస్త కూల్గానే ఉన్నా విరాట్ మాత్రం తన మాట వినాల్సిందే అన్నట్లుగా సీరియస్గా ఏదో సలహా ఇస్తున్నట్లు కనిపించాడు. దీంతో వీళ్లిద్దరి మధ్య గ్రౌండ్లో ఏదో జరిగిందని అంతా అనుకున్నారు. కానీ ఆ తర్వాత కివీస్ వికెట్లు పడుతున్న టైమ్లో రోహిత్, హిట్మ్యాన్ నవ్వుతూ కనిపించారు. మ్యాచ్ పూర్తయ్యాక కూడా కోహ్లీ-రోహిత్ ఒకర్నొకరు హగ్ చేసుకున్నారు. మరి.. గ్రౌండ్లో రోహిత్తో కోహ్లీకి మధ్య జరిగిన వాదనపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: World Cup: అనవసరంగా బుమ్రాను అంటున్నారు.. తప్పు అతడిది కాదు!
