శ్రీలంక లెజెండ్ కుమార సంగక్కరకు భారత్తో ఉన్న అనుబంధం గురించి తెలిసిందే. ఆయనకు లంకతో పాటు ఇక్కడ కూడా భారీగా అభిమానులు ఉన్నారు.
శ్రీలంక లెజెండ్ కుమార సంగక్కరకు భారత్తో ఉన్న అనుబంధం గురించి తెలిసిందే. ఆయనకు లంకతో పాటు ఇక్కడ కూడా భారీగా అభిమానులు ఉన్నారు.
శ్రీలంక లెజెండ్ కుమార సంగక్కరకు భారత క్రికెట్తో ఉన్న అనుబంధం గురించి తెలిసిందే. ఆయనకు లంకతో పాటు ఇక్కడ కూడా భారీగా అభిమానులు ఉన్నారు. ఈ లెఫ్టాండ్ బ్యాటర్ సొగసైన ఆటకు ఎంతో మంది ఫిదా అయిపోయారు. కీపర్గా, బ్యాటర్గా ఆయన అభిమానుల మనసుల్లో వేసిన ముద్ర అలాంటిది. సనత్ జయసూర్య, మార్వన్ ఆటపట్టు, జయవర్దనే, మురళీధరన్, చమిందా వాస్ వంటి దిగ్గజాలతో కలసి లంకను మోస్ట్ డేంజరస్గా టీమ్గా మార్చాడు సంగక్కర. ఎన్నో మ్యాచుల్లో ఒంటిచేత్తో జట్టును ఒడ్డున పడేశాడీ ఎడమ చేతి బ్యాటర్. వరల్డ్ బెస్ట్ కీపర్స్ లిస్ట్లో పైవరుసలో ఉంటాడాయన. అలాంటోడు రిటైర్మెంట్ తర్వాత క్రమంగా కోచింగ్ మీద ఫోకస్ చేస్తూ వచ్చాడు.
ఇండియన్ ప్రీమియర్ లీగ్లో రాజస్థాన్ రాయల్స్కు హెడ్ కోచ్గా వ్యవహరిస్తున్నాడు సంగర్కర. అలాగే ఆ టీమ్కు డైరెక్టర్ ఆఫ్ క్రికెట్గా ఉన్నాడు. జట్టు గెలుపోటములు, ఆటగాళ్ల ఎంపిక, యువకులను సానబెట్టడం.. ఇలా రాజస్థాన్ రాయల్స్కు సంబంధించిన అన్ని విషయాలు ఆయనే చూసుకుంటున్నాడు. ఇంటర్నేషనల్ క్రికెటర్గానే గాక ఐపీఎల్లో ఆడటం ద్వారా, ఇప్పుడు లీగ్లో కోచ్గానూ ఇక్కడి అభిమానులకు ఆయన మరింత చేరువయ్యాడు. అలాంటి సంగక్కర తాజాగా బ్యాట్ పట్టి ఓ మ్యాచ్ బరిలోకి దిగాడు. ఈ మ్యాచ్ ఎక్కడ జరిగింది? ఏయే జట్ల మధ్య జరిగింది? అనే వివరాలు తెలియరాలేదు. కానీ ఇందులో సంగక్కర వాడిన బ్యాట్ గురించి మాత్రం డిస్కషన్ నడుస్తోంది. దీనికి కారణం అది ఓ భారత స్టార్ది కావడమే.
టీమిండియా స్టార్ బ్యాట్స్మన్ సంజూ శాంసన్ బ్యాట్తో సంగక్కర ఆడుతూ కనిపించాడు. ఓ మ్యాచ్లో ఆయన ఆ బ్యాట్ను వాడిన ఫొటోలు ఇప్పుడు సోషల్ మీడియాలో చక్కర్లు కొడుతున్నాయి. ఇది తన బ్యాటేనని సంజూ తెలిపాడు. ‘సంగక్కర నా బ్యాట్లు వాడుతున్నాడు. ఇది నా డ్రీమ్’ అని శాంసన్ ఇన్స్టాగ్రామ్లో ఓ పోస్ట్ పెట్టాడు. ఇందులో సంగక్కర ఆ బ్యాట్తో ఆడుతున్న ఫొటోను షేర్ చేశాడు. రాజస్థాన్ కెప్టెన్గా ఉన్న సంజూతో సంగక్కరకు మంచి బాండింగ్ ఉంది. సంగక్కర ప్రోత్సాహంతో కెప్టెన్గా డేరింగ్ డెసిషన్స్ తీసుకుంటూ టీమ్ను నడిపిస్తున్నాడు సంజూ. అతడి బ్యాటింగ్ లోపాల్ని సరిదిద్ది తిరిగి టీమిండియాలోకి ఎంట్రీ ఇచ్చేలా చేశాడు సంగక్కర. స్వయంగా గ్రేట్ బ్యాటర్ అయిన సంగక్కర, తన జట్టుకు కోచ్ కూడా అవడంతో ఆయన తన బ్యాట్ వాడేసరికి సంజూ ఆనందం పట్టలేకపోయాడు. లంక లెజెండ్ తన బ్యాట్ వాడటం ఓ కల అంటూ సంజూ పోస్ట్ పెట్టాడు.
