Riyan Parag: పరాగ్​కు వికెట్.. కోహ్లీ ఫుల్ సెలబ్రేషన్స్! తాను ఔట్ చేసినా ఇంత సంతోషపడడేమో!

సిరీస్ డిసైడర్​గా మారిన మూడో వన్డేలో టీమిండియా అద్భుతంగా ఆడుతోంది. లంక జోరుకు ఎక్కడికక్కడ బ్రేకులు వేస్తూ మ్యాచ్​పై పట్టు బిగిస్తోంది. ఈ మ్యాచ్​లో టాస్ నెగ్గిన ఆతిథ్య జట్టు తొలుత బ్యాటింగ్​కు దిగింది. ఓపెనర్లు పతుమ్ నిస్సంక (65 బంతుల్లో 45), ఆవిష్క ఫెర్నాండో (102 బంతుల్లో 96) సూపర్బ్‌ స్టార్ట్ అందించారు. ఇద్దరూ కలసి మొదటి వికెట్​కు 89 పరుగులు జోడించారు. ఆ తర్వాత నిస్సంక ఔట్ అయినా కీపర్ కుశాల్ మెండిస్ (82 బంతుల్లో 59)తో కలసి ఫెర్నాండో మంచి భాగస్వామ్యం నెలకొల్పాడు. అయితే వీళ్లిద్దరూ తక్కువ వ్యవధిలో ఔట్ అవడం, మిగిలిన బ్యాటర్లు చేతులెత్తేయడంతో లంక 248 పరుగులే చేయగలిగింది.

ఒకదశలో 171/1తో పటిష్టంగా ఉన్న శ్రీలంక ఈజీగా 300 చేస్తుందని అనిపించింది. కానీ ఆ టీమ్​ను మన బౌలర్లు అడ్డుకున్నారు. ముఖ్యంగా అరంగేట్ర ఆటగాడు రియాన్ పరాగ్ (3/54) ఆతిథ్య జట్టు బ్యాటర్లకు చుక్కలు చూపించాడు. సెంచరీ దిశగా దూసుకెళ్తున్న అవిష్కతో పాటు లంక కెప్టెన్ అసలంక (10)ను అతడే ఔట్ చేశాడు. గత రెండు వన్డేల్లో కీలక ఇన్నింగ్స్​లు ఆడిన దునిత్ వెల్లలాగే (2)ను కూడా పరాగ్ పెవిలియన్​కు పంపాడు. ఆడిన తొలి వన్డేలోనే 3 వికెట్లతో సత్తా చాటాడతను. పరాగ్​కు క్యాప్ ఇచ్చి టీమ్​లోకి ఆహ్వానించిన విరాట్ కోహ్లీ అతడు వికెట్లు తీస్తుంటే ఆనందం పట్టలేకపోయాడు. తనదైన స్టైల్​లో గాల్లో ఎగురుతూ, పంచ్​లు విసురుతూ సెలబ్రేట్ చేసుకున్నాడు. ఆ టైమ్​లో అతడ్ని చూస్తే తాను వికెట్ తీసినా ఇంతగా సంతోషపడడేమోనని అనిపించిందని ఫ్యాన్స్ అంటున్నారు.

• ఇదీ చదవండి: ICC ర్యాంకింగ్స్​లో టీమిండియా హవా.. టాప్-4లో ముగ్గురు మనోళ్లే!

Like Master, like Apprentice!

– Virat Kohli and Riyan Parag. 👌 pic.twitter.com/5Cawl931WP

— Mufaddal Vohra (@mufaddal_vohra) August 7, 2024