ఇంజ్యురీతో బాధపడుతున్న హార్దిక్ పాండ్యా విషయంలో భారత టీమ్ మేనేజ్మెంట్ కొత్త ప్లాన్ చేస్తున్నట్లు తెలుస్తోంది. అయితే ఇది ఎంత వరకు వర్కౌట్ అవుతుందో అనేది చెప్పలేని పరిస్థితి.
ఇంజ్యురీతో బాధపడుతున్న హార్దిక్ పాండ్యా విషయంలో భారత టీమ్ మేనేజ్మెంట్ కొత్త ప్లాన్ చేస్తున్నట్లు తెలుస్తోంది. అయితే ఇది ఎంత వరకు వర్కౌట్ అవుతుందో అనేది చెప్పలేని పరిస్థితి.
వన్డే వరల్డ్ కప్-2023లో టీమిండియా బ్రేకుల్లేని బుల్డోజర్లా దూసుకెళ్తోంది. అడ్డొచ్చిన ప్రతి ప్రత్యర్థిని చిత్తు చిత్తుగా ఓడిస్తూ మెగా టోర్నీలో డామినేషన్ ప్రదర్శిస్తోంది. భారత్తో మ్యాచ్ అంటేనే ఇతర టీమ్స్ భయపడేలా ఉంది రోహిత్ సేన పెర్ఫార్మెన్స్. ఎక్కువ రన్స్ చేయనీయకుండా ప్రత్యర్థి బ్యాటర్లను కట్టడి చేయడం, అటాకింగ్ గేమ్తో టార్గెట్ను ఉఫ్మని ఊదేయడం టీమిండియాకు అలవాటైపోయింది. ఇదే ఊపు, జోష్ను కంటిన్యూ చేస్తే ఈసారి ఛాంపియన్లుగా నిలిచేది రోహిత్ సేనేనని ఫ్యాన్స్ సహా అనలిస్టులు కూడా అంటున్నారు. వరుసగా ఐదు మ్యాచుల్లో విజయం సాధించిన భారత్.. ఇప్పుడు ఇంగ్లండ్తో తలపడేందుకు రెడీ అవుతోంది.
టీమిండియా, ఇంగ్లండ్కు మధ్య అక్టోబర్ 29 (ఆదివారం)న కీలక ఫైట్ జరగనుంది. ఈ వరల్డ్ కప్లో ఇంగ్లీష్ టీమ్కు ఏదీ కలసి రావడం లేదు. న్యూజిలాండ్, ఆఫ్ఘానిస్థాన్, సౌతాఫ్రికా చేతుల్లో ఓటమితో సెమీస్ ఛాన్సులను ఆ జట్టు సంక్లిష్టం చేసుకుంది. సెమీస్ చేరాలంటే ఇప్పటి నుంచి ఆడే ప్రతి మ్యాచ్లో బట్లర్ సేన గెలవాలి. నెట్రన్ రేట్ మెరుగుపడాలంటే భారీ మార్జిన్తో నెగ్గాలి. అయినా సెమీస్ బెర్త్ దక్కుతుందని చెప్పలేం. ఈ పరిస్థితుల్లో వరుస విజయాలతో ఊపు మీదున్న భారత్తో మ్యాచ్ అంటే ఇంగ్లండ్ టెన్షన్ పడుతోంది. ఎలాగైనా ఈ మ్యాచ్లో నెగ్గాలని వ్యూహాలు పన్నుతోంది. మరోవైపు టీమిండియా కూడా ఈ మ్యాచ్ను సీరియస్గా తీసుకుంటోందని తెలుస్తోంది.
గాయం కారణంగా న్యూజిలాండ్తో మ్యాచ్కు దూరమైన ఆల్రౌండర్ హార్దిక్ పాండ్యా కమ్బ్యాక్కు అంతా రెడీ అయినట్లు తెలుస్తోంది. ఇంగ్లండ్తో మ్యాచ్లో పాండ్యాను ఆడించాలని భారత టీమ్ మేనేజ్మెంట్ భావిస్తున్నట్లు సమాచారం. పాండ్యాను స్పెషలిస్ట్ బ్యాటర్గా ఆడించే ఛాన్స్ను మేనేజ్మెంట్ పరిశీలిస్తున్నట్లు టాక్. బెంగళూరులోని నేషనల్ క్రికెట్ అకాడమీలో ఉన్న హార్దిక్ స్పీడ్గా రికవర్ అవుతున్నాడని తెలిసింది. ఒకవేళ ఇంగ్లండ్తో మ్యాచ్ నాటికి అతడు కోలుకుంటే స్పెషలిస్ట్ బ్యాటర్గా ఆడించాలని ద్రవిడ్, రోహిత్ అనుకుంటున్నారట. అయితే ఈ టైమ్లో అనవసరంగా రిస్క్ ఎందుకని క్రికెట్ అనలిస్టులు అంటున్నారు.
భారత్ ఆడిన ఐదు మ్యాచుల్లోనూ గెలిచిందని.. మరో ఒకట్రెండు మ్యాచుల్లో నెగ్గితే సెమీస్ బెర్త్ ఖాయం అవుతుందని అనలిస్టులు చెబుతున్నారు. టీమిండియా నెక్స్ట్ ఆడాల్సిన మ్యాచుల్లో ఒకటి నెదర్లాండ్స్తో, మరొకటి శ్రీలంకతో ఉందని.. ఇప్పుడున్న ఫామ్లో వాటిపై నెగ్గడం ఏమంత కష్టం కాదు. ఈ నేపథ్యంలో పాండ్యాను దింపి రిస్క్ తీసుకోవడం అవసరమా? అని సోషల్ మీడియాలో నెటిజన్స్ కూడా ప్రశ్నిస్తున్నారు. సెమీఫైనల్, ఫైనల్ లాంటి మ్యాచుల వరకు టైమ్ ఇస్తే.. పాండ్యా పూర్తిగా కోలుకొని స్ట్రాంగ్గా కమ్బ్యాక్ ఇస్తాడని చెబుతున్నారు. సెమీస్, ఫైనల్స్ కోసం పాండ్యాను కాపాడుకోవాలని.. అతడు లేకపోతే టీమ్ బ్యాలెన్స్ ఎలా దెబ్బతింటుందో మొన్న న్యూజిలాండ్తో మ్యాచ్లో చూశామని గుర్తుచేస్తున్నారు. ఒకవేళ ఇంగ్లండ్తో లేదా ఇతర లీగ్ మ్యాచుల్లో ఆడి పాండ్యా మళ్లీ గాయపడితే పరిస్థితి ఏంటని ప్రశ్నిస్తున్నారు. మరి.. పాండ్యా విషయంలో మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: World Cup 2023: అలాంటోడు ఒక్కడు కూడా లేడు! అక్తర్‌ షాకింగ్‌ కామెంట్స్
