India vs Sri Lanka: శ్రీలంకతో జరుగుతున్న వన్డే సిరీస్లో భారత్ కష్టాల్లో పడింది. ఈజీగా గెలవాల్సిన మొదటి మ్యాచ్ టై కాగా.. రెండో మ్యాచ్లో ఆతిథ్య జట్టు స్పిన్ వలలో చిక్కుకొని ఓటమి పాలైంది రోహిత్ సేన.
India vs Sri Lanka: శ్రీలంకతో జరుగుతున్న వన్డే సిరీస్లో భారత్ కష్టాల్లో పడింది. ఈజీగా గెలవాల్సిన మొదటి మ్యాచ్ టై కాగా.. రెండో మ్యాచ్లో ఆతిథ్య జట్టు స్పిన్ వలలో చిక్కుకొని ఓటమి పాలైంది రోహిత్ సేన.
శ్రీలంకతో జరుగుతున్న వన్డే సిరీస్లో భారత్ కష్టాల్లో పడింది. ఈజీగా గెలవాల్సిన మొదటి మ్యాచ్ టై కాగా.. రెండో మ్యాచ్లో ఆతిథ్య జట్టు స్పిన్ వలలో చిక్కుకొని ఓటమి పాలైంది రోహిత్ సేన. దీంతో సిరీస్లో 0-1తో వెనుకంజలో ఉంది. ఎల్లుండి జరిగే మూడో వన్డేలో గెలిస్తే సిరీస్ సమం అవుతుంది. రిజల్ట్ ఏమాత్రం అటు ఇటైనా సిరీస్ పోవడం ఖాయం. అందుకే ఆ మ్యాచ్లో ఎలాంటి తప్పులకు అవకాశం ఇవ్వొద్దని భారత్ భావిస్తోంది. తమ బెస్ట్ పెర్ఫార్మెన్స్తో లంకను ఓడించాలని చూస్తోంది. స్పిన్ వ్యూహాన్ని ఛేదించి ఆతిథ్య జట్టును మడతబెట్టాలని అనుకుంటోంది. అందుకోసం అవసరమైన స్ట్రాటజీలు పన్నడంలో కోచ్ గంభీర్, కెప్టెన్ రోహిత్ బిజీ అయిపోయారు.
మూడో వన్డే కోసం ఎలాంటి ప్లేయింగ్ ఎలెవన్తో వెళ్లాలి? జట్టులో చేయాల్సిన మార్పులు? లంక స్పిన్నర్లను ఆపేందుకు అవసరమైన వ్యూహాలను పన్నడంలో హిట్మ్యాన్ బిజీగా ఉన్నాడు. ఈ సమయంలో పాకిస్థాన్ మాజీ కెప్టెన్ సల్మాన్ భట్ ఇంట్రెస్టింగ్ కామెంట్స్ చేశాడు. తొలి రెండు మ్యాచుల్లో రోహిత్ అప్రోచ్ను అతడు తప్పుబట్టాడు. అంత మంచి ఫామ్లో ఉండి, పరుగులు ఈజీగా వస్తున్న టైమ్లో ఆఖరి వరకు క్రీజులో ఉండకపోవడం ఏంటని ప్రశ్నించాడు. రోహిత్ మ్యాచ్లు ఫినిష్ చేస్తే అయిపోయేదని.. చేతులారా ఆ అవకాశాన్ని అతడు మిస్ చేసుకున్నాడని తెలిపాడు. భారత్ ఓటమికి అతడే కారణమని విమర్శించాడు సల్మాన్ భట్.
‘తొలి రెండు వన్డేల్లోనూ రోహిత్ శర్మ చాలా బాగా ఆడాడు. బౌలర్లను నిలదొక్కుకోండా చేశాడు. ధనాధన్ ఇన్నింగ్స్లతో అలరించాడు. అయితే అతడో తప్పు చేశాడు. ముఖ్యంగా రెండో వన్డేలో మ్యాచ్ను ఫినిష్ చేసే ఛాన్స్ ఉన్నా అతడు వాడుకోలేదు. అంత మంచి నియంత్రణతో బ్యాటింగ్ చేస్తూ వచ్చిన హిట్మ్యాన్.. మ్యాచ్ను ముగించే అవకాశం ఉన్నా ఆ పని చేయలేదు. టీమిండియా బ్యాటర్లు అందరూ స్ట్రగుల్ అవుతున్నారని అతడికి తెలుసు. అలాంటప్పుడు మరింత బాధ్యత తీసుకొని ఇన్నింగ్స్ ఆఖరి వరకు క్రీజులో ఉండి మ్యాచ్ను ఫినిష్ చేయాల్సింది. కానీ అతడు చెత్త షాట్ ఆడి వికెట్ పారేసుకున్నాడు. అక్కడే మ్యాచ్ పోయింది’ అని భట్ చెప్పుకొచ్చాడు. అతడి తప్పే భారత్ కొంపముంచిందన్నాడు. రెండో వన్డేలో 44 బంతుల్లో 64 పరుగులు చేసిన హిట్మ్యాన్.. వండర్సే బౌలింగ్లో రివర్స్ స్వీప్ ఆడేందుకు ప్రయత్నించి ఔట్ అయ్యాడు. మరి.. రోహిత్ మ్యాచ్ను ఫినిష్ చేయాల్సిందనే వ్యాఖ్యలపై మీ ఒపీనియన్ను కామెంట్ చేయండి.
Salman Butt “There was one person who was really in control of this match and who could have finished the game,it was Rohit Sharma.The shot he played,knowing that his team’s batting is struggling, Why has he not batted long and finished the game?.”pic.twitter.com/v2pGZPdEHC
— Sujeet Suman (@sujeetsuman1991) August 5, 2024
