Pat Cummins: కావ్య పాప మాస్టర్ ప్లాన్.. IPL చరిత్రలోనే అత్యధిక ధరకు ప్యాట్ కమిన్స్!

ఇండియన్ ప్రీమియర్ లీగ్-2024 ఆక్షన్ ఇంట్రెస్టింగ్​గా సాగుతోంది. ముందు నుంచీ అనుకున్నట్లే కొందరు ప్లేయర్లు మంచి ధరకే అమ్ముడుపోగా.. మరికొందరు ఎవరూ ఊహించని విధంగా జాక్​పాట్ కొట్టారు. ఈసారి వేలంలో ఎవరూ ఎక్స్​పెక్ట్ చేయని రీతిలో ఓ సంచలనం నమోదైంది. ఒక స్టార్ ప్లేయర్ అత్యధిక ధరకు అమ్ముడుపోయాడు. అతడే ఆస్ట్రేలియా కెప్టెన్, స్టార్ పేసర్ ప్యాట్ కమిన్స్. ఈ స్పీడ్​స్టర్​ కోసం అన్ని ఫ్రాంచైజీలు తీవ్రంగా పోటీపడ్డాయి. ఒక్కో జట్టు ధర పెంచుకుంటూ పోవడంతో ఈసారి రికార్డు బ్రేక్ అవుతుందని అంతా అనుకున్నారు. అయితే అంత పోటీలోనూ చివరికి సన్​రైజర్స్ హైదరాబాద్ కమిన్స్​ను సొంతం చేసుకుంది. ఏకంగా రూ.20.50 కోట్ల భారీ ధరకు ఆసీస్ పేసర్​ను దక్కించుకుంది ఎస్​ఆర్​హెచ్​.

16 ఏళ్ల ఐపీఎల్ ఆక్షన్ హిస్టరీలో అత్యంత ఎక్కువ ధరకు అమ్ముడుపోయిన ప్లేయర్​గా కమిన్స్ రికార్డు క్రియేట్ చేశాడు. అయితే ఈ పేసర్​ను తీసుకోవడంలో సన్​రైజర్స్ హైదరాబాద్ ఓనర్ కావ్యా మారన్ పక్కా ప్లాన్​తో వ్యవహరించారు. టీమ్​లో నిఖార్సయిన ఓపెనర్​తో పాటు సాలిడ్ పేస్ బౌలర్ అవసరం ఉంది. దీంతో ఆక్షన్ స్టార్టింగ్ నుంచి ఎస్​ఆర్​హెచ్ వ్యూహాత్మకంగా, దూకుడుగా వ్యవహరించింది. ఇటీవల కాలంలో ఆడిన ప్రతి ఫార్మాట్​లోనూ భారీ స్కోర్లతో దుమ్మురేపుతున్న ఆసీస్ స్టార్ బ్యాటర్ ట్రావిస్ హెడ్​ను సొంతం చేసుకుంది. అతడి కోసం రూ.6.80 కోట్లు ఖర్చు పెట్టింది ఎస్​ఆర్​హెచ్. హెడ్ రాకతో టీమ్​ ఓపెనింగ్ కష్టాలు తీరనున్నాయి. అతడ్ని కొనుకున్నాక హైదరాబాద్ దగ్గర ఇంకా రూ.27 కోట్లు ఉండటంతో కమిన్స్ మీద ఫోకస్ చేసింది. ఇక్కడే కావ్య పాప మాస్టర్ ప్లాన్​ వర్కౌట్ అయింది. అతడు భారీ ధరకు అమ్ముడుపోతాడని అందరికీ తెలుసు.

కమిన్స్ కోసం ఎస్​ఆర్​హెచ్​ ఇంత ఖర్చు పెడుతుందని ఎవరూ ఎక్స్​పెక్ట్ చేయలేదు. అతడి కోసం రాయల్ ఛాలెంజర్స్ బెంగళూరు రూ.20.25 కోట్ల వరకు బిడ్డింగ్ చేసింది. కానీ​ చివరికి ఎస్​ఆర్​హెచ్ అతడ్ని దక్కించుకుంది. ఇక, ఈ ఏడాది కమిన్స్​కు గోల్డెన్ ఇయర్ అనే చెప్పాలి. ఎందుకుంటే ఈ సంవత్సరం అతడు మూడు అఛీవ్​మెంట్స్ సాధించాడు. తొలుత ఆసీస్​కు వరల్డ్ టెస్ట్ ఛాంపియన్​షిప్ టైటిల్ అందించిన కమిన్స్.. ఇటీవల వన్డే వరల్డ్ కప్ కూడా సాధించి పెట్టాడు. ఇప్పుడు ఐపీఎల్​లో మోస్ట్ ఎక్స్​పెన్సివ్​ ప్లేయర్​గానూ నిలిచి మరో అరుదైన ఘనతను అందుకున్నాడు. ఏ రకంగా చూసుకున్నా ఈ ఏడాది అతడికి డ్రీమ్ ఇయర్ అనే చెప్పాలి. మరి.. కమిన్స్​ కోసం ఎస్​ఆర్​హెచ్​ ఏకంగా రూ.20 కోట్లు ఖర్చు చేయడంపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: Sachin Tendulkar: గోల్డెన్ డక్ నుంచి గోల్డెన్ బ్యాటర్​ వరకు.. సచిన్ జర్నీ మొదలైంది ఈ రోజే..!

Pat Cummins sold to SRH at 20.50cr. pic.twitter.com/OtUgjlKmQx

— Mufaddal Vohra (@mufaddal_vohra) December 19, 2023

– Pat Cummins
– Travis Head
– Aiden Markram
– Heinrich Klaasen
– Glenn Phillips
– Marco Jansen
– Wanindu Hasaranga
– Fazalhaq Farooqi

Overseas players of SRH in IPL 2024…!!!! pic.twitter.com/rJE6ibv2cw

— Johns. (@CricCrazyJohns) December 19, 2023