Nidhan
టీమిండియా సీనియర్ ఆల్రౌండర్ రవీంద్ర జడేజా టీ20 వరల్డ్ కప్తో పొట్టి ఫార్మాట్కు గుడ్బై చెప్పాడు. దీంతో అతడి భవిష్యత్ ఎలా ఉంటుంది? మిగిలిన రెండు ఫార్మాట్లలోనూ అతడికి ఏ మేర అవకాశాలు ఇస్తారు అనేది చర్చనీయాంశంగా మారింది.
టీమిండియా సీనియర్ ఆల్రౌండర్ రవీంద్ర జడేజా టీ20 వరల్డ్ కప్తో పొట్టి ఫార్మాట్కు గుడ్బై చెప్పాడు. దీంతో అతడి భవిష్యత్ ఎలా ఉంటుంది? మిగిలిన రెండు ఫార్మాట్లలోనూ అతడికి ఏ మేర అవకాశాలు ఇస్తారు అనేది చర్చనీయాంశంగా మారింది.
Nidhan
టీమిండియా స్టార్ ఆల్రౌండర్ రవీంద్ర జడేజా ఇప్పుడు భారత జట్టుకు దూరంగా ఉన్నాడు. టీ20 వరల్డ్ కప్-2024తో పొట్టి ఫార్మాట్కు గుడ్బై చెప్పేశాడు జడ్డూ. ఇక మీదట వన్డేలు, టీ20లకు మాత్రమే పరిమితం అవుతానని తెలిపాడు. ప్రపంచ కప్ డ్రీమ్ నెరవేరడం అద్భుతంగా ఉందన్నాడు. మెగాటోర్నీ ముగిశాక స్వదేశానికి వచ్చిన జడ్డూ.. విక్టరీ సెలబ్రేషన్స్లో సందడి చేశాడు. అనంతరం ఇంటికి పయనమయ్యాడు. త్వరలో జరిగే శ్రీలంక సిరీస్లో ఈ ఆల్రౌండర్ ఆట చూద్దామని అభిమానులు ఎదురు చూస్తున్నారు. అయితే అతడ్ని ఆ సిరీస్కు సెలెక్టర్లు ఎంపిక చేయలేదు. లంకకు వెళ్లే వన్డే టీమ్లో జడ్డూకు చోటు దొరకలేదు. దీంతో అతడి పనైపోయిందనే అభిప్రాయాలు వ్యక్తం అవుతున్నాయి.
టెస్టుల్లో సూపర్బ్గా ఆడుతూ టీమ్ విజయాల్లో కీలకంగా వ్యవహరిస్తున్న జడేజా.. లిమిటెడ్ ఓవర్స్ క్రికెట్లో పూర్తిగా తేలిపోతున్నాడు. ఇటీవల జరిగిన పొట్టి ప్రపంచ కప్లోనూ అతడు పెద్దగా పెర్ఫార్మ్ చేయలేదు. ముఖ్యంగా బౌలింగ్లో దారుణంగా విఫలమయ్యాడు. దీంతో అతడి కథ ముగిసిందని.. ఇక టెస్టులకే పరిమితం అవుతాడనే కామెంట్లు వినిపిస్తున్నాయి. దీనిపై భారత చీఫ్ సెలెక్టర్ అజిత్ అగార్కర్ క్లారిటీ ఇచ్చాడు. జడ్డూ భవిష్యత్తుపై అతడు తేల్చేశాడు. జడేజాను వన్డే సిరీస్లోకి సెలెక్ట్ చేయకపోవడానికి ఓ రీజన్ ఉందన్నాడు. ఆల్రెడీ అక్షర్ పటేల్ రూపంలో ఆల్రౌండర్ స్థానానికి ఆప్షన్ ఉండటంతో జడేజాను పక్కనబెట్టామన్నాడు.
జడేజాను సిరీస్కు ఎంపిక చేయలేనంత మాత్రం అతడ్ని పూర్తిగా పక్కనబెట్టినట్లు కాదన్నాడు అగార్కర్. అక్షర్ టీమ్లోకి వచ్చాడు కాబట్టి జడేజాను బెంచ్ మీద పెట్టామని.. అంతేగానీ అతడ్ని జట్టు నుంచి తీసేయలేదన్నాడు. వన్డేలతో పాటు టెస్టుల్లోనూ జడ్డూ ఎంతో ముఖ్యమైన ఆటగాడని.. అతడి సేవలు టీమిండియాకు అవసరమన్నాడు అగార్కర్. మున్ముందు సుదీర్ఘ టెస్ట్ సీజన్ ఉందని.. ఆ ఫార్మాట్లో జడ్డూ ఎంతో విలువైన ఆటగాడని స్పష్టం చేశాడు. ఇక, సీమ్ ఆల్రౌండర్ హార్దిక్ పాండ్యాకు టీ20 కెప్టెన్సీ దక్కకపోవడం గురించి కూడా అగార్కర్ క్లారిటీ ఇచ్చాడు. ఫిట్నెస్ ఇష్యూస్ కారణంగానే పాండ్యాకు ఆ పోస్ట్ దక్కలేదన్నాడు. అన్ని టీ20 మ్యాచులకు అందుబాటులో ఉండే సారథి కావాలనే ఉద్దేశంతోనే సూర్యకుమార్ను కెప్టెన్ చేశామన్నాడు. మరి.. జడ్డూ కెరీర్ మున్ముందు ఎలా ఉండబోతోందని మీరు భావిస్తున్నారో కామెంట్ల రూపంలో తెలియజేయండి.
Ajit Agarkar ” There was no point in picking both Axar Patel and Ravindra Jadeja,One would have been benched anyways.Jadeja is not dropped.A long Test season is coming for team India.” pic.twitter.com/5aCGGimRB4
— Sujeet Suman (@sujeetsuman1991) July 22, 2024
