శ్రీలంక దిగ్గజం ముత్తయ్య మురళీధరన్ కోచింగ్ చేస్తూనే మరోవైపు పలు వ్యాపారాలు కూడా చేస్తున్నాడు. ఇందులో భాగంగానే భారత్లో కోట్ల రూపాయల పెట్టుబడితో ఓ బిజినెస్ను ప్రారంభించాడు.
శ్రీలంక దిగ్గజం ముత్తయ్య మురళీధరన్ కోచింగ్ చేస్తూనే మరోవైపు పలు వ్యాపారాలు కూడా చేస్తున్నాడు. ఇందులో భాగంగానే భారత్లో కోట్ల రూపాయల పెట్టుబడితో ఓ బిజినెస్ను ప్రారంభించాడు.
ఒకప్పుడు క్రికెటర్లు గేమ్ మీదే బాగా డిపెండ్ అయ్యేవారు. క్రికెటర్లు అనే కాదు.. ఇతర క్రీడలకు చెందిన వాళ్లు కూడా తమ ఆటేదో తాము ఆడుకోవడం అన్నట్లు ఉండేవారు. గేమ్కు రిటైర్మెంట్ ఇచ్చిన తర్వాత కోచింగ్ చేయడం లేదా కామెంట్రీ చెప్పుకోవడం లాంటివి చేసేవారు. కానీ ఈ రోజుల్లో అంతా మారిపోయింది. అదనపు ఆదాయపు మార్గాలను అందరూ అన్వేషిస్తున్నారు. దీపం ఉండగానే ఇల్లు చక్కదిద్దుకోవాలనే కాన్సెప్ట్ను ఫాలో అవుతున్నారు. గేమ్స్లో యాక్టివ్గా ఉన్న టైమ్లోనే బిజినెస్ సైడ్ కూడా వెళ్తున్నారు. స్పోర్ట్స్, అడ్వర్టయిజ్మెంట్ ద్వారా వచ్చిన ఆదాయాన్ని వ్యాపార రంగంలో పెట్టుబడిగా పెడుతూ మరింత లాభాలు గడిస్తున్నారు. గేమ్స్ మీదే డిపెండ్ అవకుండా అదనపు ఆదాయ మార్గాలు చూసుకుంటూ రెండు చేతులా సంపాదిస్తున్నారు.
శ్రీలంక స్పిన్ దిగ్గజం ముత్తయ్య మురళీధరన్ కూడా ఇదే కోవలోకి వస్తాడు. కొన్నేళ్ల పాటు తన స్పిన్ బౌలింగ్తో క్రికెట్ను శాసించాడీ లెజెండ్. అద్భుతమైన బౌలింగ్తో ప్రత్యర్థి జట్ల బ్యాటర్లను వణికించాడు. ఏళ్ల పాటు సూపర్బ్ ఆటతీరుతో ఎవర్గ్రీన్ క్రికెటర్గా నిలిచాడు. అయితే క్రికెటర్గా కొనసాగుతున్న టైమ్లోనే బయట కొన్ని వ్యాపారాలు కూడా మొదలుపెట్టాడు మురళీధరన్. గేమ్కు గుడ్బై చెప్పాక వాటిపై మరింత ఫోకస్ చేశాడు. అందులో ఒకటి ముత్తయ్య బేవరెజెస్ అండ్ కన్ఫెక్షనరీస్ సంస్థ. ఈ శీతల పానీయాల సంస్థ ద్వారా భారీ లాభాలు గడిస్తున్న లంక దిగ్గజం.. ఇప్పుడు తన వ్యాపారాన్ని భారత్కు విస్తరించాడు. కర్ణాటకలోని చామరాజనగర్ డిస్ట్రిక్ట్లో 1,400 కోట్ల ఇన్వెస్ట్మెంట్తో బేవరెజెస్ యూనిట్ను నెలకొల్పనున్నాడు మురళీధరన్.
శీతల పానీయాల తయారీ కేంద్రం ఏర్పాటుకు సంబంధించి కర్ణాటక సర్కారుతో మురళీధరన్ ఒప్పందం కుదుర్చుకున్నాడు. ముత్తయ్య బేవరెజెస్ అండ్ కన్ఫెక్షనరీస్ కోసం బడనగుప్పే అనే ప్రాంతంలో 46 ఎకరాల స్థలాన్ని కేటాయించింది కర్ణాటక ప్రభుత్వం. ఈ మేరకు గవర్నమెంట్కు మురళీధరన్కు మధ్య అగ్రిమెంట్ కుదిరింది. ఆ రాష్ట్ర భారీ పరిశ్రమల శాఖ మంత్రి ఎంబీ పాటిల్ ఈ విషయాన్ని ధృవీకరించారు. మురళీధరన్ సాఫ్ట్ డ్రింక్ కంపెనీ పనులు వచ్చే ఏడాది జనవరి నుంచి స్టార్ట్ అవుతాయని తెలుస్తోంది. ఇక్కడ సక్సెస్ అయితే వ్యాపారాన్ని ధార్వడ్ జిల్లాకు కూడా విస్తరించే అవకాశాలు ఉన్నాయని సమాచారం. ఇక, 52 ఏళ్ల మురళీధరన్ ప్రస్తుతం ఇండియన్ ప్రీమియర్ లీగ్లో సన్రైజర్స్ హైదరాబాద్ టీమ్కు స్ట్రాటజిక్ కోచ్గా సేవలు అందిస్తున్నాడు.
Muttiah Muralitharan to invest 1,400cr in a beverage and confectionery unit in Karnataka. pic.twitter.com/M1h3Ach3RV
— Mufaddal Vohra (@mufaddal_vohra) June 19, 2024
