Nidhan
ఒక్క మ్యాచ్తో టీమిండియా కొత్త కోచ్ గౌతం గంభీర్ డైలమాలో పడ్డాడు. శ్రీలంక ఇచ్చిన షాక్ నుంచి అతడు కోలుకోవడానికి టైమ్ పట్టేలా ఉంది. అయితే ఈ నయా టెన్షన్ నుంచి అతడు త్వరగా బయటపడాలి.
ఒక్క మ్యాచ్తో టీమిండియా కొత్త కోచ్ గౌతం గంభీర్ డైలమాలో పడ్డాడు. శ్రీలంక ఇచ్చిన షాక్ నుంచి అతడు కోలుకోవడానికి టైమ్ పట్టేలా ఉంది. అయితే ఈ నయా టెన్షన్ నుంచి అతడు త్వరగా బయటపడాలి.
Nidhan
శ్రీలంకతో జరిగిన టీ20 సిరీస్తో భారత కోచ్గా తన ప్రయాణాన్ని మొదలుపెట్టాడు లెజెండ్ గౌతం గంభీర్. ఆ సిరీస్లో ఆతిథ్య జట్టు నుంచి తీవ్ర పోటీ ఎదురైనా టీమిండియా దాన్ని తట్టుకొని వరుస విజయాలు సాధించింది. మూడు టీ20ల సిరీస్ను క్లీన్స్వీప్ చేసింది. దీంతో వన్డే సిరీస్లో కూడా లంకను వైట్వాష్ చేయడం పక్కా అని అంతా అనుకున్నారు. రోహిత్ శర్మ, విరాట్ కోహ్లీ, శ్రేయస్ అయ్యర్, కేఎల్ రాహుల్ లాంటి వన్డే స్పెషలిస్ట్లు, టాప్ ప్లేయర్లు టీమ్లో ఉండటంతో ఆతిథ్య జట్టును చిత్తు చేయడం పెద్ద మ్యాటర్ కాదని భావించారు. కానీ కుర్రాళ్లతో నిండిన లంక పట్టుదలతో ఆడి తొలి మ్యాచ్లోనే భారత్కు షాక్ ఇచ్చింది. ఓటమి కోరల్లో నుంచి బయటపడి మ్యాచ్ను టై చేసింది.
లంక ఈ రేంజ్లో పోరాడుతుందని, పట్టు వదలకుండా ఆడుతుందని ఎవరూ ఊహించలేదు. స్టార్ ప్లేయర్లతో నిండిన టీమిండియాను భయపెడుతుందని అస్సలు ఎక్స్పెక్ట్ చేయలేదు. ఈ మ్యాచ్ రిజల్ట్తో కొత్త కోచ్ గౌతం గంభీర్లో నయా టెన్షన్ మొదలైంది. చేతుల్లో ఉన్న మ్యాచ్ జారిపోవడంతో అతడు సీరియస్గా ఉన్నాడు. లంక లాంటి టీమ్పై టై అంటే అది నైతికంగా ఓటమితోనే సమానమని గౌతీకి తెలుసు. అందుకే భారత ప్రదర్శనపై, బ్యాటర్ల ఫెయిల్యూర్ మీద అతడు గుర్రుగా ఉన్నాడు. అదే సమయంలో అతడ్ని ఓ టెన్షన్ పట్టుకుంది. టీ20 సిరీస్లో చేసిన ప్రయోగం ఇక్కడ బెడిసికొట్టడంతో కొత్త కోచ్ తల పట్టుకుంటున్నాడు.
కోచ్ గంభీర్ సలహాతో నిన్న మ్యాచ్లో శ్రీలంక ఇన్నింగ్స్ టైమ్లో వైస్ కెప్టెన్ శుబ్మన్ గిల్కు ఓ ఓవర్ బౌలింగ్ చేయమని ఇచ్చాడు రోహిత్. అయితే ఆ ఓవర్లో ఏకంగా 14 పరుగులు ఇచ్చుకున్నాడు గిల్. టీ20 సిరీస్లో బ్యాటర్లు రియాన్ పరాగ్, సూర్యకుమార్ యాదవ్, రింకూ సింగ్ బౌలింగ్లో కూడా సక్సెస్ అయ్యారు. ఆ ప్రయోగంలో భాగంగానే గిల్తో బౌలింగ్ వేయిస్తే అతడు ఫ్లాప్ అయ్యాడు. దీంతో మళ్లీ అతడ్ని బౌలింగ్కు దింపలేదు. అంతా రెగ్యులర్ బౌలర్లనే వాడాడు హిట్మ్యాన్. ఈ దెబ్బతో శివమ్ దూబేతోనూ ఎక్కువగా బౌలింగ్ చేయించలేదు. అయితే ఆరో బౌలర్ లేని లోటును భర్తీ చేయాలంటే బ్యాటింగ్ ఆల్రౌండర్స్తో పాటు చేయి తిప్పి మూడ్నాలుగు ఓవర్లు వేసే బ్యాటర్లను వినియోగించుకోవాలి. లంక షాక్ ఇచ్చిందని గౌతీ ఈ ప్రయోగాన్ని ఆపేస్తే.. ఛాంపియన్స్ ట్రోఫీ లాంటి ఐసీసీ టోర్నమెంట్స్లో మనకు ముప్పు తప్పదని ఎక్స్పర్ట్స్ హెచ్చరిస్తున్నారు. ఈ సవాల్ను దాటితే సక్సెస్ మనదేనని భరోసా ఇస్తున్నారు.
