KL Rahul: కేఎల్ రాహుల్​కు మరో షాక్.. స్టార్ బ్యాటర్​ కెరీర్​తో ఆడేసుకుంటున్నారుగా!

భారత స్టార్ బ్యాటర్ కేఎల్ రాహుల్ ఇప్పుడు నిరాశలో ఉన్నాడు. గాయంతో కొన్నాళ్లు జట్టుకు దూరమైన ఈ స్టైలిష్ బ్యాటర్ గతేడాది ఆసియా కప్​లో రీఎంట్రీ ఇచ్చాడు. ఆ టోర్నమెంట్​లో అదరగొట్టాడు. ఆ తర్వాత ఆస్ట్రేలియాతో జరిగిన వన్డే సిరీస్​లోనూ రాణించాడు. ఈ సిరీస్ అనంతరం జరిగిన వన్డే వరల్డ్ కప్-2023లోనూ బ్యాట్​తో దుమ్మురేపాడు రాహుల్. రీసెంట్​గా ముగిసిన సౌతాఫ్రికా టూర్​లోనూ తన తడాఖా చూపించాడు. టెస్టు సిరీస్​లో ఒక సెంచరీతో మెరిశాడు. ఆ సిరీస్​లో శతకం బాదిన ఏకైక భారత క్రికెటర్ రాహులే. అందరూ ఫెయిలైనా అతడు క్రీజులో పట్టుదలతో నిలబడి ఆడాడు. గత కొన్ని నెలలుగా కన్​సిస్టెంట్​గా పెర్ఫార్మ్ చేస్తున్న ఈ బ్యాటర్.. కీపింగ్​లోనూ తన మార్క్ చూపిస్తున్నాడు. అలాంటి రాహుల్​కు మరో షాకింగ్ న్యూస్. అతడ్ని వికెట్ కీపింగ్ బాధ్యతల నుంచి తప్పించాలని టీమ్ మేనేజ్​మెంట్ డిసైడ్ అయిందని తెలుస్తోంది.

కేఎల్ రాహుల్​కు వరుస షాక్​లు ఇస్తోంది భారత టీమ్ మేనేజ్​మెంట్. ఇవాళ నుంచి స్టార్ట్ కానున్న ఆఫ్ఘానిస్థాన్ టీ20 సిరీస్​కు అతడ్ని ఎంపిక చేయని విషయం తెలిసిందే. రాహుల్​కు రెస్ట్ ఇచ్చారా? విస్మరించారా? అనే విషయంపై ఇప్పటిదాకా స్పష్టత రాలేదు. బుధవారం నిర్వహించిన ప్రెస్ కాన్ఫరెన్స్​లో కోచ్ రాహుల్ ద్రవిడ్.. శ్రేయస్ అయ్యర్, ఇషాన్ కిషన్ గురించి మాట్లాడాడు. కానీ రాహుల్ గురించి ఏ విషయమూ చెప్పలేదు. కెప్టెన్ రోహిత్ శర్మ, స్టార్ బ్యాటర్ విరాట్ కోహ్లీతో కలసి గత టీ20 వరల్డ్ కప్​లోనే ఆఖరి పొట్టి ఫార్మాట్ మ్యాచ్ ఆడాడు రాహుల్. హిట్​మ్యాన్, విరాట్ ఆఫ్ఘాన్​ సిరీస్​తో టీ20ల్లోకి కమ్​బ్యాక్ ఇవ్వనున్నారు. కానీ రాహుల్​కు మాత్రం నిరాశే మిగిలింది. టీ20లకు పక్కన పెట్టి షాకిచ్చిన బీసీసీఐ.. టెస్టుల్లో అతడ్ని వికెట్ కీపింగ్ బాధ్యతల నుంచి తప్పించాలని నిర్ణయించిందని క్రికెట్ వర్గాల్లో జోరుగా వినిపిస్తోంది.

బ్యాటింగ్​తో పాటు కీపింగ్ బాధ్యతలు నిర్వర్తిస్తూ టీమ్​ విజయాల్లో కీలక పాత్ర పోషించాలని అనుకుంటున్నట్లు రాహుల్ ఇటీవలే ప్రకటించాడు. ఏ పొజిషన్​లో ఆడేందుకైనా తాను రెడీగా ఉన్నానని.. జట్టులో చోటు ఇస్తే చాలన్నాడు. అయితే భారత మేనేజ్​మెంట్ మాత్రం రాహుల్​ను స్పెషలిస్ట్ బ్యాట్స్​మన్​గానే పరిగణిస్తున్నట్లు సమాచారం. జనవరి 25వ తేదీ నుంచి మొదలుకానున్న ఇంగ్లండ్ టెస్ట్ సిరీస్​లోనూ రాహుల్​ను బ్యాటర్​గానే సెలక్ట్ చేయనున్నారట. వికెట్ కీపింగ్ బాధ్యతల్ని తెలుగు క్రికెటర్ కేఎస్ భరత్​కు అప్పజెప్పడం మీద సమాలోచనలు చేస్తున్నారని టాక్. దీంతో రాహుల్ ఫ్యాన్స్ టీమిండియా మేనేజ్​మెంట్ మీద సీరియస్ అవుతున్నారు. టాలెంటెడ్ ప్లేయర్ కెరీర్​తో ఇలా ఆడుకోవడం కరెక్ట్ కాదని అంటున్నారు. అయితే రీసెంట్​గా రాహుల్ వెన్నెముక సర్జరీ చేయించుకున్నాడని.. అతడిపై వర్క్ లోడ్​ను తగ్గించే ఉద్దేశంతోనే కీపింగ్​ నుంచి తొలగించాలని నిర్ణయించారని సమాచారం. మరి.. రాహుల్​ను వికెట్ కీపింగ్ బాధ్యతల తొలగించనున్నారనే వార్తలపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: టీ20 వరల్డ్ కప్ లో రింకూ సింగ్ కు నో ఛాన్స్.. బాంబ్ పేల్చిన మాజీ క్రికెటర్!

The team management aims to relieve KL Rahul from dual responsibilities of wicket-keeping and batting, considering his recent back surgery 🇮🇳🏏#BCCI #IndianCricketTeam #INDvsENG #KLRahul #CricketTwitter pic.twitter.com/S10Faz6kUY

— InsideSport (@InsideSportIND) January 11, 2024