పాకిస్థాన్ జట్టు మరో సవాల్కు సిద్ధమవుతోంది. టీ20 వరల్డ్ కప్లో చిత్తుగా ఓడి విమర్శలపాలైన ఆ టీమ్.. ఇప్పుడు లాంగ్ ఫార్మాట్ ఛాలెంజ్కు రెడీ అవుతోంది.
పాకిస్థాన్ జట్టు మరో సవాల్కు సిద్ధమవుతోంది. టీ20 వరల్డ్ కప్లో చిత్తుగా ఓడి విమర్శలపాలైన ఆ టీమ్.. ఇప్పుడు లాంగ్ ఫార్మాట్ ఛాలెంజ్కు రెడీ అవుతోంది.
పాకిస్థాన్ జట్టు మరో సవాల్కు సిద్ధమవుతోంది. టీ20 వరల్డ్ కప్లో చిత్తుగా ఓడి విమర్శలపాలైన ఆ టీమ్.. ఇప్పుడు లాంగ్ ఫార్మాట్ ఛాలెంజ్కు రెడీ అవుతోంది. బంగ్లాదేశ్తో తలపడనుంది దాయాది జట్టు. ఆగస్టు 21న జరిగే తొలి టెస్టుతో ఈ సిరీస్కు తెరలేవనుంది. ఈ సిరీస్ కోసం పాక్ ఆటగాళ్లు ముమ్మరంగా సాధన చేస్తున్నారు. ఏడాది గ్యాప్లో వన్డే వరల్డ్ కప్-2023, టీ20 ప్రపంచ కప్-2024లో చెత్తాటతో గ్రూప్ దశ నుంచే వైదొలగడంతో పాకిస్థాన్ జట్టు తీవ్ర నిరాశలో కూరుకుపోయింది. ఆటగాళ్ల మధ్య గొడవలు, గ్రూపులు కట్టడం, కోచింగ్, సెలెక్షన్ బృందాన్ని మార్చినా ఫలితం లేకపోవడంతో ఆ టీమ్పై అందరూ ఆశలు వదులుకున్నారు. ఈ తరుణంలో మంచి విజయంతో తిరిగి సత్తా చాటాలని పాక్ ప్లేయర్లు పట్టుదలతో ఉన్నారు.
బంగ్లాదేశ్ను చిత్తు చేసి తమ కమ్బ్యాక్ను ఘనంగా చాటాలని పాకిస్థాన్ భావిస్తోంది. అందుకే ఆ టీమ్ ప్లేయర్లు ప్రాక్టీస్లో మునిగిపోయారు. ఈ సిరీస్ను ప్రతిష్టాత్మకంగా తీసుకున్న పాక్ క్రికెట్ బోర్డు (పీసీబీ) ప్లేయర్ల నెట్ సెషన్ను ముందే స్టార్ట్ చేసింది. ఎలాంటి పొరపాట్లకు తావివ్వకుండా ప్లేయర్లు తమ బెస్ట్ ఇచ్చేలా ప్లాన్ చేస్తోంది. టీమ్కు సంబంధించిన మిగిలిన వ్యవహారాలు కూడా టైమ్కు జరిగేలా చూస్తోంది. ఇందులో భాగంగా తాజాగా పాక్ టెస్ట్ టీమ్ కెప్టెన్ షాన్ మసూద్తో ప్రెస్ మీట్ నిర్వహించింది. అయితే మసూద్కు ఓ ఇంట్రెస్టింగ్ క్వశ్చన్ ఎదురైంది. జట్టులో ఎవరైనా ఫిక్సర్లు ఉన్నారా? అనే ప్రశ్న అడగగా.. అలాంటి వాళ్లు ఎవరూ లేరని స్పష్టం చేశాడు. ఆటగాళ్లంతా నిబద్ధతతో ఆడుతున్నారని చెప్పాడు.
‘మా టీమ్లో ఫిక్సర్లు ఎవరూ లేరు. ప్లేయర్లు అంతా నిబద్ధతతో ఆడుతున్నారు. ఫిక్సింగ్ లాంటి వాటికి ఇక్కడ చోటు లేదు. కానీ మీరు ఇలాంటి ప్రశ్నలు అడగడం సరికాదు. ఒక ఫార్మాట్తో ఇంకో ఫార్మాట్ను మిక్స్ చేసి క్వశ్చన్స్ అడగొద్దు. మేం మా స్టైల్ క్రికెట్ ఆడతాం. హోమ్ సిరీస్ రూపంలో మంచి ఛాన్స్ మా ముందు ఉంది. టీమ్ను గెలిపించేందుకు శాయశక్తులా కృషి చేస్తాం’ అని మసూద్ చెప్పుకొచ్చాడు. ఇటీవల ముగిసిన పొట్టి ప్రపంచ కప్లో పాక్ విఫలమవడంతో టీమ్లో కొందరు ఫిక్సర్లు ఉన్నారని, మ్యాచ్ ఫిక్సింగ్ జరిగిందనే ఆరోపణలు వచ్చాయి. ఈ నేపథ్యంలోనే మసూద్కు అలాంటి ప్రశ్న ఎదురైంది. ఫిక్సర్లు లేరని క్లారిటీ ఇచ్చాడు. టెస్టుల వరకు ఏదైనా అడిగితే ఓకే.. కానీ ఇంకో ఫార్మాట్ను కలిపి ప్రశ్నలు అడగడం, అయిపోయిన టోర్నీ గురించి, ఆటగాళ్ల నిబద్ధతతను గురించి సవాల్ చేసేలా క్వశ్చన్స్ అడగడం ఏంటని సీరియస్ అయ్యాడు మసూద్.
