క్రికెట్లో కొన్ని అరుదైన రికార్డ్స్ ఉన్నాయి. వాటిని బ్రేక్ చేయడం పక్కనబెడితే కనీసం దరిదాపుల్లోకి కూడా ఎవరూ రాలేని పరిస్థితి. ఆ రికార్డులు ఏంటో ఇప్పుడు చూద్దాం..
క్రికెట్లో కొన్ని అరుదైన రికార్డ్స్ ఉన్నాయి. వాటిని బ్రేక్ చేయడం పక్కనబెడితే కనీసం దరిదాపుల్లోకి కూడా ఎవరూ రాలేని పరిస్థితి. ఆ రికార్డులు ఏంటో ఇప్పుడు చూద్దాం..
ఏ గేమ్లోనైనా రికార్డులకు ఎంత వ్యాల్యూ ఇస్తారో తెలిసిందే. ఒక ఆటగాడు లేదా టీమ్ ఘనతల గురించి చెప్పాలంటే ముందు సాధించిన ట్రోఫీలు, ఆ తర్వాత రికార్డుల గురించే అందరూ మాట్లాడుకుంటారు. క్రికెట్ కూడా దీనికి మినహాయింపేమీ కాదు. జెంటిల్మన్ గేమ్లో ఎందరో గ్రేట్ ప్లేయర్స్ వచ్చారు. వాళ్లు ఎన్నో రికార్డులను సృష్టించారు. ఆ రికార్డుల్ని కొత్త ప్లేయర్స్ అందుకునేందుకు, కుదిరితే వాటిని బ్రేక్ చేసేందుకు ప్రయత్నిస్తుంటారు. అయితే కొన్నింటిని మాత్రం ఎవరూ అందుకోలేరనే చెప్పాలి. బ్రేక్ చేయడం పక్కనపెడితే కనీసం వాటి దరిదాపుల్లోకి కూడా రాలేరు. అలాంటివి చాలానే ఉన్నా.. అందులోని టాప్-10 రికార్డుల గురించి ఇప్పుడు తెలుసుకుందాం..
టాప్-10 రికార్డుల్లో ముందు వరుసలో ఉండేది భారత లెజెండ్ సచిన్ టెండూల్కర్ 100 సెంచరీల రికార్డు. ఓవరాల్గా తన 23 ఏళ్ల కెరీర్లో 664 ఇంటర్నేషనల్ మ్యాచులు ఆడిన మాస్టర్ బ్లాస్టర్ అన్ని ఫార్మాట్లలోనూ కలిపి ఏకంగా 100 సెంచరీలు బాదాడు. అందులో వన్డేల్లో 49 సెంచరీలు ఉండగా.. టెస్టుల్లో 51 సెంచరీలు ఉన్నాయి. సచిన్ రికార్డుకు దరిదాపుల్లోనూ ఏ ప్లేయర్ లేడు. టీమిండియా స్టార్ బ్యాటర్ విరాట్ కోహ్లీ (79 సెంచరీలు) ఒక్కడే రేసులో ఉన్నాడు. అయితే మాస్టర్ రికార్డును బ్రేక్ చేయాలంటే మరో నాలుగైదేళ్లు అతడు నిలకడగా రాణించాల్సి ఉంటుంది. టాప్-10 రికార్డుల్లో తర్వాత చెప్పుకోవాల్సింది లంక దిగ్గజం ముత్తయ్య మురళీధరన్ 800 వికెట్లు. టెస్టు క్రికెట్లో 500 వికెట్లే గొప్ప అనుకునే రోజుల్లో ఏకంగా ఎనిమిది వందల క్లబ్లో చేరి అందర్నీ ఆశ్చర్యపరిచాడు మురళీధరన్.
