Nidhan
ఐపీఎల్ ఫ్రాంచైజీలతో ఇటీవల భారత క్రికెట్ బోర్డు సమావేశమైన సంగతి తెలిసిందే. మెగా ఆక్షన్కు ముందు పలు కీలక అంశాలపై జట్ల యజమానులతో బోర్డు పెద్దలు డిస్కస్ చేశారు.
ఐపీఎల్ ఫ్రాంచైజీలతో ఇటీవల భారత క్రికెట్ బోర్డు సమావేశమైన సంగతి తెలిసిందే. మెగా ఆక్షన్కు ముందు పలు కీలక అంశాలపై జట్ల యజమానులతో బోర్డు పెద్దలు డిస్కస్ చేశారు.
Nidhan
ఐపీఎల్ ఫ్రాంచైజీలతో ఇటీవల భారత క్రికెట్ బోర్డు సమావేశమైన సంగతి తెలిసిందే. ఈ ఏడాది ఆఖర్లో జరిగే మెగా ఆక్షన్కు సంబంధించిన పలు కీలక అంశాలపై జట్ల యజమానులతో బోర్డు పెద్దలు డిస్కస్ చేశారు. రైట్ టు మ్యాచ్, రిటెన్షన్ ప్రాసెస్తో పాటు రిటెయిన్ చేసుకునే ఆటగాళ్ల పరిమితి వంటి అంశాలపై ఈ మీటింగ్లో బీసీసీఐ డిస్కస్ చేసినట్లు తెలిసింది. ఈ మీటింగ్కు సంబంధించి పలు అంశాలు బాగా వైరల్ అయ్యాయి. ఇదిలా ఉంటే.. ఈ సమావేశం తర్వాత పలు ఫ్రాంచైజీలు తమ కెప్టెన్లను వదులుకునేందుకు సిద్ధమవడం ఇప్పుడు చర్చనీయాంశంగా మారింది. ముఖ్యంగా 3 జట్లు తమ కెప్టెన్లకు గుడ్బై చెప్పనున్నట్లు వార్తలు వస్తున్నాయి.
రీసెంట్గా జరిగిన మీటింగ్లో ఎక్కువ మటుకు ఫ్రాంచైజీలు కనీసం ఆరుగురు ఆటగాళ్లను రీటెయిన్ చేసుకునేందుకు అనుమతించాలని కోరగా.. అందుకు బోర్డు ఓకే చెప్పందని సమాచారం. ఈ నేపథ్యంలో రాయల్ ఛాలెంజర్స్ బెంగళూరు, పంజాబ్ కింగ్స్, ఢిల్లీ క్యాపిటల్స్ జట్లు తమ కెప్టెన్లను విడిచిపెట్టి.. వాళ్ల స్థానంలో కొత్తవారిని నియమించుకునే ఆలోచనలో ఉన్నట్లు క్రికెట్ వర్గాల్లో వినిపిస్తోంది. మెగా ఆక్షన్కు ముందు తమ కెప్టెన్ ఫాఫ్ డుప్లెసిస్ను రిలీజ్ చేయాలని అనుకుంటోందట ఆర్సీబీ. 36 ఏళ్ల డుప్లెసిస్ ఈ ఏడాది ఐపీఎల్లో 438 పరుగులు చేయడంతో పాటు టీమ్ను ప్లేఆఫ్స్కు చేర్చాడు. కానీ ఫ్యూచర్ అవసరాలను దృష్టిలో పెట్టుకొని అతడ్ని వదులుకొని ఎవరైనా టీమిండియా యంగ్ ప్లేయర్ను సారథిగా నియమించాలని బెంగళూరు ఓనర్స్ భావిస్తున్నారట.
ఐపీఎల్లో ఒక్కసారి కూడా ట్రోఫీ నెగ్గని చెత్త రికార్డు ఉన్న పంజాబ్ కూడా కెప్టెన్సీ మార్పు అంశంపై సీరియస్గా ఆలోచిస్తోందని తెలుస్తోంది. ప్రస్తుత సారథి శిఖర్ ధావన్ పూర్ ఫామ్తో బాధపడుతున్నాడు. ఈ సీజన్ ఆరంభంలోనే గాయపడి టీమ్కు దూరమయ్యాడు. అతడి స్థానంలో కెప్టెన్సీ చేసిన సామ్ కర్రన్ జట్టును ప్లేఆఫ్స్ చేర్చడంలో ఫెయిల్ అయ్యాడు. ఈ నేపథ్యంలో సరైన నాయకుడి కోసం పంజాబ్ వెతుకులాట మొదలైందని.. అలాంటి ఆటగాడు దొరికితే ఎన్ని కోట్లు పోసైనా దక్కించుకోవాలని పట్టుదలతో ఉందని సమాచారం. సరైన కెప్టెన్ లేకే టీమ్ ఇలా తయారైందని.. అందుకే ఈసారి సారథ్య మార్పే ప్రధాన అంశంగా ముందుకెళ్తున్నారని తెలుస్తోంది.
ఐపీఎల్-2024లో లక్నో సూపర్ జియాంట్స్ కెప్టెన్ కేఎల్ రాహుల్ మీద ఆ టీమ్ ఓనర్ సంజీవ్ గోయెంకా సీరియస్ అయిన విషయం వైరల్గా మారింది. ఓటమి చెందినంత మాత్రాన అందరి ముందు రాహుల్ను తిట్టడం ఏంటని అప్పట్లో లక్నో యాజమాన్యంపై అభిమానులు ఫైర్ అయ్యారు. ఈ ఘటనతో రాహుల్ హర్ట్ అయ్యాడని.. జట్టును అతడు వీడటం ఖాయమని పుకార్లు వస్తున్నాయి. అటు లక్నో ఓనర్స్ కూడా రాహుల్ను రిలీజ్ చేసి.. ఎవరైనా మంచి యంగ్స్టర్ను సారథిగా ఎంపిక చేయాలని భావిస్తున్నారని వినిపిస్తోంది. అదే నిజమైతే కెప్టెన్ను మార్చుతున్న మూడో ఫ్రాంచైజీగా లక్నో నిలుస్తుంది. ఢిల్లీ క్యాపిటల్స్ కూడా రిషబ్ పంత్ ప్లేస్లో ఇంకో కెప్టెన్ను నియమించే ఛాన్స్ ఉందని.. అతడు సీఎస్కేకు వెళ్లడం ఖాయమంటూ ఆ మధ్య రూమర్స్ వచ్చాయి. అయితే ఇప్పుడు దీనిపై ఎలాంటి చప్పుడు లేదు. ఒకవేళ ఆ టీమ్ కూడా అదే తోవలో వెళ్తే ఏకంగా లీగ్లో నలుగురు కొత్త కెప్టెన్స్ వస్తారు.
