క్రికెట్ టీమ్లో కెప్టెన్, వైస్ కెప్టెన్కు ఇచ్చే గౌరవం, విలువ గురించి స్పెషల్గా చెప్పనక్కర్లేదు. కానీ భారత జట్టులో మాత్రం వైస్ కెప్టెన్ పదవికి విలువ లేదని ఓ మాజీ క్రికెటర్ అంటున్నాడు.
క్రికెట్ టీమ్లో కెప్టెన్, వైస్ కెప్టెన్కు ఇచ్చే గౌరవం, విలువ గురించి స్పెషల్గా చెప్పనక్కర్లేదు. కానీ భారత జట్టులో మాత్రం వైస్ కెప్టెన్ పదవికి విలువ లేదని ఓ మాజీ క్రికెటర్ అంటున్నాడు.
సఫారీ టూర్ను ఓటమితో మొదలుపెట్టిన భారత్ గాడిన పడాలని అనుకుంటోంది. ఈ పర్యటనలో భాగంగా జరిగిన సెకండ్ మ్యాచ్లో సౌతాఫ్రికాతో చేతిలో 5 వికెట్ల తేడాతో ఓడిపోయింది టీమిండియా. మొదటి మ్యాచ్ వర్షం వల్ల రద్దవగా.. రెండో మ్యాచ్లో అనుకున్నంత రేంజ్లో ఆడకపోవడంతో ఓటమి తప్పలేదు. రెండో టీ20లో అటు బ్యాటింగ్లో ఓపెనర్లు శుబ్మన్ గిల్, యశస్వీ జైస్వాల్ ఫెయిలవ్వడం.. బౌలర్లు కూడా ప్రభావం చూపకపోవడం భారత్ను దెబ్బతీసింది. వర్షం కురవడం, తేమ ప్రభావం వల్ల బాల్ మీద పట్టు దొరకకపోవడంతో బౌలర్లు ఎఫెక్టివ్గా పెర్ఫార్మ్ చేయలేకపోయారు. ఆఖర్లో వాళ్లు చెలరేగినప్పటికీ అప్పటికే మ్యాచ్ ప్రొటీస్ చేతుల్లోకి వెళ్లిపోయింది.
సిరీస్లో ఇదే లాస్ట్ మ్యాచ్. కాబట్టి ఈ మ్యాచ్లో నెగ్గి సిరీస్ను 1-1తో సమం చేయాలని భారత్ చూస్తోంది. మూడో టీ20లో టీమిండియాలో భారీ మార్పులు చేయడం తప్పనిసరిలా కనిపిస్తోంది. ఇద్దరు ఓపెనర్లలో ఒకర్ని కూర్చోబెట్టి రుతురాజ్ గైక్వాడ్ను టీమ్లోకి తీసుకొచ్చే అవకాశం ఉంది. తిలక్ వర్మ స్థానంలో శ్రేయస్ అయ్యర్ లేదా ఇషాన్ కిషన్ల్లో ఒకరు జట్టులోకి రావొచ్చు. అయితే ఈ సిరీస్లో టీమ్ సెలక్షన్ మీద విమర్శలు వస్తున్నాయి. ఆసీస్తో సిరీస్లో రాణించిన రుతురాజ్, ఇషాన్, రవి బిష్ణోయ్కు తుది జట్టులో చోటు కల్పించడం లేదు. దీంతో యంగ్స్టర్స్ అయోమయంలో పడే ప్రమాదం ఉందని ఎక్స్పర్ట్స్ అంటున్నారు.
కంగారూలతో టీ20 సిరీస్లో బ్యాటింగ్, బౌలింగ్లో అదరగొట్టిన స్పిన్ ఆల్రౌండర్ అక్షర్ పటేల్ను సౌతాఫ్రికా టూర్కు ఎంపిక చేయకపోవడం మీదా విమర్శలు వస్తున్నాయి. అక్షర్ ప్లేసులో రవీంద్ర జడేజాను తీసుకోవడం, అతడ్ని వైస్ కెప్టెన్ చేయడం తెలిసిందే. ఈ నేపథ్యంలో టీమ్ మేనేజ్మెంట్, సెలక్టర్ల తీరుపై భారత మాజీ క్రికెటర్ ఆకాశ్ చోప్రా ఇంట్రెస్టింగ్ కామెంట్స్ చేశాడు. టీ20ల్లో అక్షర్ పటేల్ రూపంలో జడేజా స్థానానికి ప్రమాదం పొంచి ఉందన్నాడు ఆకాశ్ చోప్రా. పొట్టి ఫార్మాట్లో తన ప్లేస్ను ఫిక్స్ చేసుకోవాలంటే జడ్డూ ఇక మీదట బ్యాట్ ఝళిపించాల్సిందేనని చెప్పాడు. బ్యాట్తో గనుక రాణించకపోతే ఏ క్షణమైనా సెలక్టర్లు జడేజా మీద వేటు వేసేందుకు వెనుకాడరని హెచ్చరించాడు. సౌతాఫ్రికాతో టీ20 సిరీస్లో వైస్ కెప్టెన్ ట్యాగ్ అతడ్ని కాపాడుతుందని అనుకుంటే మాత్రం పొరబడ్డట్లేనని ఆకాశ్ పేర్కొన్నాడు.
‘వైస్ కెప్టెన్ అయినంత మాత్రాన జడేజా ఫైనల్ ఎలెవన్లో ఉంటాడనే నమ్మకం లేదు. ఇటీవలి కాలంలో భారత వైస్ కెప్టెన్ పదవికి విలువ ఉండటం లేదు. ఆసీస్తో సిరీస్లో శ్రేయస్ అయ్యర్ వైస్ కెప్టెన్గా ఉన్నాడు. అంతకుముందు టెస్టుల్లో అజింక్యా రహానే కెప్టెన్కు డిప్యూటీగా వ్యవహరించాడు. ఈ మధ్య కాలంలో సెలక్టర్లు ప్లేయర్లపై వేటు వేసేందుకు ముందూ వెనుకా ఆలోచించడం లేదు. ఆఖరికి వైస్ కెప్టెన్ అయినా సరే. అయితే ఎందుకిలా చేస్తున్నారో నాకైతే అర్థం కావడం లేదు’ అని ఆకాశ్ చోప్రా చెప్పుకొచ్చాడు. భారత క్రికెట్లో సెలక్టర్లదే పెత్తనం నడుస్తోందని ఇన్డైరెక్ట్గా వ్యాఖ్యానించాడు. మరి.. వైస్ కెప్టెన్ పోస్ట్పై ఆకాశ్ చోప్రా చేసిన వ్యాఖ్యల మీద మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: Mohammed Shami: ఆ విషయంలో ఏ క్రికెటర్ నన్ను బీట్ చేయలేడు: మహ్మద్ షమీ
