iDreamPost
android-app
ios-app

టీమిండియా చేతుల్లో ఓటమి.. వార్నర్ సంచలన నిర్ణయం!

  • Published Jun 25, 2024 | 3:53 PMUpdated Jun 25, 2024 | 3:53 PM

టీ20 వరల్డ్ కప్-2024 ఫేవరెట్స్​లో ఒకటిగా బరిలోకి దిగిన ఆస్ట్రేలియా.. సూపర్-8లోనే ఇంటిదారి పట్టింది. ఆఫ్ఘానిస్థాన్, భారత్ చేతుల్లో ఓడిన కంగారూ జట్టు సెమీస్​కు ముందే టోర్నీ నుంచి వైదొలిగింది.

టీ20 వరల్డ్ కప్-2024 ఫేవరెట్స్​లో ఒకటిగా బరిలోకి దిగిన ఆస్ట్రేలియా.. సూపర్-8లోనే ఇంటిదారి పట్టింది. ఆఫ్ఘానిస్థాన్, భారత్ చేతుల్లో ఓడిన కంగారూ జట్టు సెమీస్​కు ముందే టోర్నీ నుంచి వైదొలిగింది.

  • Published Jun 25, 2024 | 3:53 PMUpdated Jun 25, 2024 | 3:53 PM
టీమిండియా చేతుల్లో ఓటమి.. వార్నర్ సంచలన నిర్ణయం!

టీ20 వరల్డ్ కప్ ఫేవరెట్స్​లో ఒకటిగా బరిలోకి దిగిన ఆస్ట్రేలియా.. సూపర్-8లోనే ఇంటిదారి పట్టింది. భారత్, ఆఫ్ఘానిస్థాన్ చేతుల్లో ఓడిన కంగారూ జట్టు సెమీస్​కు ముందే టోర్నీ నుంచి వైదొలిగింది. గ్రూప్ దశలో అదరగొట్టిన ఆసీస్.. సూపర్-8లో మాత్రం చతికిలపడింది. తొలుత ఆఫ్ఘాన్ చేతుల్లో ఓడి సెమీస్ అవకాశాలను సంక్లిష్టం చేసుకుంది. ఆ తర్వాత భారత్ మీద కూడా ఓడి దాదాపుగా నాకౌట్ రేసు నుంచి నిష్క్రమించింది. తాజాగా బంగ్లాదేశ్​ను రషీద్ సేన ఓడించడంతో ఆస్ట్రేలియా ఇంటిదారి పట్టింది. ఈ తరుణంలో ఆ టీమ్ ఓపెనర్ డేవిడ్ వార్నర్ సంచలన నిర్ణయం తీసుకున్నాడు. అంతర్జాతీయ క్రికెట్​కు గుడ్​బై చెబుతున్నట్లు ప్రకటించాడు.​ ఇప్పటికే వన్డేలు, టెస్టులకు వీడ్కోలు పలికిన ఈ ఓపెనర్.. ఇప్పుడు పొట్టి ఫార్మాట్ నుంచి తప్పుకుంటున్నట్లు వెల్లడించాడు.

కెరీర్​లో ఎన్నో ట్రోఫీలను ముద్దాడాడు వార్నర్. గతేడాది వన్డే ప్రపంచ కప్ నెగ్గిన ఆసీస్ జట్టులోనూ అతడు కీలకంగా వ్యవహరించాడు. మెగాటోర్నీల్లో కంగారూలు ఛాంపియన్స్​గా నిలవడంలో అతడిది కీలకపాత్ర. అలాంటోడు ఇంకో ఐసీసీ ట్రోఫీని చేతబట్టి ఘనంగా కెరీర్​కు గుడ్​బై చెప్పాలని భావించాడు. అయితే టీమిండియాపై ఓటమితో అతడి ఆశలకు బ్రేక్ పడింది. సెమీస్​లోనే ఆ టీమ్ కథ ముగిసింది. వచ్చే ఏడాది పాకిస్థాన్ వేదికగా వన్డే ఫార్మాట్​లో ఛాంపియన్స్ ట్రోఫీ-2025 జరగనుంది. ఆ టోర్నీలో అవసరమైతే టీమ్​కు ప్రాతినిధ్యం వహించేందుకు రిటైర్మెంట్​ను వెనక్కి తీసుకుంటానని వార్నర్ ఇప్పటికే ప్రకటించాడు. అయితే అతడికి క్రికెట్ ఆస్ట్రేలియా మరో ఛాన్స్ ఇచ్చే సూచనలు కనిపించడం లేదు.

టీ20 వరల్డ్ కప్​లో సెమీస్​కు ముందే జట్టు ఇంటిదారి పట్టడంతో క్రికెట్ ఆస్ట్రేలియా సమూల మార్పులు చేసే అవకాశాలు కనిపిస్తున్నాయి. టీమ్​లో సరిగ్గా పెర్ఫార్మ్ చేయని వారిని సెలెక్షన్​కు దూరంగా ఉంచే ఛాన్సులు ఉన్నాయి. అలాగే కొందరి కాంట్రాక్ట్​లు తీసేసే ప్రమాదం కూడా ఉందని వినిపిస్తోంది. ఈ క్రమంలోనే ఇప్పటికే వన్డేలు, టెస్టులకు తాజాగా టీ20లకు గుడ్​బై చెప్పిన వార్నర్​కు కూడా దూరం పెట్టనున్నట్లు తెలుస్తోంది. రిటైర్మెంట్ వెనక్కి తీసుకోమని అతడ్ని కోరే అవకాశం లేదని ఆసీస్ మీడియా అంటోంది. ఇవన్నీ చూస్తుంటే ఇక ఐపీఎల్ లాంటి లీగ్స్ తప్పితే వార్నర్ మళ్లీ అంతర్జాతీయ క్రికెట్​లో కనిపించే అవకాశం లేదనే చెప్పాలి. మరి.. అద్భుత బ్యాటింగ్​తో కోట్లాది మందిని అలరించిన వార్నర్ రిటైర్మెంట్​పై మీ ఒపీనియన్​ను కామెంట్ చేయండి.

వాట్సాప్ ఛానల్ ని ఫాలో అవ్వండి