ప్రపంచ కప్లో టీమిండియా వరుస విజయాలతో దుమ్మురేపుతోంది. అయితే భారత జట్టు విజయాలకు రోహిత్ శర్మ కెప్టెన్సీ, కోచ్ రాహుల్ ద్రవిడ్ ప్లానింగ్, టీమ్ సమష్టిగా రాణించడమేనని అంతా అనుకుంటున్నారు. అయితే రోహిత్ సేన సక్సెస్ వెనుక ఓ కనిపించని అదృశ్య శక్తి ఉంది. అదేంటో ఇప్పుడు తెలుసుకుందాం..
ప్రపంచ కప్లో టీమిండియా వరుస విజయాలతో దుమ్మురేపుతోంది. అయితే భారత జట్టు విజయాలకు రోహిత్ శర్మ కెప్టెన్సీ, కోచ్ రాహుల్ ద్రవిడ్ ప్లానింగ్, టీమ్ సమష్టిగా రాణించడమేనని అంతా అనుకుంటున్నారు. అయితే రోహిత్ సేన సక్సెస్ వెనుక ఓ కనిపించని అదృశ్య శక్తి ఉంది. అదేంటో ఇప్పుడు తెలుసుకుందాం..
వన్డే వరల్డ్ కప్-2023లో టీమిండియా మరో విజయాన్ని అకౌంట్లో వేసుకుంది. బంగ్లాదేశ్ జట్టుతో గురువారం జరిగిన మ్యాచ్లో భారత్ విక్టరీ సాధించింది. మెగా టోర్నీలో రోహిత్ సేనకు ఇది వరుసగా నాలుగో విజయం కావడం విశేషం. బ్యాటింగ్, బౌలింగ్, ఫీల్డింగ్.. ఇలా అన్నింటా ఆధిక్యం ప్రదర్శించిన భారత్ బంగ్లాను చిత్తు చేసింది. ఈ విజయంతో సెమీఫైనల్ ఛాన్స్ను మరింత మెరుగుపర్చుకుంది. అయితే మున్ముందు న్యూజిలాండ్, ఇంగ్లండ్, సౌతాఫ్రికా లాంటి బలమైన టీమ్స్తో తలపడనుంది. ప్లేయర్లు అందరూ మంచి టచ్లో ఉండటం, జట్టు కూడా సూపర్బ్ ఫామ్లో ఉన్న నేపథ్యంలో ఆ మ్యాచ్ల్లోనూ భారత్ నెగ్గడం ఖాయంగా కనిపిస్తోంది.
ఇటీవల జరిగిన ఆసియా కప్, ఆ తర్వాత ఆస్ట్రేలియాతో వన్డే సిరీస్, ఇప్పుడు వరల్డ్ కప్.. ఈ మూడు టోర్నీల్లోనూ భారత్ వరుస విజయాలు సాధించింది. ఆసియా కప్లో విజేతగా నిలిచిన రోహిత్ సేన.. ఆసీస్తో వన్డే సిరీస్ను 2-1 తేడాతో గెలుచుకుంది. వరల్డ్ కప్లో ఇప్పటిదాకా ఆడిన నాలుగు మ్యాచ్ల్లోనూ విజయం టీమిండియానే వరించింది. అయితే దీనికి కెప్టెన్ రోహిత్ శర్మతో పాటు కోచ్ రాహుల్ ద్రవిడ్కు క్రెడిట్ ఇస్తున్నారు. ఇందులో తప్పేమీ లేదు. రోహిత్ మిగిలిన ఆటగాళ్లతో మరింత కలిసిపోయి వాళ్లకు అవసరమైనప్పుడల్లా సలహాలు, సూచనలు ఇస్తున్నాడు. కెప్టెన్సీ నాక్స్ ఆడుతూ యంగ్ ప్లేయర్స్కు ఎగ్జాంపుల్గా నిలుస్తున్నాడు. స్ట్రెస్ను తాను తీసుకొని మిగిలిన వారు స్వేచ్ఛగా ఆడేలా చూసుకుంటున్నాడు. అందుకు అతడ్ని తప్పకుండా అభినందించాల్సిందే.
