బంగ్లాదేశ్తో మ్యాచ్ తర్వాత టీమిండియా కెప్టెన్ రోహిత్ శర్మ సంచలన వ్యాఖ్యలు చేశాడు. జట్టులోని ఒక ప్లేయర్ను ఉద్దేశించి అతడు బిగ్ మ్యాచుల్లో కీలకమంటూ కామెంట్స్ చేశాడు. అసలు హిట్మ్యాన్ ఎవరి గురించి మాట్లాడాడంటే..
బంగ్లాదేశ్తో మ్యాచ్ తర్వాత టీమిండియా కెప్టెన్ రోహిత్ శర్మ సంచలన వ్యాఖ్యలు చేశాడు. జట్టులోని ఒక ప్లేయర్ను ఉద్దేశించి అతడు బిగ్ మ్యాచుల్లో కీలకమంటూ కామెంట్స్ చేశాడు. అసలు హిట్మ్యాన్ ఎవరి గురించి మాట్లాడాడంటే..
వన్డే వరల్డ్ కప్-2023లో భారత్ జోరు ముందు బంగ్లాదేశ్ నిలబడలేకపోయింది. గట్టి పోటీని ఇస్తుందనుకున్న బంగ్లా పప్పులు ఉడకలేదు. టీమిండియా ఆల్రౌండ్ పెర్ఫార్మెన్స్తో ప్రత్యర్థి జట్టును చిత్తు చేసింది. ఈ మ్యాచ్లో టాస్ గెలిచి బ్యాటింగ్కు దిగిన బంగ్లాదేశ్ 50 ఓవర్లకు 8 వికెట్ల నష్టానికి 256 రన్స్ చేసింది. ఆ తర్వాత ఛేజింగ్కు దిగిన భారత్కు ఓపెనర్లు రోహిత్ శర్మ (48), శుబ్మన్ గిల్ (53) వండర్ఫుల్ స్టార్ట్ అందించారు. వీళ్లిద్దరూ ఫస్ట్ వికెట్కు 88 రన్స్ జోడించారు. రోహిత్ ఔటయ్యాక వచ్చిన శ్రేయస్ అయ్యర్ (19) క్రీజులో కుదురుకున్నాక అనవసరం షాట్ ఆడి వికెట్ పారేసుకున్నాడు. గిల్ కూడా ఇదే విధంగా చెత్త షాట్ ఆడి పెవిలియన్కు చేరాడు.
శ్రేయస్ అయ్యర్ ఔట్ అయ్యాక కేఎల్ రాహుల్ క్రీజులోకి రావాలి. అయితే అప్పటికే మ్యాచ్లో భారత్ కంఫర్టబుల్ ప్లేస్లో ఉంది. గెలిచేందుకు మరో 78 రన్స్ చేస్తే సరిపోతుంది. క్రీజులో కుదురుకున్న కోహ్లీ మ్యాచ్ ఫినిష్ చేయాలనే తపనతో కనిపించాడు. దీంతో ఫామ్లో ఉన్న రాహుల్కు బదులు బ్యాటింగ్ ఛాన్స్ రాని రవీంద్ర జడేజాతో పాటు శార్దూల్ ఠాకూర్లో ఎవరో ఒకరికి అవకాశం వస్తుందని అంతా భావించారు. హార్దిక్ పాండ్యా గాయం నేపథ్యంలో జడేజా, శార్దూల్ బ్యాటింగ్లో కూడా టచ్లో ఉన్నారో లేదో తెలుసుకోవాలనే కుతూహలం అందరిలోనూ కనిపించింది. ముఖ్యంగా లార్డ్ శార్దూల్ బ్యాటింగ్ చేయాలని అంతా కోరుకున్నారు.
శార్దూల్ ఠాకూర్తో గత మ్యాచుల్లో సరిగ్గా బౌలింగ్ వేయించకపోవడం, బ్యాటింగ్ ఛాన్స్ కూడా రాకపోవడంతో అతడిపై సోషల్ మీడియాలో అనేక ట్రోల్స్ వచ్చాయి. శార్దూల్ టీమ్లో ఉండి వేస్ట్.. అతడు ఆటలో అరటి పండు అంటూ ఏవేవో కామెంట్స్ వినిపించాయి. దీంతో టీమ్ మేనేజ్మెంట్ కూడా అతడికి అవకాశం ఇవ్వాలని అనుకుందట. అయ్యర్ తర్వాత శార్దూల్ను బ్యాటింగ్కు పంపాలని ఫిక్స్ అయ్యారట. ఈ మేరకు రెడీ అవ్వాలని శార్దూల్ను రోహిత్ సూచించాడట. కానీ అప్పటికే ప్యాడ్స్ కట్టుకొని, హెల్మెట్, బ్యాట్తో రెడీగా ఉన్న కేఎల్ రాహుల్ గ్రౌండ్లోకి దిగాడు.
రాహుల్ మైదానంలోకి దిగడంతో శార్దూల్ ఠాకూర్కు బ్యాటింగ్ చేసే ఛాన్స్ రాలేదు. ఈ విషయంపై మ్యాచ్ తర్వాత శుబ్మన్ గిల్ క్వశ్చన్ అడగ్గా.. రోహిత్ క్లారిటీ ఇచ్చాడు. శార్దూల్ గురించి రోహిత్ సంచలన కామెంట్స్ చేశాడు. అతడు బిగ్ మ్యాచుల్లో కీలకమన్నాడు. ‘శార్దూల్ను బ్యాటింగ్కు పంపుదామని అనుకున్నాం. కానీ అదే బాల్కు అయ్యర్ ఔట్ అయ్యాడు. శార్దూల్ కిందకు వెళ్లేసరికి.. అప్పటికే రెడీగా ఉన్న రాహుల్ గ్రౌండ్లోకి దిగాడు. శార్దూల్కు బ్యాటింగ్ చేసే ఛాన్స్ తప్పకుండా వస్తుంది. అతడు బిగ్ మ్యాచ్ ప్లేయర్’ అని హిట్మ్యాన్ చెప్పుకొచ్చాడు. మరి.. శార్దూల్ను ఉద్దేశించి రోహిత్ చేసిన వ్యాఖ్యల మీద మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: బంగ్లాతో మ్యాచ్పై రోహిత్ ఇంట్రెస్టింగ్ కామెంట్స్.. తప్పు చేశానంటూ..!
Rohit Sharma being Rohit Sharma.😭pic.twitter.com/51hHhavAtq
— Sir Dinda⁴⁵ (@FuriousDinda) October 20, 2023
