టీమిండియాలోకి ఎంతో మంది ప్రతిభావంతమైన క్రికెటర్లు వస్తున్నారు. ఐపీఎల్ టోర్నీ మూలంగా ఎందరో టాలెంట్ ఉన్న ఆటగాళ్లు.. వెలుగులోకి వస్తున్నారు. అలా వచ్చిన కొందరు ప్లేయర్లు టీమిండియాలో సుస్థిర స్థానాన్ని కూడా ఏర్పరచుకుంటున్నారు. అలాగే వచ్చాడు ఓ కుర్రాడు. దేశవాలీ క్రికెట్ లో సత్తా చాటడమే కాకుండా ఈ ఏడాది ఐపీఎల్ లో అద్భుత ప్రదర్శన చేసి.. అందరి దృష్టిని ఆకర్షించాడు. కాగా.. అతడు తాజాగా తన సోషల్ మీడియాలో షేర్ చేసిన ఓ పిక్ అందరిని ఆశ్చర్యంలో ముంచెత్తుతోంది. గుండుతో కత్తిసాము చేస్తున్న పిక్ ప్రస్తుతం వైరల్ గా మారింది.
పైన ఫొటోలో గుండు కొట్టించుకుని, కత్తిసాము చేస్తున్న టీమిండియా యువ ఓపెనర్ ఎవరో మీరు గుర్తుపట్టారా? ఈ ఏడాది ఐపీఎల్ లో ఇతడు అద్భుత ప్రదర్శన చేశాడు. దీంతో టీమిండియా టెస్ట్, టీ20 జట్టులోకి అరంగేట్రం కూడా చేశాడు. ఇటీవల వెస్టిండీస్ తో జరిగిన టెస్ట్, టీ20 సిరీస్ తో టీమిండియాలోకి ఎంట్రీ ఇచ్చాడు ఈ యువ కెరటం. ఈ ఐపీఎల్ సీజన్ లో రాజస్థాన్ రాయల్స్ తరపున అదరగొట్టిన కుర్రాడు, ప్రస్తుతం గుండుతో కత్తిసాము చేస్తున్న ఆటగాడు మరెవరో కాదు.. అతడే యశస్వీ జైస్వాల్. ఆసీస్ తో జరుగుతున్న వన్డే సిరీస్ లో చోటు దక్కించుకోలేకపోయిన ఈ యువ ఆటగాడు.. ఈ సమయాన్ని ప్రాక్టీస్ లో గడుపుతున్నాడు. కొన్ని కొత్త విద్యలు నేర్చుకుంటున్నాను అంటూ.. గుండు కొట్టించుకుని పూర్తిగా గుర్తుపట్టకుండా మారిపోయాడు ఈ యువ ఓపెనర్. న్యూ లుక్ ఫొటోను తన సోషల్ మీడియాలో షేర్ చేశాడు. దీంతో ఈ వెరైటీ లుక్ చూసి షాక్ కు ఆశ్చర్యపోతున్నారు క్రికెట్ ఫ్యాన్స్. మరి మీలో ఎంతమంది ఈ పిక్ చూడగానే అతడు జైస్వాల్ అని గుర్తుపట్టారో కామెంట్ చేయండి.
