సౌతాఫ్రికాతో టెస్ట్‌ సిరీస్‌.. టీమిండియాకు బిగ్‌ షాక్‌!

వన్డే వరల్డ్ కప్-2023 తర్వాత ఆస్ట్రేలియాతో జరిగిన 5 టీ20ల సిరీస్​ను 4-1 తేడాతో భారత్ గెలుచుకున్న సంగతి తెలిసిందే. ఫైనల్లో ఓటమి బాధతో ఉన్న అభిమానులను వరుస విజయాలతో యంగ్ ఇండియా ఊరటను కలిగించింది. ఇదే జోరులో సఫారీ గడ్డ మీదకు అడుగుపెట్టిన టీమిండియా.. ఈ టూర్​లోనూ డామినేషన్ కంటిన్యూ చేయాలని అనుకుంది. అయితే ఈ పర్యటనలో భాగంగా మొదట టీ20 సిరీస్ జరగాల్సి ఉంది. కానీ వర్షం వల్ల ఫస్ట్ టీ20 రద్దవడంతో ఫ్యాన్స్ నిరాశకు లోనయ్యారు. రెండో మ్యాచ్​కూ వరుణుడు అడ్డం తగలడంతో ఈ మ్యాచ్ కూడా జరగదని అంతా అనుకున్నారు. కానీ వాన నిలిచిపోవడంతో డక్​వర్త్ లూయిస్ పద్ధతిలో మ్యాచ్​ను కంటిన్యూ చేశారు. అయితే టీమిండియా కంటే బాగా ఆడిన ప్రొటీస్ టీమ్ 5 వికెట్ల తేడాతో విజయం సాధించింది.

సఫారీ టూర్​ను విక్టరీతో స్టార్ట్ చేద్దామని అనుకుంటే ఆడిన మొదటి మ్యాచ్​లోనే ఓటమి తప్పలేదు. దీంతో ఎలాగైనా పుంజుకొని తర్వాతి టీ20లో గెలవాలని భారత జట్టు గట్టిగా కోరుకుంటోంది. సిరీస్​లో ఇదే ఆఖరి మ్యాచ్ కాబట్టి విజయం సాధిస్తే 1-1తో డ్రా చేసుకోవచ్చు. ఓడిపోతే సిరీస్ సౌతాఫ్రికా సొంతం అవుతుంది. అందుకే పట్టుదలతో ఆడి నెగ్గాలని అనుకుంటోంది. కానీ టీమ్ కాంబినేషన్, ప్లేయర్ సెలక్షన్​లో గందరగోళం ఇబ్బంది పెడుతున్నాయి. కంగారూలతో టీ20 సిరీస్​లో రాణించిన రుతురాజ్ గైక్వాడ్, ఇషాన్ కిషన్, అక్షర్ పటేల్, రవి బిష్ణోయ్ వంటి వారిని ఆడించకపోవడం మీద పెద్ద ఎత్తున విమర్శలు వస్తున్నాయి. అసలు టీమ్ మేనేజ్​మెంట్ ప్లాన్ ఏంటో తెలియక ఫ్యాన్స్ కూడా తలలు పట్టుకుంటున్నారు. ఇలాగే వ్యవహరిస్తే ఫ్యూచర్​లో ఇబ్బందులు తప్పవని హెచ్చరిస్తున్నారు. నిలకడగా రాణిస్తున్న వారికి మరిన్ని ఛాన్సులు ఇస్తూ ఎంకరేజ్ చేయాలని అంటున్నారు.

యంగ్​స్టర్స్​కు వరుస అవకాశాలు ఇస్తే టీమ్​లో తమ ప్లేస్ పక్కా అనే ధీమా వారిలో ఏర్పడుతుందని.. దీని వల్ల ఫియర్​లెస్ అప్రోచ్​తో ఆడే ఛాన్స్ ఉంటుందని మాజీ క్రికెటర్లు సూచిస్తున్నారు. ఇదిలా ఉంటే.. సౌతాఫ్రికాతో టీ20, వన్డే సిరీస్ తర్వాత ఆఖర్లో టెస్ట్ సిరీస్ ఆడనుంది భారత్. కానీ ఈ సిరీస్ మొదలవడానికి ముందు టీమిండియాకు భారీ షాక్ తగిలింది. గాయంతో బాధపడుతున్న స్టార్ పేసర్ మహ్మద్ షమి ఈ సిరీస్​లో ఆడటం దాదాపుగా అసాధ్యం అని తెలుస్తోంది. దీనిపై స్వయంగా షమీనే రియాక్ట్ అయ్యాడని వార్తలు వస్తున్నాయి. టెస్ట్ సిరీస్ కోసం సౌతాఫ్రికాకు వెళ్లేందుకు తాను రెడీగా ఉన్నానని చెబుతూనే ఈ వెటరన్ పేసర్ ట్విస్ట్ ఇచ్చాడని తెలిసింది. మోకాలి నొప్పి కోసం ట్రీట్​మెంట్ తీసుకుంటున్నానని.. కాస్త ఊరటగా అనిపించినా వెంటనే టీమ్​తో కలుస్తానని అన్నాడని నేషనల్ మీడియాలో న్యూస్ వస్తోంది. ఒకవేళ ఇంజ్యురీ తగ్గకపోతే మాత్రం సఫారీ సిరీస్​లో ఆడటం కష్టమేనని పరోక్షంగా వెల్లడించాడని సమాచారం. ఇప్పటికే చాలాసార్లు మెడికల్ టెస్టులు చేయించుకున్నానని.. ఇంకా పూర్తిగా కోలుకోలేదని అన్నాడట షమి. మరి.. టెస్ట్ సిరీస్​లో ఆడే ఛాన్సులు తక్కువేనంటూ షమి చేసిన వ్యాఖ్యలపై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: Rohit Sharma: మానిన గాయాన్ని మళ్లీ రేపుతున్నారు.. రోహిత్ శర్మను వదలని ఆసీస్!

Mohammed Shami’s participation in the South Africa Test Series is uncertain.

The right-arm pacer is grappling with an ankle injury and is unlikely to regain fitness for the red-ball series. pic.twitter.com/fE7ZqL8wVo

— CricTracker (@Cricketracker) December 14, 2023