దాదాపు నెల రోజుల పాటు జరిగిన సఫారీ టూర్ టీమిండియాకు అనేక పాఠాలు నేర్పింది. ఈ పర్యటనలో ఘన విజయాలతో పాటు ఘోర పరాభవాలనూ ఎదుర్కొంది భారత్. ఈ నేపథ్యంలో సౌతాఫ్రికా సిరీస్ నుంచి నేర్చుకోవాల్సిన పాఠాలు ఏంటో ఇప్పుడు చూద్దాం..
దాదాపు నెల రోజుల పాటు జరిగిన సఫారీ టూర్ టీమిండియాకు అనేక పాఠాలు నేర్పింది. ఈ పర్యటనలో ఘన విజయాలతో పాటు ఘోర పరాభవాలనూ ఎదుర్కొంది భారత్. ఈ నేపథ్యంలో సౌతాఫ్రికా సిరీస్ నుంచి నేర్చుకోవాల్సిన పాఠాలు ఏంటో ఇప్పుడు చూద్దాం..
క్రికెట్లో ప్రతి టోర్నమెంట్, ప్రతి మ్యాచ్ ఎన్నో విషయాలను నేర్పిస్తుంది. ఆస్ట్రేలియాతో టీ20 సిరీస్ తర్వాత సఫారీ టూర్కు బయల్దేరిన టీమిండియా ఈ నెల రోజుల్లో చాలా విషయాలను ఎక్స్పీరియెన్స్ చేసింది. సౌతాఫ్రికాతో జరిగిన టీ20, టెస్టు సిరీస్లను సమం చేసిన భారత జట్టు.. వన్డే సిరీస్ను 2-1 తేడాతో కైవసం చేసుకుంది. ఈ పర్యటనలో చాలా మంది యువ ఆటగాళ్లను పరీక్షించింది భారత్. వన్డే వరల్డ్ కప్ ఓటమి తర్వాత రోహిత్ శర్మ, విరాట్ కోహ్లీ, జస్ప్రీత్ బుమ్రాలు తొలిసారి సౌతాఫ్రికా సిరీస్లోనే ఆడారు. వీళ్లందరూ టెస్టుల్లో బరిలోకి దిగారు. రెస్ట్ తీసుకోవాలనే ఉద్దేశంతో టీ20లు, వన్డే సిరీస్లకు దూరంగా ఉన్నారు. అయితే రోహిత్, విరాట్ లేకున్నా టీ20 సిరీస్ను సమం చేసింది యంగ్ ఇండియా. వీళ్ల ఎంట్రీతో టెస్ట్ సిరీస్ను సమం చేసింది. ఈ నేపథ్యంలో ఈ సిరీస్ భారత్కు నేర్పిన పాఠాలు ఏంటో ఇప్పుడు చూద్దాం..
సఫారీ టూర్లో వన్డేలు, టీ20ల్లో భారత్ ఆకట్టుకుంది. ఈ రెండు ఫార్మాట్లను మినహాయిస్తే టెస్టుల్లోనే టీమిండియాకు రియల్ టెస్ట్ ఎదురైంది. ఈ సిరీస్ నుంచి రోహిత్ సేన చాలా విషయాలను నేర్చుకుంది. రెండో మ్యాచ్లో నెగ్గి సిరీస్ను సమం చేసినప్పటికీ టీమ్లోని చాలా లోపాలు జాగ్రత్త అని హెచ్చరిస్తున్నాయి. అందులో ముఖ్యంగా చెప్పుకోవాల్సింది బ్యాటింగ్ ఫెయిల్యూర్. ఒక్క విరాట్ కోహ్లీ తప్పితే ఈ సిరీస్లో ఏ భారత బ్యాటర్ కూడా అనుకున్నంతగా రాణించలేదు. అదనపు పేస్, అనూహ్యమైన బౌన్స్ ఉన్న సౌతాఫ్రికా పిచ్లపై సంయమనం, ఓపికతో ఆడుతూ ఇన్నింగ్స్ను బిల్డ్ చేయాలనే కిటుకును మిస్సయ్యారు. కోహ్లీ ఒక్కడే ఒంటరి పోరాటం చేస్తూ ప్రత్యర్థులకు ఎదురొడ్డి నిలిచాడు.
