ప్రతిష్టాత్మక వరల్డ్ కప్ను టీమిండియా అందుకోవడంతో దేశమంతటా సంబురాలు మొదలైపోయాయి. కోట్లాది మంది అభిమానులు ఈ గెలుపును పండుగలా సెలబ్రేట్ చేసుకుంటున్నారు.
ప్రతిష్టాత్మక వరల్డ్ కప్ను టీమిండియా అందుకోవడంతో దేశమంతటా సంబురాలు మొదలైపోయాయి. కోట్లాది మంది అభిమానులు ఈ గెలుపును పండుగలా సెలబ్రేట్ చేసుకుంటున్నారు.
ప్రతిష్టాత్మక వరల్డ్ కప్ను టీమిండియా అందుకోవడంతో దేశమంతటా సంబురాలు మొదలైపోయాయి. కోట్లాది మంది అభిమానులు ఈ గెలుపును పండుగలా సెలబ్రేట్ చేసుకుంటున్నారు. 13 ఏళ్ల తర్వాత భారత జట్టు ఛాంపియన్గా నిలవడంతో సంతోషం పట్టలేక ఎమోషనల్ అయిపోతున్నారు. మైదానంలో ఉన్న క్రికెటర్లతో పాటు టీవీలు, మొబైల్స్లో మ్యాచ్ను చూసిన అభిమానులు ఆనందంతో కన్నీళ్లు పెట్టుకుంటున్నారు. ఇక కప్పు రాదు.. సెమీస్, ఫైనల్స్కు వెళ్లినా ఓడటమేగా అని నిరాశలో కూరుకుపోయిన ఫ్యాన్స్లో కాన్ఫిడెన్స్ నింపింది రోహిత్ సేన. ఫైనల్లో సౌతాఫ్రికాను 7 పరుగుల తేడాతో చిత్తు చేసి మనం విశ్వవిజేతలమని, మనల్ని మించిన టీమ్ ఇంకొకటి లేదని సగర్వంగా చాటి చెప్పింది.
ప్రొటీస్తో ఫైనల్ ఆఖరి వరకు ఉత్కంఠగా సాగడంతో అందరూ టెన్షన్ పడ్డారు. మ్యాచ్ను చూస్తున్న ఆడియెన్స్ పరిస్థితి అలా ఉంటే.. గ్రౌండ్లో ఉన్న ప్లేయర్లు సిచ్యువేషన్ ఎలా ఉంటుందో అర్థం చేసుకోవచ్చు. అయితే కెప్టెన్ రోహిత్ వాళ్లను కూల్గా ఉంచాడు. ప్రెజర్ తాను తీసుకొని వాళ్లను స్వేచ్ఛగా ఆడించాడు. నిన్నటి మ్యాచ్లో చాలా మంది ప్లేయర్లు రాణించినా.. రియల్ హీరోగా నిలిచాడు పేసుగుర్రం జస్ప్రీత్ బుమ్రా. 4 ఓవర్లలో 18 పరుగులు ఇచ్చి 2 వికెట్లు తీశాడతను. అతడి స్పెల్ వల్లే టీమ్ ఒడ్డున పడింది. బుమ్రాను చూసి ఇన్స్పైర్ అయిన అర్ష్దీప్, హార్దిక్ మరింత చెలరేగి బౌలింగ్ చేశారు. ఈ మ్యాచ్తో పాటు టోర్నీ ఆసాంతం అద్భుతంగా బౌలింగ్ చేసిన బుమ్రా ప్లేయర్ ఆఫ్ ది టోర్నమెంట్ అవార్డును అందుకున్నాడు. ఈ సందర్భంగా అతడు ఎమోషనల్ అయ్యాడు. వాడి ముందు కప్పు కొట్టడం ఆనందంగా ఉందన్నాడు.
మ్యాచ్ తర్వాత తన భార్య సంజనా గణేషన్తో కాసేపు ముచ్చటించాడు బుమ్రా. ఈ సందర్భంగా ఆమె అడిగిన కొన్ని ప్రశ్నలకు సమాధానాలు ఇచ్చాడు. ‘అద్భుత విజయం సాధించినందుకు చాలా ఆనందంగా ఉంది. మ్యాచ్లో కొన్ని మూమెంట్స్లో చాలా నెర్వస్గా అనిపించింది. కానీ కప్పు కొట్టినందుకు హ్యాపీ. ఇది మాకు గ్రేట్ టోర్నమెంట్. ఎన్నో మధుర జ్ఞాపకాలను అందించింది. అంగద్ కూడా ఇక్కడే ఉన్నాడు. వాడి ముందు కప్పు కొట్టడాన్ని మించిన బెటర్ ఫీలింగ్ మరొకటి ఉండదు. ఫైనల్ మ్యాచ్లో మేం మా బలానికి తగ్గట్లు ఆడాం. అందరూ కీలక టైమ్లో రాణించారు. కూల్గా ఉంటూ అనుకున్న పనిని ఫినిష్ చేశారు. చివర్లో కాస్త టెన్షన్గా అనిపించింది. కానీ మేం ఒత్తిడికి గురవకుండా మ్యాచ్ను ముగించాం’ అని బుమ్రా చెప్పుకొచ్చాడు. ఆ తర్వాత సంజనను హగ్ చేసుకున్నాడు బుమ్రా. వీళ్లిద్దరి కుమారుడే అంగద్. అందుకే తన కొడుకు ముందు వరల్డ్ కప్ కొట్టడాన్ని మించిన ఆనందం మరొకటి లేదన్నాడు బుమ్రా. మరి.. మెగాటోర్నీలో బుమ్రా పెర్ఫార్మెన్స్ మీకెలా అనిపించిందో కామెంట్ చేయండి.
In the end Bumrah was like, “Enough of these professional interviews.” I can’t pretend anymore. Give me a hug. 💕 pic.twitter.com/pFPgl6LW1i
— Aditya Saha (@Adityakrsaha) June 29, 2024
