Shubman Gill: దులీప్ ట్రోఫీలో మళ్లీ ఫెయిలైన శుబ్​మన్ గిల్.. ఇలాగైతే కష్టమే!

భారత టెస్ట్ జట్టులోకి ఎంట్రీ ఇవ్వాలంటే దులీప్ ట్రోఫీలో రాణించడం కీలకంగా మారింది. ఈ టోర్నీతో ఫామ్, ఫిట్​నెస్​ నిరూపించుకొని బాగా పెర్ఫార్మ్ చేసిన వారికి మాత్రమే రాబోయే బంగ్లాదేశ్ సిరీస్​లో చోటు దక్కుతుందని బీసీసీఐ ఇన్​డైరెక్ట్​గా ఇండికేషన్స్ ఇచ్చింది. దీంతో టీమిండియా స్టార్లతో పాటు యంగ్​స్టర్స్ కూడా తమ సత్తా చాటాలని ప్రయత్నిస్తున్నారు. అయితే కొత్త కుర్రాళ్లు అదరగొడుతుండగా.. భారత స్టార్లు మాత్రం ఫెయిల్ అవుతున్నారు. ఇలా విఫలమవుతున్న వారిలో టీమిండియా లిమిటెడ్ ఓవర్స్ వైస్ కెప్టెన్ శుబ్​మన్ గిల్ కూడా ఉన్నాడు. ఇండియా బీతో జరుగుతున్న మ్యాచ్ తొలి ఇన్నింగ్స్​లో ఫ్లాప్ అయిన గిల్.. రెండో ఇన్నింగ్స్​లోనూ చేతులెత్తేశాడు. ఫస్ట్ ఇన్నింగ్స్​లో ఔట్ చేసిన నవ్​దీప్ సైనీ బౌలింగ్​లోనే అతడు మరోమారు ఔట్ అయ్యాడు.

మంచి ఆరంభం లభించాక గిల్ ఔట్ అయ్యాడు. 35 బంతులు ఎదుర్కొన్న యంగ్ బ్యాటర్ 2 బౌండరీల సాయంతో 21 పరుగులు చేశాడు. గుడ్ స్టార్ట్ దొరకడం, ఫోర్లు కొట్టి ఊపు మీద ఉండటం, తొలి ఇన్నింగ్స్​లో ఫెయిల్ అవడంతో కసి మీద ఉన్న గిల్ భారీ ఇన్నింగ్స్ ఆడటం ఖాయమని అంతా అనుకున్నారు. అదే టైమ్​లో 275 పరుగులు ఛేజ్ చేయాల్సి ఉండటంతో అతడు తప్పకుండా చివరి వరకు నిలబడతాడు, యాంకర్ ఇన్నింగ్స్ ఆడతాడని భావించారు. కానీ గిల్ మళ్లీ నిరాశపర్చాడు. సైనీ బౌలింగ్​లో వికెట్ కీపర్ రిషబ్ పంత్​కు క్యాచ్ ఇచ్చి ఔట్ అయ్యాడు. క్రీజులో నిలదొక్కుకున్నాక అతడు ఔట్ అవడం అందర్నీ నిరాశపర్చింది. అతడి వరుస వైఫల్యాలపై సోషల్ మీడియాలో నెటిజన్స్ సీరియస్ అవుతున్నారు. కేఎల్ రాహుల్ లాంటి సీనియర్ టీమ్​లో ఉన్నా గిల్​కు కెప్టెన్సీ ఇచ్చినందున అతడు మరింత బాధ్యతతో ఆడాల్సింది పోయి ఇలా ఫ్లాప్ అవడం ఏంటని ప్రశ్నిస్తున్నారు.

గిల్​కు టీమ్ మేనేజ్​మెంట్​తో పాటు బీసీసీఐ నుంచి ఫుల్ సపోర్ట్ ఉందని.. అతడు మంచి పెర్ఫార్మెన్స్​తో దాన్ని నిలబెట్టుకోవాల్సింది పోయి ఇలా నిరాశపర్చడం ఏంటని క్వశ్చన్ చేస్తున్నారు నెటిజన్స్. ఇదే రీతిలో ఆడుతూ పోతే భారత టెస్ట్ టీమ్​లో అతడికి చోటు కష్టమేనని.. లాంగ్ ఫార్మాట్​లో అతడు తన టెక్నిక్​ను మరింత ఇంప్రూవ్ చేసుకోవాలని సూచిస్తున్నారు. త్వరగా మెరుగుపడకపోతే ఆ ప్లేస్​ను ఇంకొకరితో భర్తీ చేసినా ఆశ్చర్యపోనక్కర్లేదని.. ముందే టీమిండియాలో టఫ్ కాంపిటీషన్ ఉందని హెచ్చరిస్తున్నారు. ఇక, ఇండియా ఏ ప్రస్తుతం 8 వికెట్లకు 182 పరుగులతో ఉంది. ఆ టీమ్ విజయానికి ఇంకా 93 పరుగులు కావాలి. కానీ రెండే వికెట్లు ఉన్నందున ఓటమి ఖాయంగా కనిపిస్తోంది. ఆకాశ్​దీప్ (31 నాటౌట్), ఆవేశ్ ఖాన్ (3 నాటౌట్) క్రీజులో ఉన్నారు. వీళ్లు ఇండియా బీ విజయాన్ని ఎంత ఆలస్యం చేస్తారో చూడాలి. మరి.. గిల్ బ్యాక్ టు బ్యాక్ ఫెయిల్యూర్స్​పై మీరేం అనుకుంటున్నారో కామెంట్ చేయండి.

• ఇదీ చదవండి: ధోని ఆల్​టైమ్​ రికార్డును సమం చేసిన జురెల్.. యంగ్ కీపర్ అరుదైన ఘనత!

Fraud Of The Generation Shubman Gill

Future Captain of All 3 Formats 😂🤣 pic.twitter.com/GLXd4wlZiB

— 🤍✍ (@imAnthoni_) September 8, 2024