టీమిండియాలో అతడికి లాస్ట్ డే.. ఫైనల్ గెలిచి గిఫ్ట్​గా ఇస్తారా?

భారత జట్టు అసలైన సమరానికి సిద్ధమవుతోంది. ఇప్పటిదాకా ఆడిన మ్యాచులన్నీ ఒకెత్తు.. ఇప్పుడు ఆడబోయేది మరొకెత్తు. ఈ ఒక్కదాంట్లో నెగ్గితే చాలు ఛాంపియన్స్​గా అవతరిస్తుంది టీమిండియా. అందని ద్రాక్షగా మారిన ఐసీసీ టైటిల్​ను నెగ్గేందుకు రోహిత్ సేనకు ఇది గోల్డెన్ ఛాన్స్. టీ20 వరల్డ్ కప్-2024లో ఓటమి అనేది లేకుండా అప్రతిహత విజయాలతో ఫైనల్స్​కు చేరుకుంది మెన్ ఇన్ బ్లూ. లీగ్ స్టేజ్​లో ఐర్లాండ్, పాకిస్థాన్, అమెరికాను ఓడించిన భారత్.. సూపర్-8లో ఆఫ్ఘానిస్థాన్, బంగ్లాదేశ్​తో పాటు ఫేవరెట్ ఆస్ట్రేలియాను కూడా చిత్తు చేసింది. ఎన్నో అంచనాలు, తీవ్ర ఒత్తిడి మధ్య సెమీస్​లో ఇంగ్లండ్​ను మట్టికరిపించి ఫైనల్ బెర్త్​ను కన్ఫర్మ్ చేసుకుంది. శనివారం జరిగే టైటిల్ ఫైట్​లో సౌతాఫ్రికాను కూడా ఓడిస్తే భారత్ జగజ్జేతగా అవతరిస్తుంది.

మెగాటోర్నీలో టీమిండియా ఆటతీరును చూసిన అభిమానులు.. ఈసారి మన జట్టు కప్పు కొట్టడం పక్కా అని ఫిక్స్ అయ్యారు. ఇంత తోపు ఫామ్​లో ఉన్న టీమ్​ను ఆపడం సఫారీల వల్ల కాదని అంటున్నారు. ప్లేయర్లు, ఫ్యాన్స్​తో పాటు మెగా ఫైనల్ మరొకరికి కూడా కీలకం కానుంది. గత కొన్ని నెలలుగా భారత జట్టు వెంట ఉంటూ టీమ్​కు ఎన్నో అద్భుత విజయాలు అందించిన ఓ వ్యక్తికి వరల్డ్ కప్ ఫైనల్ లాస్ట్ డే కానుంది. ఆ తర్వాత రోజు నుంచి ఆయన టీమ్​తో ట్రావెల్ కాడు. ఆ పర్సన్ ఎవరో ఈపాటికే మీరు ఊహించి ఉంటారు. ఆయన మరెవరో కాదు.. టీమిండియా హెడ్ కోచ్ రాహుల్ ద్రవిడ్. అవును, పొట్టి కప్పు ఫైనల్ మ్యాచ్​తో కోచ్​గా ద్రవిడ్ పదవీకాలం ముగియనుంది. ఫైనల్ మ్యాచే కోచ్​గా అతడికి ఆఖరి రోజు అవనుంది.

ద్రవిడ్ హయాంలో భారత జట్టు ఎన్నో అద్భుత విజయాలు అందుకుంది. అన్ని ఫార్మాట్లలోనూ నంబర్ వన్ టీమ్​ రేంజ్​కు చేరుకుంది. వరల్డ్ టెస్ట్ ఛాంపియన్​షిప్​తో పాటు వన్డే ప్రపంచ కప్-2023లో ఫైనల్స్​కు చేరుకుంది. కప్పు నెగ్గకపోయినా టీమ్ ఆడిన తీరుకు అందరూ ఫిదా అయ్యారు. ద్రవిడ్ కోచ్​గా ఉన్నప్పుడే ఆసియా కప్​ కూడా గెలిచింది రోహిత్ సేన. ఇంకా ఎన్నో ద్వైపాక్షిక సిరీస్​ల్లో విక్టరీలు కొట్టింది. యువకులు, సీనియర్ల మేళవింపుతో టీమ్​కు పర్ఫెక్ట్ బ్యాలెన్స్ తీసుకొచ్చిన మిస్టర్ కూల్.. రికార్డులు కాదు జట్టు గెలుపే ముఖ్యంగా ఆడేలా ఆటగాళ్లను తీర్చిదిద్దాడు. అలాంటోడు టీమ్​ను వీడే టైమ్ వచ్చేసింది. దీంతో ప్రపంచ కప్ గెలిచి అతడికి ఘనంగా వీడ్కోలు ఇవ్వాలని సోషల్ మీడియాలో నెటిజన్స్ డిమాండ్ చేస్తున్నారు. భారత క్రికెట్​కు ఇన్ని సేవలు అందించిన ద్రవిడ్​కు కప్పు ఇవ్వడమే బిగ్ గిఫ్ట్ అని చెబుతున్నారు. మరి.. టీమిండియా ద్రవిడ్​కు టైటిల్​ను బహుమతిగా ఇస్తుందని మీరు భావిస్తే కామెంట్ చేయండి.

• ఇదీ చదవండి: క్రెడిట్ అంతా రోహిత్​కే.. ఆ ప్లేయర్​కు అన్యాయం చేస్తున్నారు: మాజీ క్రికెటర్

Farewell, Rahul Dravid. 🥹❤️

– Thank you for each and every memory, one final time with team India tomorrow. 🇮🇳pic.twitter.com/OezOTUJp64

— Mufaddal Vohra (@mufaddal_vohra) June 28, 2024