కేఎల్ రాహుల్ ఫస్ట్ టెస్ట్లో సెంచరీతో మెరిసినా ఆ తర్వాత ఫెయిలయ్యాడు. కెప్టెన్ రోహిత్ శర్మ రెండో టెస్ట్లో మోస్తరుగా రాణించాడు. ఇక మిగతా బ్యాటర్లలో ఎవరి గురించి పెద్దగా మాట్లాడేందుకు లేదు. అందరూ మూకుమ్మడిగా ఫెయిలయ్యారు. టెస్ట్ సిరీస్లో సెలక్షన్ తప్పిదాలు కూడా కనిపించాయి. ఏమాత్రం అనుభవం లేని యశస్వి జైస్వాల్తో పాటు వన్డేల్లో మాత్రమే సక్సెస్ అవుతున్న శుబ్మన్ గిల్ను ఆడించడం వర్కవుట్ కాలేదు. రబాడ, బర్గర్, యాన్సన్, ఎంగిడి లాంటి బౌలర్లను ఎదుర్కోలేక వీళ్లిద్దరూ బ్యాట్లు ఎత్తేశారు. అయితే టార్గెట్ చిన్నగా ఉండటంతో రెండో టెస్ట్ సెకండ్ ఇన్నింగ్స్లో జైస్వాల్ మెరుపు ఇన్నింగ్స్తో అలరించాడు. అతడితో పాటు గిల్ మరింతగా రాటుదేలాలి. ఫస్ట్ టెస్ట్లో ఘోరంగా ఫెయిలైనా పేసర్ ప్రసిద్ధ్ కృష్ణను రెండో టెస్ట్లో ఆడించింది టీమ్ మేనేజ్మెంట్. కానీ అతడు ఆ మ్యాచ్లోనూ ఆకట్టుకోలేదు. అతడు వేసిన ఓ ఓవర్లో మార్క్రమ్ ఏకంగా 20 పరుగులు పిండుకున్నాడు.
ఛటేశ్వర్ పుజారా, అజింక్యా రహానె టీమ్లో లేని లోటు ఈ టూర్లో క్లియర్గా కనిపించింది. వరుసగా వికెట్లు పడుతుంటే ఆదుకునేవాళ్లు, ఇన్నింగ్స్ బిల్డ్ చేయడంలో సపోర్ట్ చేసేవాళ్లు లేకపోవడంతో రెండు టెస్టుల్లోనూ విరాట్ కోహ్లీ ఒక్కడే అయిపోయాడు. పుజారా, రహానెల్లో కనీసం ఒక్కర్ని తీసుకున్నా బాగుండేది. ఈ టూర్ నేర్పిన మరో పాఠం ప్రాక్టీస్. టెస్ట్ సిరీస్కు భారత్ ఏమాత్రం ప్రిపేర్ కాలేదు. సరైన ప్రాక్టీస్ లేకుండానే గ్రౌండ్లోకి దిగింది. అందుకు తగిన మూల్యం చెల్లించుకుంది. ఫస్ట్ టెస్ట్లో ఏకంగా ఇన్నింగ్స్ పరాభవాన్ని మూటగట్టుకుంది. అయితే రెండో టెస్ట్కు ముందు ఫుల్గా ప్రిపేర్ అయింది భారత్. రోహిత్, విరాట్ సహా ప్రతి ప్లేయర్ ఎక్స్ట్రా టైమ్ ప్రాక్టీస్ చేశారు. సరైన ప్లాన్స్తో గ్రౌండ్లోకి దిగడమే గాక వాటిని పర్ఫెక్ట్గా ఎగ్జిక్యూట్ చేశారు. కాబట్టి సన్నాహకాల విలువ ఏంటో మన టీమ్కు తెలిసొచ్చింది. మరి.. సౌతాఫ్రికా సిరీస్ భారత జట్టుకు ఇంకేమైనా పాఠాలు నేర్పిందని మీరు అనుకుంటే కామెంట్ చేయండి.
ఇదీ చదవండి: Aamer Jamal: 32 ఏళ్ల తరువాత పాక్ జట్టులో మరో ఇమ్రాన్ ఖాన్! ఆస్ట్రేలియానే వణికించాడు
