వరల్డ్ కప్​కు ముందు ప్రత్యర్థులకు వార్నర్ హెచ్చరిక.. తమకు అదే ముఖ్యమంటూ..!

టీ20 వరల్డ్ కప్-2024 సంబురం మొదలయ్యేందుకు ఇంకా రెండ్రోజుల సమయం మాత్రమే ఉంది. కప్పుపై కన్నేసిన జట్లన్నీ అమెరికాకు చేరుకున్నాయి. టైటిల్ ఫెవరెట్స్​లో ఒకటైన ఆస్ట్రేలియా కూడా యూఎస్ చేరుకొని సాధన మొదలుపెట్టింది. ప్రాక్టీస్ మ్యాచ్​లో పసికూన నమీబియాను చిత్తు చేసింది. భారత్ ఆతిథ్యం ఇచ్చిన వన్డే వరల్డ్ కప్-2023ని కైవసం చేసుకున్న ఆసీస్.. పొట్టి కప్పును కూడా స్వాధీనం చేసుకోవాలని చూస్తోంది. ఆ జట్టు ఆటగాళ్లు కూడా భీకర ఫామ్​లో ఉండటం కలిసొచ్చే అంశం. గ్లెన్ మాక్స్​వెల్, మిచ్ మార్ష్, డేవిడ్ వార్నర్ లాంటి కొందరు కీలక ఆటగాళ్లు ఇంకా ఫామ్ అందుకోకపోవడంతో ఆ జట్టు అభిమానులు కాస్త టెన్షన్ పడుతున్నారు. అయితే వరల్డ్ కప్ అంటే చాలు.. కంగారూ ఆటగాళ్ల శక్తులన్నీ తిరిగొస్తాయి.

ప్రపంచ కప్ అనగానే ఆసీస్ ప్లేయర్లు చెలరేగిపోతారు. అప్పటిదాకా ఫామ్​లో లేని వాళ్లు కూడా విజృంభించి ఆడతారు. తమ శక్తులన్నీ కూడగట్టుకొని ఆకాశమే హద్దుగా విధ్వంసం సృష్టిస్తారు. ఇది వాళ్లకు ఆనవాయితీగా వస్తోంది. కాబట్టి ప్లేయర్ల ఫామ్ గురించి పెద్దగా ఆందోళన చెందాల్సిన పనిలేదు. ఈ తరుణంలో ఆసీస్ డేంజరస్ ఓపెనర్ వార్నర్ ఆసక్తికర వ్యాఖ్యలు చేశాడు. కప్పు తమదేనని.. అడ్డొస్తే ఎవ్వర్నీ వదలబోమంటూ ప్రత్యర్థులకు వార్నింగ్ ఇచ్చాడు. టీమ్​లో చోటు దక్కడం గురించి టెన్షన్ లేదని.. వస్తే మాత్రం అపోజిషన్ బౌలర్లకు బడిత పూజ తప్పదని హెచ్చరించాడు. జట్టులో ప్లేస్ వస్తే బెస్ట్ ఇచ్చేందుకు ప్రయత్నిస్తానని, మ్యాచ్ విన్నర్​గా నిలిచేందుకు ట్రై చేస్తానన్నాడు వార్నర్.

జట్టులో చోటు దక్కడం గురించి వార్నర్ ఇలా మాట్లాడటం వెనుక ఓ కారణం ఉంది. ఎంతో ఎక్స్​పీరియెన్స్ కలిగిన డేవిడ్ భాయ్​కు ప్లేస్ గురించి ఎందుకు వర్రీ కొందరు అనుకుంటుండొచ్చు. కానీ కంగారూ జట్టు టీమ్​సిచ్యువేషన్ ఇప్పుడు అలా ఉంది. ఆస్ట్రేలియా ఈసారి చాలా పటిష్టంగా కనిపిస్తోంది. ప్రతి స్థానానికి ఒకటికి మించి ఆప్షన్స్ ఉండటంతో తుది జట్టులో ఎవరు ఉంటారనేది ఆసక్తికరంగా మారింది. ఓపెనింగ్ పొజిషన్​కు ట్రావిస్ హెడ్, వార్నర్ రూపంలో సాలిడ్ పెయిర్ అందుబాటులో ఉంది. వీళ్లతో పాటు కెప్టెన్ మిచ్​ మార్ష్​ కూడా ఇన్నింగ్స్​ స్టార్ట్ చేయగలడు. తాను ఓపెనర్​గా రాణిస్తాననే నమ్మకం అతడికి ఉంటే, రైటాండ్ లెఫ్టాండ్ కాంబోతో వెళ్లాలని భావిస్తే హెడ్​తో కలసి మార్ష్ బ్యాటింగ్ మొదలుపెట్టే అవకాశాలు ఉన్నాయి. అందుకే వార్నర్ జట్టులో చోటు గురించి పైవిధంగా రియాక్ట్ అయ్యాడు. మరి.. ఈ వరల్డ్ కప్​లో ఆసీస్ ఎంతవరకు వెళ్లగలదని మీరు భావిస్తున్నారో కామెంట్ చేయండి.

• ఇదీ చదవండి: టాప్ బ్యాటర్స్ రోహిత్, విరాట్ వల్ల కాలేదు.. భారత్​ను ఊరిస్తున్న అరుదైన రికార్డు!

David Warner said “We don’t care about our spot in the team, we just care about doing the best that we can and trying to be that match winner”. [SMH] pic.twitter.com/jOPGkBvHQK

— Johns. (@CricCrazyJohns) May 31, 2024