Virat Kohli: వీడియో: చిన్నారి అభిమాని కోరిక తీర్చిన కోహ్లీ.. మనసులు గెలిచావ్ బాస్!

విరాట్ కోహ్లీ.. క్రికెట్ గురించి తెలిసిన వారికి పరిచయం అక్కర్లేని పేరిది. ఈ ఆట గురించి తెలియని వారికి కూడా అతడు సుపరిచితుడే. జెంటిల్మన్ గేమ్ ద్వారా పాపులారిటీ సాధించిన ఈ టాప్ బ్యాటర్.. అదే ఆటకు తన బ్యాటింగ్​తో ఎంతో వన్నె తెచ్చాడు. వరల్డ్ క్రికెట్​కు బ్రాండ్​ అంబాసిడర్​గా మారాడు. ఫుట్​బాల్ స్టార్స్ తర్వాత స్పోర్ట్స్​లో అత్యంత పాపులర్ ప్లేయర్​గా పేరు సంపాదించాడు విరాట్. అతడి బ్యాటింగ్, అగ్రెషన్​కు కోట్లాది మంది అభిమానులు ఉన్నారు. భారత్​లోనే కాదు విదేశాల్లోనూ ఈ టీమిండియా స్టార్​ అంటే పడిచచ్చే ఫ్యాన్స్​ చాలా మందే ఉన్నారు. అందులో వయసుతో సంబంధం లేకుండా యంగ్​స్టర్స్​తో పాటు చిన్నారులు కూడా ఉన్నారు. కోహ్లీ కోసమే మ్యాచ్​ చూసే లిటిల్ ఫ్యాన్స్ ఎందరో ఉన్నారు. అలాంటి ఓ చిన్నారి అభిమాని కోరికను తీర్చాడు విరాట్.

సఫారీ టూర్​లో ఉన్న భారత క్రికెట్ జట్టు ఇప్పటికే టీ20, వన్డే సిరీస్​లు ఆడేసింది. సౌతాఫ్రికాతో ఇప్పుడు టెస్ట్ సిరీస్​ జరుగుతోంది. సెంచూరియన్​ వేదికగా టీమిండియా, ప్రొటీస్ మధ్య జరుగుతున్న ఫస్ట్ టెస్ట్​ మ్యాచ్​లో ఒక ఫొటో అందరి దృష్టిని ఆకర్షించింది. మ్యాచ్ జరుగుతున్న టైమ్​లో ఒక చిన్నారి అభిమాని కోహ్లీని ఆటోగ్రాఫ్ ఇవ్వాలని రిక్వెస్ట్ చేశాడు. దీనికి ఎస్ చెప్పిన విరాట్.. తన చిన్నారి ఫ్యాన్​కు ఆటోగ్రాఫ్ ఇవ్వడమే గాకుండా అతడితో కలసి ఫొటో కూడా దిగాడు. దీనికి సంబంధించిన వీడియో నెట్టింట వైరల్ అవుతోంది. కోహ్లీని ఆటోగ్రాఫ్ అడిగిన ఆ బుడతడు సౌతాఫ్రికాకు చెందినవాడు. కానీ ఐపీఎల్​లో పాపులర్ ఫ్రాంచైజీ అయిన రాయల్ ఛాలెంజర్స్ బెంగళూరు టీమ్​ అంటే అతడికి చాలా ఇష్టం. అందుకే ఆర్సీబీ జెర్సీ మీదే అతడు విరాట్ ఆటోగ్రాఫ్ తీసుకున్నాడు.

చిన్నారి అభిమాని కోరికను కోహ్లీ తీర్చడంపై సోషల్ మీడియాలో నెటిజన్స్ స్పందిస్తున్నారు. ఫ్యాన్స్​ను విరాట్ ఇష్టపడతాడని.. అందుకే అతడంటే అందరికీ అంత అభిమానమని కామెంట్స్ చేస్తున్నారు. కింగ్ మరోమారు తమ మనసులు గెలుచుకున్నాడని పొగుడుతున్నారు. ఇక, వరల్డ్ కప్-2023 తర్వాత మళ్లీ గ్రౌండ్​లోకి దిగాడు కోహ్లీ. రెస్ట్ తీసుకోవాలనే ఉద్దేశంతో ప్రొటీస్​తో జరిగిన వైట్​బాల్ సిరీస్​కు దూరంగా ఉన్న ఈ స్టార్ బ్యాటర్.. సెంచూరియన్ టెస్ట్​తో తిరిగి మైదానంలోకి అడుగుపెట్టాడు. ఈ మ్యాచ్​లో ఫస్ట్ ఇన్నింగ్స్​లో 38 పరుగులు చేసి పెవిలియన్​కు చేరుకున్నాడు విరాట్. తొలి టెస్టులో ఆతిథ్య జట్టు డామినేషన్ నడుస్తోంది. మొదటి ఇన్నింగ్స్​లో భారత్ 245 పరుగులకు ఆలౌట్ అయింది. ప్రస్తుతం సౌతాఫ్రికా 78.3 ఓవర్లకు 5 వికెట్ల నష్టానికి 295 పరుగులతో ఉంది. ఆ టీమ్ 51 రన్స్ లీడ్​తో ఉంది. మిగిలిన ఐదుగురు బ్యాటర్లను భారత్ త్వరగా పెవిలియన్​కు పంపాలి లేకపోతే ఇబ్బందులు తప్పవు. మరి.. చిన్నారి అభిమాని కోరికను కోహ్లీ తీర్చడంపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: IND vs SA: వీడియో: రివ్యూలో ధోనిని మరిపించిన కోహ్లీ.. దెబ్బకు రోహిత్ షాక్!

ಕಣ ಕಣದಲ್ಲೂ ಕೆಂಪು 😍@imVkohli #SAvIND #Bangalore #KingKohli pic.twitter.com/oSMbjvGr6E

— Star Sports Kannada (@StarSportsKan) December 27, 2023