Gautam Gambhir: కోచ్​గా ఫస్ట్ మ్యాచ్​లో సూపర్ సక్సెస్.. అయినా గంభీర్​పై తప్పని ట్రోల్స్!

టీమిండియా నయా హెడ్ కోచ్ గౌతం గంభీర్ అనుకున్నది సాధించాడు. కోచ్​గా ఫస్ట్ అసైన్​మెంట్​లో గ్రాండ్ సక్సెస్ అయ్యాడు. లంకతో జరిగిన తొలి టీ20లో భారత్ 43 పరుగుల తేడాతో బంపర్ విక్టరీ కొట్టింది. పల్లెకెలె స్టేడియంలో జరిగిన ఈ మ్యాచ్​లో తొలుత బ్యాటింగ్ చేసిన మెన్ ఇన్ బ్లూ ఓవర్లన్నీ ఆడి 7 వికెట్లకు 213 పరుగులు చేసింది. కొత్త కెప్టెన్ సూర్యకుమార్ యాదవ్ (26 బంతుల్లో 58) విధ్వంసక బ్యాటింగ్​తో చెలరేగాడు. రిషబ్ పంత్ (33 బంతుల్లో 49), యశస్వి జైస్వాల్ (21 బంతుల్లో 40) కూడా రాణించడంతో టీమ్ భారీ స్కోరు చేసింది. ఆ తర్వాత ఛేజింగ్ మొదలుపెట్టిన ఆతిథ్య జట్టు 19.2 ఓవర్లలో 170 పరుగులకు ఆలౌట్ అయింది.

పతుమ్ నిస్సంక (48 బంతుల్లో 79), కుశాల్ మెండిస్ (27 బంతుల్లో 45) పోరాడినా లంకను గెలుపు తీరాలకు చేర్చలేకపోయారు. టీమిండియా బౌలర్లలో అర్ష్​దీప్ సింగ్, అక్షర్ పటేల్ చెరో 2 వికెట్లతో సత్తా చాటారు. రియాన్ పరాగ్ 3 వికెట్లతో లంకను కూల్చడంలో కీలకపాత్ర పోషించాడు. కెప్టెన్సీ ఇన్నింగ్స్​తో భారత్ భారీ స్కోరు సాధించడంలో కీలక పాత్ర పోషించిన సూర్యకుమార్​కు ప్లేయర్ ఆఫ్​ ది మ్యాచ్ అవార్డు దక్కింది. అయితే ఈ మ్యాచ్​లో భారత్ ఘనవిజయం సాధించినా కొత్త కోచ్ గంభీర్​పై మాత్రం తీవ్ర విమర్శలు వస్తున్నాయి. దీనికి కారణం వికెట్ కీపర్, బ్యాటర్ సంజూ శాంసన్​ను టీమ్​లోకి తీసుకోకపోవడమే. గౌతీ మాట తప్పాడంటూ సోషల్ మీడియాలో నెటిజన్స్ ట్రోల్ చేస్తున్నారు.

9 ఏళ్ల కింద టీమిండియాలోకి ఎంట్రీ ఇచ్చిన సంజూ ఇప్పటిదాకా 28 టీ20లే ఆడాడు. చాలా సిరీస్​ల్లో స్క్వాడ్​లో ఉన్నా అతడ్ని ప్లేయింగ్ ఎలెవన్​లోకి తీసుకోలేదు. ఆ టైమ్​లో సంజూకు మద్దతుగా గంభీర్ పలు వ్యాఖ్యలు చేశాడు. ఇంత టాలెంట్ ఉన్న ప్లేయర్​ను బెంచ్ మీద కూర్చోబెట్టడం ఏంటని ప్రశ్నించాడు. ఇండియాలోనే బెస్ట్ వికెట్ కీపర్, బెస్ట్ బ్యాటర్ అని మెచ్చుకున్నాడు. కామెంట్రీ చేసినప్పుడు కూడా సంజూను ఎందుకు ఆడించట్లేదంటూ టీమ్ మేనేజ్​మెంట్​పై విమర్శలు చేశాడు. తీరా తాను కోచ్ అయ్యాక మాత్రం శాంసన్​ను టీమ్​లోకి తీసుకోలేదు. నిన్న లంకతో మ్యాచ్​లో సంజూను ప్లేయింగ్ ఎలెవన్​లోకి తీసుకోలేదు. దీంతో అతడు మాట తప్పాడంటూ సోషల్ మీడియాలో నెటిజన్స్ ట్రోల్ చేస్తున్నారు. కోచ్ అయ్యాక మారిపోయాడంటూ విమర్శలు చేస్తున్నారు. ఎవరొచ్చినా సంజూ రాత మారట్లేదని వాపోతున్నారు. మరి.. సంజూను ఆడించకపోవడంపై మీరేం అనుకుంటున్నారో కామెంట్ చేయండి.

• ఇదీ చదవండి: టీ20 వరల్డ్ కప్​తో అయిపోలేదు.. మా అసలు టార్గెట్ అదే: సూర్యకుమార్

 

View this post on Instagram

 

A post shared by Epic Cricket Comments (@epic.cricket_comments)