Nidhan
క్రికెటర్ల రిటైర్మెంట్ వార్తలు అభిమానులను నిరాశకు, బాధకు లోను చేస్తాయి. ఇన్నాళ్లూ తమ టాలెంట్తో ఉర్రూతలూగించిన ఆటగాళ్లు ఇక మీద గ్రౌండ్లో కనిపించరనే న్యూస్ వాళ్లను ఎంతో డిజప్పాయింట్ చేస్తుంది.
క్రికెటర్ల రిటైర్మెంట్ వార్తలు అభిమానులను నిరాశకు, బాధకు లోను చేస్తాయి. ఇన్నాళ్లూ తమ టాలెంట్తో ఉర్రూతలూగించిన ఆటగాళ్లు ఇక మీద గ్రౌండ్లో కనిపించరనే న్యూస్ వాళ్లను ఎంతో డిజప్పాయింట్ చేస్తుంది.
Nidhan
క్రికెటర్ల రిటైర్మెంట్ వార్తలు అభిమానులను నిరాశకు, బాధకు లోను చేస్తాయి. ఇన్నాళ్లూ తమ టాలెంట్తో ఉర్రూతలూగించిన ఆటగాళ్లు ఇక మీద గ్రౌండ్లో కనిపించరనే న్యూస్ వాళ్లను ఎంతో డిజప్పాయింట్ చేస్తుంది. తాజాగా ఓ క్రికెటర్ ఆటకు గుడ్బై చెప్పడం ఫ్యాన్స్ను నిరాశకు లోనుచేసింది. 17 ఏళ్ల పాటు తన బ్యాటింగ్తో అందర్నీ ఎంటర్టైన్ చేసిన ఓ సీనియర్ బ్యాటర్ క్రికెట్కు గుడ్బై చెప్పేశాడు. ఈ ప్లేయర్ మరెవరో కాదు.. న్యూజిలాండ్కు చెందిన జార్జ్ వర్కర్. కివీస్ డొమెస్టిక్ క్రికెట్లో విశేషంగా రాణించిన ఈ వెటరన్ బ్యాట్స్మన్.. సెంట్రల్ డిస్ట్రిక్ట్, ఆక్లాండ్, కాంటర్బరీ టీమ్స్ తరఫున రాణించి మంచి పాపులారిటీ తెచ్చుకున్నాడు.
34 ఏళ్ల జార్జ్ వర్కర్ న్యూజిలాండ్ తరఫున 10 వన్డేలు, రెండు టీ20లు ఆడాడు. వచ్చిన అవకాశాలను మరింతగా సద్వినియోగం చేసుకొని ఉంటే ఇంటర్నేషనల్ క్రికెట్లోనూ నోటబుల్ ప్లేయర్ అయ్యేవాడు. కానీ అంతగా రాణించకపోవడంతో ఛాన్సులకు గండి పడింది. ఒక పెట్టుబడి సంస్థలో జాబ్ రావడంతో ప్రొఫెషనల్ క్రికెట్ నుంచి వర్కర్ తప్పుకున్నాడు. 2015, ఆగస్టు 23న సౌతాఫ్రికాతో జరిగిన వన్డే సిరీస్ ద్వారా అంతర్జాతీయ క్రికెట్లోకి డెబ్యూ చేశాడు వర్కర్. 2018, నవంబర్ 11న దుబాయ్ వేదికగా పాకిస్థాన్తో జరిగిన వన్డే మ్యాచ్లో ఆఖరిసారి కనిపించాడు. ఆ తర్వాత డొమెస్టిక్ క్రికెట్కే పరిమితం అయ్యాడు.
దశాబ్దంన్నర కాలం పాటు సుదీర్ఘ క్రికెట్ ఆడాక కెరీర్కు స్వస్థి పలకడం బాధగా అనిపిస్తోందని వర్కర్ అన్నాడు. అయితే ఈ డెసిషన్ తన లైఫ్లో ఒక అద్భుతమైన ప్రయాణానికి ముగింపు అని చెప్పాడు. జీవితంలో మరో కొత్త మార్గానికి ఇది దారి చూపిస్తోందని తెలిపాడు. ఇన్నేళ్ల కెరీర్లో ఎంతో మంది గొప్ప ఫ్రెండ్స్ను కలిశానని.. డ్రెస్సింగ్ రూమ్లో వాళ్లతో జ్ఞాపకాలను ఎన్నటికీ మర్చిపోలేనని పేర్కొన్నాడు వర్కర్. కెరీర్లో తనకు మద్దతుగా నిలిచిన ప్రతి ఒక్కరికీ అతడు థ్యాంక్స్ చెప్పాడు. ఇక, 126 ఫస్ట్క్లాస్ మ్యాచులు ఆడిన వర్కర్ 6,400 పరుగులు చేశాడు. 169 లిస్ట్-ఏ మ్యాచుల్లో 6,721 పరుగులు చేశాడు. 154 టీ20ల్లో 3,480 రన్స్ చేశాడు. ఫస్ట్క్లాస్ క్రికెట్లో 58, లిస్ట్-ఏలో 60, టీ20ల్లో 42 వికెట్లు పడగొట్టాడు వర్కర్. అండర్-19 వరల్డ్ కప్లోనూ కివీస్కు అతడు ప్రాతినిధ్యం వహించడం విశేషం.
