ఆ ఫార్మాట్​కు సర్ఫరాజ్ పనికిరాడు.. టీమిండియా మాజీ కెప్టెన్ షాకింగ్ కామెంట్స్!

కష్టం ఎప్పటికీ వృథా కాదంటారు పెద్దలు. కష్టపడినోడు ఎప్పటికైనా పైకి వస్తాడని చెబుతుంటారు. కష్టాన్ని నమ్ముకుంటే ఎదగడం ఈజీ అంటుంటారు. ఇదే సూత్రాన్ని నమ్ముకొని టీమిండియాలోకి ఎంట్రీ ఇచ్చాడు సర్ఫరాజ్ ఖాన్. డొమెస్టిక్ క్రికెట్​లో సెంచరీల మీద సెంచరీలు, డబుల్ సెంచరీలు బాదినా అతడికి సెలక్టర్లు తొలుత ఛాన్స్ ఇవ్వలేదు. అధిక బరువుతో పాటు పలు ఇతర కారణాలు చూపుతూ ఈ యంగ్ బ్యాటర్​ను సెలక్ట్ చేయలేదు. కానీ సర్ఫరాజ్ మాత్రం ఆగిపోలేదు. మరింత కసితో ఆడుతూ పరుగుల వరద పారించాడు. దీంతో ఎట్టకేలకు భారత జట్టుకు ప్రాతినిధ్యం వహించే అవకాశం వచ్చింది. దాన్ని ఒడిసిపట్టుకొని తన టాలెంట్​ ఏంటో అందరికీ చూపించాడు. ఇంగ్లండ్​తో టెస్ట్ సిరీస్​లో డెబ్యూ ఇచ్చి పలు మెరుపు ఇన్నింగ్స్​లతో ఫ్యూచర్​ స్టార్​ను తానేనని ప్రూవ్ చేసుకున్నాడు. అయితే సర్ఫరాజ్‌ మీద టీమిండియా మాజీ కెప్టెన్ సౌరవ్ గంగూలీ షాకింగ్ కామెంట్స్ చేశాడు.

సర్ఫరాజ్ టీ20 ఫార్మాట్​కు పనికిరాడని అన్నాడు గంగూలీ. అతడు టెస్టులకు బాగా సరిపోతాడని చెప్పాడు. లాంగ్ ఫార్మాట్​లో సర్ఫరాజ్​కు మరిన్ని ఛాన్సులు ఇవ్వాలని సూచించాడు. ‘సర్ఫరాజ్ టెస్టులకు బాగా సరిపోతాడు. 5 రోజుల ఆటకు అతడి బ్యాటింగ్ స్టైల్ పర్ఫెక్ట్​గా సెట్ అవుతుంది. టీ20లు అనేది డిఫరెంట్ ఫార్మాట్. డొమెస్టిక్ క్రికెట్​లో కూడా అతడు లాంగ్ ఫార్మాట్​లోనే ఎక్కువ రన్స్ చేశాడు. రంజీ ట్రోఫీతో పాటు ఫస్ట్​క్లాస్ క్రికెట్​లో సర్ఫరాజ్ అద్భుతంగా ఆడాడు. మనం పడిన కష్టం, శ్రమ వృథా పోదు అంటారు. సర్ఫరాజ్ విషయంలో అది మరోమారు నిరూపితమైంది. దేశవాళీల్లో బాదిన శతకాలు, చేసిన పరుగులు అతడ్ని ఇక్కడి దాకా తీసుకొచ్చాయి’ అని గంగూలీ చెప్పుకొచ్చాడు. సర్ఫరాజ్​పై దాదా చేసిన వ్యాఖ్యలు సోషల్ మీడియాలో వైరల్ అవుతున్నాయి. దీనిపై నెటిజన్స్ రియాక్ట్ అవుతున్నారు. దాదా చెప్పింది కరెక్ట్​ అని.. టెస్టుల్లో సుదీర్ఘ కాలం రాణించే సత్తా సర్ఫరాజ్​కు ఉందని అంటున్నారు.

సర్ఫరాజ్ టెస్టులకు బాగా సూట్ అవుతాడని నెటిజన్స్ చెబుతున్నారు. అయితే అతడికి వన్డేలు, టీ20ల్లో కూడా ఛాన్స్ ఇచ్చి చూడాలని కామెంట్స్ చేస్తున్నారు. టెస్టు స్పెషలిస్ట్​లుగా ముద్రపడిన లెజెండరీ క్రికెటర్లు రాహుల్ ద్రవిడ్, వీవీఎస్ లక్ష్మణ్ తర్వాత కాలంలో లిమిటెడ్ ఓవర్స్​ క్రికెట్​లోనూ రాణించారని గుర్తుచేస్తున్నారు. సర్ఫరాజ్​ అటాకింగ్ బ్యాటర్ అని.. అదే దూకుడును ఇతర ఫార్మాట్లకు తగ్గట్లుగా అడాప్ట్ చేసుకుంటే ఆపడం ఎవరి తరం కాదని అభిప్రాయాలు వ్యక్తం చేస్తున్నారు. ఇక, ఇంగ్లండ్​తో రాజ్​కోట్ వేదికగా జరిగిన మూడో టెస్టుతో ఇంటర్నేషనల్ క్రికెట్​లోకి ఎంట్రీ ఇచ్చాడు సర్ఫరాజ్. ఆ మ్యాచ్​లో తొలి ఇన్నింగ్స్​లో 62 పరుగులు చేసిన యంగ్ బ్యాటర్.. రెండో ఇన్నింగ్స్​లో 68 పరుగులు చేశాడు. అయితే నాలుగో టెస్టులో మాత్రం 14, 0 పరుగులు చేసి నిరాశపర్చాడు. దీంతో ఆఖరి టెస్టులో పంజా విసరాలని చూస్తున్నాడు. మరి.. సర్ఫరాజ్​పై దాదా చేసిన వ్యాఖ్యల మీద మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: అంబానీ ఇంటికి క్రికెటర్లు! ధోని ఎంట్రీ మామూలుగా లేదుగా..

Sourav Ganguly thinks Sarfaraz is more of a five-day player, suited for longer formats#SouravGanguly #SarfarazKhan #Indiancricket #Insidesport #CricketTwitter pic.twitter.com/ioaaQnz2pD

— InsideSport (@InsideSportIND) March 1, 2024