Rohit Sharma: రోహిత్​ను తక్కువ అంచనా వేస్తున్నారు.. ఒక్కొక్కరి తాట తీస్తాడు: మాజీ క్రికెటర్

టీ20 వరల్డ్ కప్-2024కు ముందు ఓ విషయం భారత అభిమానులను భయపెడుతోంది. అదే కెప్టెన్ రోహిత్ శర్మ ఫామ్. ఇండియన్ ప్రీమియర్ లీగ్ తాజా సీజన్​లో హిట్​మ్యాన్ ఫెయిల్ అయ్యాడు. బ్యాట్​తో అతడు పెద్దగా ఆకట్టుకోలేకపోయాడు. ఆడిన 13 మ్యాచుల్లో కలిపి 349 పరుగులు మాత్రమే చేశాడు. అతడి స్ట్రైక్ రేట్ 145గా ఉంది. దీంతో అతడి ఫామ్ గురించి అందరూ టెన్షన్ పడుతున్నారు. ప్రపంచ కప్​లోనూ ఇలాగే ఆడితే ఇక టీమ్ కప్పు కొట్టినట్లేనని కొందరు సెటైర్స్ కూడా వేస్తున్నారు. ఓపెనర్​గా వచ్చేటోడు, అందులోనూ కెప్టెనే ఇలా ఆడితే ఇంక మిగతా వాళ్ల మీద అది ఎంతగా ప్రభావం చూపిస్తుందనే అభిప్రాయాలు వ్యక్తం అవుతున్నాయి. ఈ తరుణంలో ఆస్ట్రేలియా మాజీ క్రికెటర్ టామ్ మూడీ ఆసక్తికర వ్యాఖ్యలు చేశాడు.

రోహిత్ ఫామ్ గురించి ఎలాంటి ఆందోళన అవసరం లేదన్నాడు టామ్ మూడీ. అతడు కొన్ని మ్యాచుల్లోనే ఫామ్ అందుకుంటాడని అన్నాడు. ఒక్కసారి ఊపులోకి వస్తే ఇంకా ఎవరూ అతడ్ని ఆపలేరని.. బ్రేకుల్లేని బుల్డోజర్​లా దూసుకుపోతాడని మూడీ చెప్పాడు. ఫామ్​లో లేడని రోహిత్​ను తక్కువ అంచనా వేయొద్దని.. స్వింగ్​లోకి వస్తే బౌలర్ల తాట తీస్తాడని హెచ్చరించాడు. ‘నేను రోహిత్ శర్మ ఫామ్ గురించి టెన్షన్ పడట్లేదు. ఐసీసీ వరల్డ్ కప్ లాంటి మేజర్ టోర్నీల్లో రోహిత్ ఎక్స్​పీరియెన్స్​ టీమ్​కు ఎంతో ఉపయోగపడుతుంది. బ్యాట్​తోనే కాదు.. సారథ్యంతోనూ తన మార్క్ చూపించే సత్తా అతడి సొంతం’ అని మూడీ పేర్కొన్నాడు.

వరల్డ్ కప్​లో గ్రూప్ దశలో చిన్న జట్లతో ఒకట్రెండు మ్యాచ్​లు ఉంటాయి కాబట్టి వాటితో రోహిత్ ఫామ్​లోకి వస్తాడని మూడీ తెలిపాడు. ఒక్కసారి మూమెంటమ్ అందుకుంటే అతడ్ని ఆపడం ఎవరి తరం కాదన్నాడు. ప్రపంచ కప్ లాంటి మెగా టోర్నీల్లో ప్లేయింగ్ ఎలెవన్​ను మరింత బలోపేతం చేసేందుకు ఆల్​రౌండర్ల అవసరం ఉంటుందన్నాడు. కాబట్టి హార్దిక్ పాండ్యాను భారత్ ఎఫెక్టివ్​గా ఉపయోగించుకోవాలని సూచించాడు. టచ్​లోకి వచ్చేందుకు పాండ్యాకు కూడా కొన్ని మ్యాచ్​లు అవసరమని.. అప్పటిదాకా ఓపిక పట్టి, ప్రోత్సహిస్తే బాగుంటుందన్నాడు. అతడు బ్యాట్​తో పాటు బాల్​తోనూ రాణిస్తే టీమిండియాకు తిరుగుండదని వివరించాడు. మరి.. రోహిత్​ను తక్కువ అంచనా వేయొద్దంటూ మూడీ చేసిన వ్యాఖ్యలపై మీ ఒపీనియన్​ను కామెంట్ల రూపంలో తెలియజేయండి.

• ఇదీ చదవండి: DC vs LSG: వీడియో: కేఎల్ రాహుల్ కళ్లుచెదిరే క్యాచ్.. మిస్సైనా చిరుతలా వెంటాడి పట్టేశాడు!

 

View this post on Instagram

 

A post shared by SportsTiger (@sportstiger_official)