టీమిండియా లెజెండ్ యువరాజ్ సింగ్ రేర్ రికార్డ్ను బ్రేక్ చేశాడు రోహిత్ శర్మ. హిట్మ్యాన్ అనే తన బిరుదుకు న్యాయం చేశాడు. ఆస్ట్రేలియాతో మ్యాచ్తో అతడు అరుదైన ఘనతను అందుకున్నాడు.
టీమిండియా లెజెండ్ యువరాజ్ సింగ్ రేర్ రికార్డ్ను బ్రేక్ చేశాడు రోహిత్ శర్మ. హిట్మ్యాన్ అనే తన బిరుదుకు న్యాయం చేశాడు. ఆస్ట్రేలియాతో మ్యాచ్తో అతడు అరుదైన ఘనతను అందుకున్నాడు.
సింగిల్ హ్యాండ్తో టీమిండియాను పొట్టి కప్పు సెమీస్కు చేర్చాడు కెప్టెన్ రోహిత్ శర్మ. విధ్వంసక బ్యాటింగ్తో కంగారూలను కంగారెత్తించాడు. తుఫాను వచ్చి మీద పడితే ఎలా ఉంటుందో ఆసీస్ బౌలర్లకు చూపించాడు. బౌండరీలు, సిక్సులతో పిడుగులా వారి మీదకు విరుచుకుపడ్డాడు. 41 బంతుల్లోనే 92 పరుగులతో మ్యాచ్ను వన్సైడ్ చేసేశాడు. అతడి ఇన్నింగ్స్ కారణంగా 20 ఓవర్లు ముగిసేసరికి భారత్ 205 పరుగుల భారీ స్కోరు చేసింది. ఆ తర్వాత ఇన్నింగ్స్ స్టార్ట్ చేసిన మార్ష్ సేన అన్ని ఓవర్లు ఆడి 7 వికెట్లకు 181 పరుగులు మాత్రమే చేయగలిగింది. విన్నింగ్ నాక్తో రెచ్చిపోయిన హిట్మ్యాన్కు ప్లేయర్ ఆఫ్ ది మ్యాచ్ అవార్డు దక్కింది. ఈ మ్యాచ్తో ఎన్నో పాత రికార్డులకు అతడు పాతర వేశాడు.
ఆసీస్ బౌలర్లను ఊచకోత కోసిన రోహిత్.. ఎన్నో రికార్డులను చెరిపివేశాడు. పలు కొత్త రికార్డులను తన పేరు మీద లిఖించుకున్నాడు. అతడు ఆడితే ఇలాగే ఉంటుంది అనేలా ఒక్క మ్యాచ్తో చాలా ఘనతలను అందుకున్నాడు భారత సారథి. ఈ క్రమంలో యువరాజ్ సింగ్ రేర్ రికార్డ్ను కూడా అతడు బ్రేక్ చేశాడు. ఆరంభ టీ20 వరల్డ్ కప్-2007లో ఇంగ్లండ్ మీద యువరాజ్ సింగ్ 7 సిక్సర్లు కొట్టాడు. అయితే నిన్నటి మ్యాచ్తో ఈ రికార్డుకు మూడింది. ఆసీస్పై సూపర్ పోరులో 8 సిక్సర్లు కొట్టి యువీని అధిగమించాడు రోహిత్. హిట్మ్యాన్ అని తనకు ఉన్న బిరుదుకు సార్థకం చేస్తూ ఇంకా మరిన్ని ఘనతలు అందుకున్నాడు. ఈ మ్యాచ్తో 200 సిక్సర్ల క్లబ్లోకి అడుగుపెట్టాడు. ఇంటర్నేషనల్ టీ20 క్రికెట్లో రెండొందల సిక్సులు కొట్టిన ఏకైక ఆటగాడిగా నిలిచాడతను.
కంగారూ మ్యాచ్తో అంతర్జాతీయ క్రికెట్లో 19 వేల పరుగుల మార్క్ను కూడా చేరుకున్నాడు రోహిత్. ఒక టీమ్ మీద అత్యధిక బౌండరీలు కొట్టిన రికార్డును కూడా నెలకొల్పాడు. అలాగే ప్రస్తుత పొట్టి కప్పులో ఫాస్టెస్ట్ హాఫ్ సెంచరీ బాదిన బ్యాటర్గా నిలిచాడు. నిన్నటి మ్యాచ్లో 19 బంతుల్లోనే అర్ధ సెంచరీ కొట్టేశాడు హిట్మ్యాన్. టీ20 క్రికెట్ హిస్టరీలో అత్యధిక పరుగులు చేసిన బ్యాటర్ అనే ఘనతను కూడా అందుకున్నాడు. ఇలా ఒకే మ్యాచ్తో పలు రికార్డులను తన ఖాతాలో వేసుకున్నాడు. వీటన్నింటి కంటే కూడా వన్డే ప్రపంచ కప్-2023 ఫైనల్ ఓటమికి ఆసీస్పై ప్రతీకారం తీర్చుకోవడం హైలైట్ అనే చెప్పాలి. హిట్మ్యాన్ ఆడిన ఆ ఇన్నింగ్స్ వల్ల బ్యాక్ స్టెప్కు వెళ్లిన కంగారూ జట్టు.. ఎంత ప్రయత్నించినా మ్యాచ్పై పట్టు బిగించలేకపోయింది. మరి.. రోహిత్ రికార్డులపై మీ అభిప్రాయాలను కామెంట్ చేయండి.
