Rohit Sharma: వీడియో: మాతృభాషలో మాట్లాడిన రోహిత్! ఏమన్నాడంటే..?

టీమిండియా కెప్టెన్ రోహిత్ శర్మకు ఉన్న ఫ్యాన్ ఫాలోయింగ్ గురించి తెలిసిందే. ముఖ్యంగా తెలుగు స్టేట్స్​లో అతడికి నెక్స్ట్‌ లెవల్​లో క్రేజ్ ఉంది. హైదరాబాద్​లో టీమిండియా మ్యాచ్ ఉంటే చాలు.. స్టేడియంలో హిట్​మ్యాన్ నామస్మరణ చేయడం చూస్తూనే ఉంటాం. అతడి బర్త్​డేకు కూడా భారీ ఫ్లెక్సీలు ఏర్పాటు చేయడం తెలిసిందే. రోహిత్ కూడా ఇక్కడి ఫ్యాన్స్ గురించి పలుమార్లు మాట్లాడాడు. టీమిండియాతో పాటు గతంలో ఐపీఎల్​లో తెలుగు జట్టు డెక్కన్ ఛార్జర్స్​కు ఆడాడతను. అతడు టీమ్​లో ఉన్నప్పుడు ట్రోఫీ కూడా గెలిచింది డీసీ. ఆ తర్వాత రోహిత్ ముంబై ఇండియన్స్​కు మారగా.. డెక్కన్ ఛార్జర్స్ జట్టును బ్యాన్ చేశారు. అయితే తెలుగు నేలతో, ఇక్కడి అభిమానులతో రోహిత్ అనుబంధం మాత్రం అలాగే ఉండిపోయింది.

రోహిత్ ముంబైకి మారినందుకు ఆ టీమ్​కు ఇక్కడి నుంచి అభిమానించే వారూ పెరిగారు. అలా హిట్​మ్యాన్​కు కెరీర్ ఆసాంతం ఇక్కడి ఫ్యాన్స్ నుంచి ఆదరణ లభిస్తూనే ఉంది. వారిని సంతోషపర్చడానికి ఓ పని చేశాడు భారత కెప్టెన్. తెలుగులో మాట్లాడి అందర్నీ అలరించాడు. ప్రస్తుతం అమెరికా టూర్​లో ఉన్న రోహిత్.. అక్కడ పలు కార్యక్రమాల్లో పాల్గొంటూ సందడి చేస్తున్నాడు. ఈ క్రమంలో తాజాగా ఓ ఈవెంట్​కు హాజరైన అతడ్ని కొందరు ఫ్యాన్స్ తెలుగులో మాట్లాడాల్సిందిగా రిక్వెస్ట్ చేశారు. దీంతో వెంటనే ‘ఎట్లా ఉన్నారు’ అని అడిగాడు. దీనికి సంబంధించిన వీడియో సోషల్ మీడియాలో వైరల్ అవుతోంది. రోహిత్ తెలుగు సూపర్ అని నెటిజన్స్ కామెంట్స్ చేస్తున్నారు.

ఇక, రోహిత్​కు తెలుగు నేలతో సంబంధం ఉందనే విషయం తెలిసిందే. మహారాష్ట్రలో పుట్టి పెరిగిన హిట్​మ్యాన్​.. అక్కడే క్రికెట్ నేర్చుకొని ఈ స్థాయికి చేరుకున్నాడు. అయితే అతడి తల్లి పూర్ణిమ సొంతూరు మాత్రం ఆంధ్రప్రదేశ్​లోని విశాఖపట్నం కావడం గమనార్హం. రోహిత్ బయట ఎక్కువగా హిందీ, ఇంగ్లీష్, మరాఠీ మాట్లాడుతూ కనిపిస్తాడు. అయితే అతడి ఇంట్లో మాత్రం అందరూ తెలుగులోనే మాట్లాడతారట. రోహిత్​కు మాతృభాషపై ఎక్కువగా పట్టు లేకపోయినా బాగానే అర్థం అవుతుందట. ఓ సందర్భంలో అతడు మాట్లాడుతూ.. చిన్నప్పటి నుంచి తమ ఇంట్లో తెలుగు వంటకాలే ఎక్కువగా చేస్తుంటారని, తన అమ్మ చేతి వంటను మించినది మరొకటి లేదన్నాడు. దీన్ని బట్టే ఇక్కడి భాష, ఆహారంపై రోహిత్​కు ఉన్న ఇష్టం ఎలాంటిదో అర్థం చేసుకోవచ్చు.

• ఇదీ చదవండి: టీమిండియా క్రికెటర్లుకు భారీ షాకిచ్చిన BCCI? గంభీర్‌ రాకతో మారిన రూల్స్‌?

Captain Rohit Sharma speaking TELUGU. 😀🔥 pic.twitter.com/ICTDkiGoGd

— Johns. (@CricCrazyJohns) July 15, 2024