Rohit Sharma: నేను చెప్పిందే జరుగుతుంది.. మాట వినక తప్పదు: రోహిత్ శర్మ

టీమిండియా కెప్టెన్ రోహిత్ శర్మ ఎప్పుడూ నవ్వుతూ, తన చుట్టూ ఉన్నవారిని కూడా సరదాగా నవ్విస్తూ ఉంటాడు. గ్రౌండ్​తో పాటు బయట కూడా అతడి వ్యక్తిత్వంలో మార్పు ఉండదు. యంగ్​స్టర్స్, సీనియర్స్​ అనే తేడాల్లేకుండా అందరితోనూ కలసిపోయే హిట్​మ్యాన్.. చూడటానికి ఫన్నీగా కనిపిస్తాడు. బ్యాటింగ్, కెప్టెన్సీ.. క్యాజువల్​గా చేస్తున్నట్లే అనిపిస్తుంది. పెద్దగా ఎఫర్ట్ పెడుతున్నట్లు ఉండదు. కానీ ఆ సమయంలో తన మైండ్ ఎలా పని చేస్తుందో రోహిత్ రివీల్ చేశాడు. తన మెదడు చాలా షార్ప్​గా వర్క్ చేస్తుందని తెలిపాడు. తాను ఏది చెబితే అదే జరుగుతుందని, అది తన మాట వినక తప్పదన్నాడు. ఆన్ ది ఫీల్డ్ తన మైండ్​ను ఎలా ఆపరేట్ చేస్తాననేది ఇంకా డీటెయిల్డ్​గా చెప్పాడు రోహిత్. అతడు ఏమన్నాడో ఇప్పుడు చూద్దాం..

‘అంతా మైండ్​ మీదే ఆధారపడి ఉంది. దాని కంటే పవర్​ఫుల్ ఏదీ లేదు. మనం మెదడుకు ఏం చెబితే అదే జరుగుతుంది. దాన్ని మనం ఎలా ట్రైన్ చేస్తామో అది అలాగే పని చేస్తుంది. మనం చెప్పిందే అది చేస్తుంది’ అని రోహిత్ చెప్పుకొచ్చాడు. హిట్​మ్యాన్ ఇప్పుడు రెస్ట్ తీసుకుంటున్నాడు. ఇంటర్నేషనల్ మ్యాచ్​లు లేకపోవడంతో విశ్రాంతి తీసుకుంటూనే మధ్యలో కొన్ని ఈవెంట్స్​కు అటెండ్ అవుతున్నాడు. ఈ క్రమంలోనే ఓ అవార్డు ఫంక్షన్​కు అటెండ్ అయిన రోహిత్​కు ఇంట్రెస్టింగ్ క్వశ్చన్ ఎదురైంది. ఎన్నో ఏళ్లుగా ఇంటర్నేషనల్ క్రికెట్ ఆడుతున్నారు, కెరీర్​లో ఎత్తుపళ్లాలు చూశారు, ఎంతో ఒత్తిడిని ఎదుర్కొన్నారు.. ఈ స్టేజ్​లో మీ బెస్ట్ ఇవ్వడానికి ఏం చేస్తారనే ప్రశ్నకు రోహిత్ పైవిధంగా రియాక్ట్‌ అయ్యాడు. ఏదైనా మెదడు మీదే డిపెండ్ అవుతుందని, దాన్ని ఎలా ట్రైన్ చేస్తామనేది చాలా ముఖ్యమని తెలిపాడు.

దేశానికి వరల్డ్ కప్​ అందివ్వడం అద్భుతమైన అనుభూతిని ఇచ్చిందన్నాడు రోహిత్. ఇది ప్రతి రోజూ వచ్చే ఫీలింగ్ కాదని.. అందుకే ఆ మూమెంట్స్​ను అభిమానులందరితో కలసి సెలబ్రేట్ చేసుకున్నామని హిట్​మ్యాన్ పేర్కొన్నాడు. తమతో కలసి ఈ విజయాన్ని సెలబ్రేట్ చేసుకున్న ఫ్యాన్స్​కు అతడు థ్యాంక్స్ చెప్పాడు. ఇక, ఇంటి దగ్గర రెస్ట్ తీసుకుంటున్న భారత కెప్టెన్ ఫిట్​నెస్ ఇంప్రూవ్ చేసుకోవడం మీద కూడా వర్క్ చేస్తున్నాడు. అయితే రోహిత్​ను యాక్షన్​లోకి చూడాలంటే ఇంకా చాలా టైమ్ పడుతుంది. దులీప్ ట్రోఫీ-2024లో అతడ్ని ఆడిస్తారనుకుంటే మరింత రెస్ట్ ఇవ్వాలనే కారణంతో సెలెక్ట్ చేయలేదు. కాబట్టి బంగ్లాదేశ్​తో జరిగే టెస్ట్ సిరీస్​తోనే హిట్​మ్యాన్​ మళ్లీ బరిలోకి దిగుతాడు. మరి.. మైండ్​ కంటే పవర్​ఫుల్ ఏదీ లేదంటూ రోహిత్ చేసిన వ్యాఖ్యలపై మీ ఒపీనియన్​ను కామెంట్ చేయండి.

• ఇదీ చదవండి: ఇషాంత్ సూపర్ స్పెల్​కు 16 ఏళ్లు.. అందర్నీ భయపెట్టే పాంటింగ్​నే వణికించాడు!

Captain Rohit Sharma talking about the feeling after winning T20 World Cup.❤️

– THE CAPTAIN, ROHIT…!!!! 🐐pic.twitter.com/utoYMbKssl

— Tanuj Singh (@ImTanujSingh) September 3, 2024