భారత్ వరుస విజయాలకు కోచ్ రాహుల్ ద్రవిడ్ను కూడా మెచ్చుకోవాలి. మొదట్లో ఆయన చేసిన ప్రయోగాలు, తీసుకున్న నిర్ణయాలు ఎవరికీ పెద్దగా నచ్చలేదు. గాయాల తర్వాత కమ్బ్యాక్ ఇస్తున్న శ్రేయస్ అయ్యర్, కేఎల్ రాహుల్ లాంటి వారిని బ్యాకప్ చేశాడు ద్రవిడ్. స్పిన్ను బాగా ఎదుర్కొనే అయ్యర్, అవసరాన్ని బట్టి గేర్లు మారుస్తూ ఇన్నింగ్స్ను ముందుకు తీసుకెళ్లే రాహుల్ టీమ్లో పక్కా ఉండాల్సిందేనని పట్టుపట్టాడు. వారిపై ద్రవిడ్ ఉంచిన నమ్మకం వమ్ము కాలేదు. అది మంచి ఫలితాలను ఇస్తోంది. వీళ్లిద్దరితో పాటు టీమ్లోని మిగతా యంగ్ ప్లేయర్స్కూ సపోర్ట్గా నిలిచిన ద్రవిడ్.. గెలుపు కోసం వ్యూహాలు రచిస్తూ భారత్ సక్సెస్లో కీలక పాత్ర పోషిస్తున్నాడు.
టీమిండియా వరుస విజయాలకు రోహిత్, ద్రవిడ్ను మాత్రమే మెచ్చుకుంటే సరిపోదు. రోహిత్ సేన సక్సెస్ వెనుక కనిపించని ఓ అదృశ్య శక్తి ఉంది. ఆసియా కప్కు ముందు వరకు భారత జట్టు విషయంలో ఎన్నో సందేహాలు ఉండేవి. టీమ్ తుది కూర్పు ఎలా ఉంటుంది? అసలు ఆ టోర్నీలో ఫైనల్స్ వరకు వెళ్తారా? అంటూ డౌట్స్ వచ్చాయి. ఇంజ్యురీ నుంచి తిరిగొచ్చిన కేఎల్ రాహుల్ను ఆడిస్తారా? శ్రేయస్ అయ్యర్ పూర్తి ఫిట్గా ఉన్నాడా? జస్ప్రీత్ బుమ్రా మునుపటి ఫామ్ను అందుకుంటాడా? రవిచంద్రన్ అశ్విన్ను హఠాత్తుగా వరల్డ్ కప్ స్క్వాడ్లోకి ఎందుకు తీసుకున్నారు? అంటూ చాలా ప్రశ్నలు టీమ్ మేనేజ్మెంట్ను ఆందోళనకు గురిచేశాయి. అయితే వీటన్నింటికీ ఆన్సర్లు ఆసియా కప్, వరల్డ్ కప్లో దొరికేశాయి. డౌట్ పడిన పై ప్లేయర్లు అందరూ తమ పెర్ఫార్మెన్స్లతో అదరగొడుతున్నారు.
కేఎల్ రాహుల్, శ్రేయస్ అయ్యర్, రవిచంద్రన్ అశ్విన్, జస్ప్రీత్ బుమ్రా, కుల్దీప్ యాదవ్.. టీమిండియా వరుస విజయాల్లో కీలక పాత్ర పోషిస్తున్న ప్లేయర్లు. వీళ్లందరికీ ఒక కామన్ పాయింట్ ఉంది. అదే నేషనల్ క్రికెట్ అకాడమీ (ఎన్సీఏ). పైప్లేయర్స్ అందరూ ఇటీవల కాలంలో ఎన్సీఏకు వెళ్లి వచ్చినవారే. అక్కడ కొన్నాళ్ల పాటు ఉన్న కుల్దీప్ గాయం మానాక తన బౌలింగ్ శైలిపై దృష్టి పెట్టాడు. ఎన్సీఏలోని కోచ్ల సాయంతో వికెట్లకు దగ్గరగా వచ్చి బంతులు వేయడం నేర్చుకున్నాడు. ఇంతకు ముందు కంటే మంచి రిథమ్లో బౌలింగ్ వేస్తున్న ఈ చైనామన్.. బంతులను మరింత వేగంగా విసురుతున్నాడు. ఎన్సీఏలో ఉండటం వల్ల కుల్దీప్ బౌలింగ్ ఎంతగానో మెరుగుపడింది. ఇప్పుడు టీమిండియాకు మిడిల్ ఓవర్లలో అతను ప్రధాన బలంగా తయారయ్యాడు.
