Nidhan
పొట్టి కప్పు వేటకు సిద్ధమైంది టీమిండియా. తొలి మ్యాచ్లో పసికూన ఐర్లాండ్తో తలపడనుంది రోహిత్ సేన. ఈ మ్యాచ్లో మన జట్టు ప్లేయింగ్ ఎలెవన్ ఎలా ఉండనుందో ఇప్పుడు తెలుసుకుందాం..
పొట్టి కప్పు వేటకు సిద్ధమైంది టీమిండియా. తొలి మ్యాచ్లో పసికూన ఐర్లాండ్తో తలపడనుంది రోహిత్ సేన. ఈ మ్యాచ్లో మన జట్టు ప్లేయింగ్ ఎలెవన్ ఎలా ఉండనుందో ఇప్పుడు తెలుసుకుందాం..
Nidhan
పొట్టి కప్పు వేటకు సిద్ధమైపోయింది టీమిండియా. తొలి మ్యాచ్లో పసికూన ఐర్లాండ్తో తలపడనుంది రోహిత్ సేన. న్యూయార్క్లోని నసావు కౌంటీ ఇంటర్నేషనల్ క్రికెట్ స్టేడియం ఈ మ్యాచ్కు ఆతిథ్యం ఇవ్వనుంది. ఈ మ్యాచ్ కోసం సర్వం సిద్ధమైంది. ఇరు జట్లు బరిలోకి దూకడమే ఆలస్యం. ఐర్లాండ్ను చిత్తు చేసి కప్పు వేటను ఘనగా ఆరంభించాలని భారత్ భావిస్తోంది. పటిష్టమైన టీమిండియాకు షాక్ ఇచ్చి.. పసికూనగా తమ మీద ఉన్న ముద్ర చెరిపేసుకోవాలని ఐర్లాండ్ చూస్తోంది. ఆ టీమ్ బ్యాటింగ్ యూనిట్ బలంగా ఉండటంతో మ్యాచ్ ఆసక్తికరంగా సాగడం ఖాయంగా కనిపిస్తోంది. అయితే ఆస్ట్రేలియా నుంచి తీసుకొచ్చిన డ్రాపిన్ పిచ్లపై ఎలాంటి ప్లేయింగ్ ఎలెవన్తో ముందుకు వెళ్తారనేది ఇంట్రెస్టింగ్గా మారింది.
నసావు స్టేడియంలో సౌతాఫ్రికా-శ్రీలంక మధ్య మ్యాచ్ జరిగింది. ఈ మ్యాచ్లో లంక 77 పరుగులకే కుప్పకూలింది. ఈ టార్గెట్ను ఛేదించేందుకు ప్రొటీస్ ఆపసోపాలు పడింది. కిందా మీద పడి 16.2 ఓవర్లలో 4 వికెట్లు నష్టపోయి లక్ష్యాన్ని అందుకుంది. ఆ మ్యాచ్లో ఆన్రిచ్ నోకియా, కగిసో రబాడ లాంటి పేసర్లతో పాటు కేశవ్ మహారాజ్, వనిందు హసరంగ లాంటి స్పిన్నర్లు కూడా చెలరేగిపోయారు. దీంతో ఐర్లాండ్తో మ్యాచ్లో భారత జట్టు ప్లేయింగ్ ఎలెవన్ ఇంట్రెస్టింగ్గా మారింది. బంగ్లాదేశ్తో వార్మప్ మ్యాచ్లో ఆడించలేదు కాబట్టి యంగ్ బ్యాటర్ యశస్వి జైస్వాల్ డగౌట్కే పరిమితం కావొచ్చు. టాప్ బ్యాటర్ విరాట్ కోహ్లీతో కలసి కెప్టెన్ రోహిత్ ఇన్నింగ్స్ మొదలుపెట్టడం ఖాయంగా కనిపిస్తోంది. ప్రాక్టీస్ మ్యాచ్లో సంజూ శాంసన్ ఫెయిలయ్యాడు కాబట్టి వికెట్ కీపర్గా రిషబ్ పంత్ ఆడటం పక్కా అని చెప్పొచ్చు.
పంత్తో పాటు సూర్యకుమార్ యాదవ్, శివమ్ దూబె మిడిలార్డర్ భారాన్ని మోయనున్నారు. రవీంద్ర జడేజాతో కలసి వైస్ కెప్టెన్ హార్దిక్ పాండ్యా ఫినిషర్ రోల్ నిర్వర్తించనున్నాడు. మెయిన్ స్పిన్నర్గా కుల్దీప్ యాదవ్, పేసర్లుగా జస్ప్రీత్ బుమ్రా, అర్ష్దీప్ సింగ్ బరిలోకి దిగడం ఖాయం. అయితే ఇంకో బెర్త్ కోసం ముగ్గురు ఆటగాళ్ల మధ్య పోటీ నెలకొంది. మహ్మద్ సిరాజ్, యుజ్వేంద్ర చాహల్, అక్షర్ పటేల్లో ఎవర్ని తీసుకుంటారనేది చూడాలి. ఆల్రెడీ జడ్డూ, కుల్దీప్ రూపంలో ఇద్దరు లెఫ్టార్మ్ బౌలర్లు ఉన్నారు కాబట్టి ఎక్స్ట్రా స్పిన్నర్ కావాలనుకుంటే చాహల్ను ప్లేయింగ్ ఎలెవన్లోకి తీసుకోవచ్చు. లంక-ప్రొటీస్ మ్యాచ్లో నసావు పిచ్ పేసర్లుకు కాస్త ఎక్కువగా అనుకూలించింది. కాబట్టి అదనపు పేసర్ కావాలనుకుంటే సిరాజ్ వైపు రోహిత్ మొగ్గుచూపొచ్చు. మొత్తానికి ప్లేయింగ్ ఎలెవన్లో 5 మంది స్పెషలిస్ట్ బౌలర్లు ఉండటం ఖాయంగా కనిపిస్తోంది. వాళ్లకు తోడుగా హార్దిక్, దూబె ఎలాగూ ఉంటారు. మరి.. భారత తుది జట్టులో ఇంకా ఎవరికైనా చోటు దక్కితే బాగుంటుదని మీరు భావిస్తే కామెంట్ చేయండి.
భారత జట్టు (అంచనా): రోహిత్ శర్మ (కెప్టెన్), విరాట్ కోహ్లీ, సూర్యకుమార్ యాదవ్, రిషబ్ పంత్ (వికెట్ కీపర్), హార్దిక్ పాండ్యా (వైస్ కెప్టెన్), శివమ్ దూబె, రవీంద్ర జడేజా, కుల్దీప్ యాదవ్, యుజ్వేంద్ర చాహల్/మహ్మద్ సిరాజ్, జస్ప్రీత్ బుమ్రా, అర్ష్దీప్ సింగ్.
