Rohit Sharma: వీడియో: కెమెరామెన్​పై రోహిత్ సీరియస్.. బుర్ర లేదా అంటూ..!

టీమిండియా కెప్టెన్ రోహిత్ శర్మ వ్యక్తిత్వం గురించి తెలిసిందే. దశాబ్దంన్నరకు పైగా లాంగ్ కెరీర్​లో ఎప్పుడూ ఇతరులతో గొడవకు దిగిన సందర్భాలు లేవు. ప్రత్యర్థి ఆటగాళ్లు రెచ్చగొట్టినా వాళ్లకు బ్యాట్​తోనే సమాధానం చెబుతాడు. సొంత జట్టు ప్లేయర్లతో పాటు ఇతర టీమ్స్ వాళ్లతోనూ మంచి రిలేషన్స్ మెయింటెయిన్ చేస్తాడు. నవ్వుతూ, అందర్నీ నవ్విస్తూ ఉంటాడు హిట్​మ్యాన్. మ్యాచ్ టైమ్​లో అప్పుడప్పుడూ కాస్త టెన్షన్​లో కనిపించినా.. ఎక్కువగా సరదాగా ఉంటాడు. సహచరుల మీదే కాదు.. ఒక్కోసారి అంపైర్లపై కూడా జోక్స్ వేస్తుంటాడు. స్టంప్ మైక్​లో అతడి కామెంట్స్ వైరల్​గా మారడం తెలిసిందే. అయితే ఎప్పుడూ కూల్​గా ఉండే రోహిత్.. ఈ మధ్య మాత్రం కెమెరామెన్స్​పై సీరియస్ అవుతున్నాడు.

ఐపీఎల్-2024లో కెమెరామెన్ వల్ల చిక్కుల్లో పడ్డాడు రోహిత్. ముంబై ఇండియన్స్-కోల్​కతా నైట్ రైడర్స్ మ్యాచ్​కు ముందు కేకేఆర్ అసిస్టెంట్ కోచ్​ అభిషేక్ నాయర్​తో అతడి సంభాషణకు సంబంధించిన వీడియో నెట్టింట వైరల్​గా మారింది. ముంబై టీమ్​ను తన చేతులతో నిర్మించానని, ఇప్పుడు దాంతో తనకు సంబంధం లేదంటూ అందులో హిట్​మ్యాన్ చేసిన వ్యాఖ్యలు వివాదాస్పదంగా మారాయి. దీంతో కెమెరామెన్స్​ను చూస్తే చాలు రోహిత్ భయపడిపోతున్నాడు. లీగ్ లాస్ట్ స్టేజ్​లో ఇలాగే ఓ మ్యాచ్​కు ముందు ధవళ్ కులకర్ణితో మాట్లాడుతూ కనిపించాడతను. దీంతో దాన్ని కవర్ చేద్దామని అటు కెమెరామెన్ రాగా.. ఆడియో మ్యూట్ చేయమంటూ అతడికి దండం పెట్టాడు హిట్​మ్యాన్. ఇప్పుడు తాజాగా కెమెరామెన్​ మీద సీరియస్ అయ్యాడతను.

టీ20 వరల్డ్ కప్​-2024 కోసం యూఎస్​ఏకు చేరుకున్నాడు రోహిత్. అక్కడ ప్రాక్టీస్ సెషన్స్​లో చెమటోడ్చుతున్నాడు. జట్టుకు కప్పు అందించాలని కష్టపడుతున్నాడు. ప్రాక్టీస్ చేసి అలసిపోతే విశ్రాంతి తీసుకుంటున్నాడు. ఈ క్రమంలో రిషబ్ పంత్​తో కలసి హిట్​మ్యాన్ స్టేడియాన్ని చూస్తున్న టైమ్​లో అటు వైపు కెమెరామెన్ ఫోకస్ చేశాడు. ఆ సమయంలో హిట్​మ్యాన్ రెండు చేతుల్ని పైకి అంటూ కనిపించాడు. కెమెరాను చూడగానే సీరియస్ అయిన అతడు.. చేతులు పైకి అంటే కూడా వీడియో తీస్తావా అంటూ సీరియస్ అయ్యాడు. బుర్ర లేదా అంటూ కుడి చేతితో సైగ చేశాడు. పక్కనే ఉన్న పంత్ కూడా ఎందుకు తీస్తున్నావన్నాడు. ఇంకో చోట వర్షంలో నుంచి రోహిత్ బయటకు వస్తున్న టైమ్​లో కెమెరాలు ఫోకస్ చేయడంతో మరోమారు సీరియస్ అయ్యాడు. ఇదంతా చూస్తుంటే హిట్​మ్యాన్​ను కెమెరామెన్​లు వదిలేలా కనిపించడం లేదు. మరి.. కెమెరామెన్​ మీద టీమిండియా కెప్టెన్ సీరియస్ అవడంపై మీ అభిప్రాయాలను కామెంట్ల రూపంలో తెలియజేయండి.

• ఇదీ చదవండి: కోహ్లీ, రోహిత్ కాదు.. వరల్డ్ కప్​లో లీడింగ్ రన్ స్కోరర్ అతడే: పాంటింగ్

Rohit Sharma and Rahul Dravid at the New York. 😂❤️pic.twitter.com/k4kmwxyLd5

— Tanuj Singh (@ImTanujSingh) May 29, 2024