కరెంట్ జనరేషన్ క్రికెటర్లలో ఇంగ్లండ్ వెటరన్ పేసర్ జేమ్స్ అండర్సన్ (690) ఒక్కడికే మురళీధరన్ రికార్డును అధిగమించే ఛాన్స్ ఉంది. అయితే 41 ఏళ్ల ఈ పేసర్ ఇంకా ఎక్కువ రోజులు క్రికెట్ ఆడే పరిస్థితులు కనిపించడం లేదు. టాప్-10 క్రికెట్ రికార్డుల్లో వెస్టిండీస్ బ్యాటింగ్ గ్రేట్ బ్రియాన్ లారా 400 నాటౌట్ కూడా ఒకటి. ఎందరో ప్లేయర్లు దీన్ని బీట్ చేయాలని అనుకున్నారు. కానీ ఎవరికీ సాధ్యపడలేదు. అయితే లారా మాత్రం టీమిండియా యంగ్ ఓపెనర్ శుబ్మన్ గిల్ మాత్రమే తన రికార్డును బ్రేక్ చేస్తాడని అంటున్నారు. ఇక, అరుదైన రికార్డుల్లో మరొకటిగా లంక మాజీ పేసర్ లసిత్ మలింగ 5 హ్యాట్రిక్స్ను చెప్పొచ్చు. ఒక హ్యాట్రిక్ తీయడమే గగనం అనుకుంటే.. ఇంటర్నేషనల్ క్రికెట్లో ఏకంగా 5 సార్లు హ్యాట్రిక్లు తీశాడు మలింగ. టాప్-10 రికార్డుల్లో జిమ్ లేకర్ 19 వికెట్లు కూడా ఒకటి. ఓ టెస్ట్ మ్యాచ్లో రెండు ఇన్నింగ్స్ల్లోనూ కలిపి లేకర్ పందొమ్మిది వికెట్లు తీశాడు. దాన్ని అందుకోవడం ఇప్పటి తరం క్రికెటర్లకు అంత ఈజీ కాదు.
టెస్టుల్లో సచిన్ 51 సెంచరీల రికార్డు కూడా ఈ కోవలోకే వస్తుంది. కరెంట్ జనరేషన్ క్రికెటర్లలో ఒక్కరు కూడా దీనికి దగ్గర్లో లేరు. ఆసీస్ గ్రేట్ డాన్ బ్రాడ్మన్ టెస్టుల్లో 99.94 యావరేజ్ కూడా బెస్ట్ రికార్డ్స్లో ఒకటి. ఒకరకంగా చెప్పాలంటే ఈ తరం క్రికెటర్లలో పైరెండు రికార్డులను కొట్టే మగాడే లేడు. మాస్టర్ బ్లాస్టర్ మోస్ట్ ఇంటర్నేషనల్ రన్స్ (34,357)ను అధిగమించడం కూడా చాలా కష్టమనే చెప్పొచ్చు. ఈ లిస్టులో వచ్చే మరో రికార్డు జేసన్ గిలెస్పీ 201. నైట్వాచ్మన్గా వచ్చి 50 రన్స్ కొడితే గొప్ప అనుకుంటే.. ఏకంగా డబుల్ సెంచరీ బాదాడు గిలెస్పీ. పాక్ మాజీ పేసర్ షోయబ్ అక్తర్ ఫాస్టెస్ట్ బాల్ (161.3 కిలోమీటర్లు) రికార్డు కూడా ఇంకా చెక్కుచెదరలేదు. ఈ రికార్డులను బ్రేక్ చేయడం పక్కనబెడితే.. యంగ్ క్రికెటర్లలో ఇవి నింపుతున్న స్ఫూర్తి అంతా ఇంతా కాదు. వీటిని బ్రేక్ చేయాలని, లెజెండరీ క్రికెటర్స్ సరసన తామూ చోటు దక్కించుకోవాలని చాలా మంది కరెంట్ ప్లేయర్స్ మరింత కష్టపడుతున్నారు. మరి.. టాప్-10 క్రికెట్ రికార్డుల్లో చేర్చదగ్గ పెర్ఫార్మెన్స్ ఇంకేదైనా ఉందని మీరు భావిస్తున్నట్లయితే కామెంట్ల రూపంలో తెలియజేయండి.
ఇదీ చదవండి: Shubman Gill: బాబర్‌ అజమ్‌ కాదు.. పాకిస్థాన్‌లోనూ భారత క్రికెటర్‌దే హవా!