శ్రేయస్ అయ్యర్, కేఎల్ రాహుల్.. రీసెంట్గా ఎన్సీఏకి వెళ్లొచ్చిన వారిలో వీళ్లూ ఉన్నారు. అక్కడ వీళ్లిద్దరూ తమ ఫిట్నెస్ మీద మరింత శ్రద్ధ పెట్టారు. రాహుల్ కీపింగ్ స్కిల్స్ను మెరుగుపర్చుకున్నాడు. అనవసర షాట్ల జోలికి పోకుండా ఇన్నింగ్స్ను బిల్డ్ చేయడం, ఓపిగ్గా ఆడుతూ క్రీజులో పాతుకుపోవడం ఎలా అనే దానిపై అక్కడి కోచ్ల సాయం తీసుకొని సాధన చేశాడు. అయ్యర్ అయితే తన షార్ట్ బాల్ వీక్నెస్ నుంచి బయట పడేందుకు ఎన్సీఏను ఉపయోగించుకున్నాడు. దీని రిజల్ట్ మెగా టోర్నీలో కనిపిస్తోంది. గతంలో కంటే ఇప్పుడు అతను పుల్ షాట్స్ చాలా బాగా ఆడుతున్నాడు. టీమ్లోకి వస్తాడో లేదో అనుకున్న బుమ్రా తిరిగి బౌన్స్ బ్యాక్ అయ్యాడు.
ఎన్సీఏలో పునరావాసంలో ఉంటూ మునుపటి రిథమ్ను అందుకున్నాడు బుమ్రా. బాల్ను ఇరువైపులా స్వింగ్ చేయడంలో ఇప్పడు మరింత బెటర్మెంట్ సాధించాడు. ఎన్సీఏలో రోజుకు దాదాపు 10 ఓవర్ల చొప్పున బౌలింగ్ చేయడం, ఫిట్నెస్ను బాగా మెరుగుపర్చుకోవడంతో లిమిటెడ్ ఓవర్స్ ఫార్మాట్కు అలవాటు పడ్డాడు బుమ్రా. అందుకే వరల్డ్ కప్లో లాంగ్ స్పెల్స్ కూడా ఈజీగా వేసేస్తున్నాడు. ఇక, స్పిన్నర్ రవిచంద్రన్ అశ్విన్ అయితే ముందు ప్రకటించిన వరల్డ్ కప్ స్క్వాడ్లో లేడు. కానీ అతడ్ని ద్రవిడ్, రోహిత్ ఎప్పటి నుంచో ఎన్సీఏలో ఉంచి ప్రాక్టీస్ చేయించారని వినికిడి.
ఎప్పుడు అవసరం వచ్చినా టీమ్లోకి రావాలని అశ్విన్కు టీమ్ మేనేజ్మెంట్ నుంచి ముందే ఆదేశాలు వెళ్లాయట. దీంతో వన్డేలకు తగ్గట్లు తన ఫిట్నెస్ను బెటర్ చేసుకోవడంతో పాటు బౌలింగ్ వేరియషన్స్ మీద పనిచేసేందుకు ఎన్సీఏను వినియోగించుకున్నాడు అశ్విన్. దీన్ని బట్టి ఎన్సీఏ ప్లేయర్ల ఇంజ్యురీ తగ్గించడమే కాదు వారిని ఫుల్ ఫిట్గా తయారు చేసి.. వాళ్ల స్కిల్స్ను మరింత మెరుగుపరిచి టీమిండియాకు అందిస్తోందన్న మాట. అందుకే రోహిత్ సేన విజయాల వెనుక కనిపించని శక్తిగా ఎన్సీఏను చెబుతున్నారు క్రికెట్ అనలిస్టులు. మరి.. టీమిండియాకు ఎన్సీఏ అందిస్తున్న సేవలు, సాయంపై మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: హార్దిక్ పాండ్యా హెల్త్పై లేటెస్ట్ అప్డేట్!
