Rohit Sharma: నిన్నటి మ్యాచ్​లో రోహిత్ స్పెషల్ షాట్.. ఇక్కడి నుంచి ఇంగ్లండ్ ఆశలు ఆవిరి!

ఇంగ్లండ్​తో నాకౌట్ ఫైట్​లో గ్రాండ్ విక్టరీ కొట్టింది టీమిండియా. 2022లో జరిగిన టీ20 వరల్డ్ కప్ సెమీస్ పరాజయానికి రివేంజ్ తీర్చుకుంది రోహిత్ సేన. ఇంగ్లీష్ టీమ్​పై విజయంతో ఫైనల్ బెర్త్​ను కన్ఫర్మ్ చేసుకుంది భారత్. నిన్నటి మ్యాచ్​లో మొదట బ్యాటింగ్​కు దిగిన మెన్ ఇన్ బ్లూ అన్ని ఓవర్లు ఆడి 7 వికెట్లకు 171 పరుగులు చేసింది. అనంతరం ఛేజింగ్​కు దిగిన ఇంగ్లండ్.. 103 పరుగులకే కుప్పకూలింది. టీ20 ప్రపంచ కప్-2022లో బట్లర్ సేన చేతుల్లో ఎదురైన పరాభవానికి నిన్న పగ తీర్చుకుంది భారత్. ఆ టీమ్​ను 68 పరుగుల తేడాతో చిత్తు చేసింది. రెండూ టాప్ టీమ్స్, మంచి ఫామ్​లో ఉన్నాయి కాబట్టి మ్యాచ్​ లాస్ట్ బాల్ వరకు వెళ్తుందని అంతా అనుకున్నారు. ఎవరు గెలిచినా స్మాల్ మార్జిన్​తోనే అని ఫిక్స్ అయ్యారు. కానీ రోహిత్ సేన దూకుడు ముంందు ఇంగ్లండ్​ నిలబడలేకపోయింది.

నిన్నటి మ్యాచ్​లో ఎక్కడా ఇంగ్లండ్​కు ఛాన్స్ ఇవ్వలేదు భారత్. ఒక్క విరాట్ కోహ్లీ ఔట్ అయిన సందర్భంలో తప్ప మళ్లీ ఆ టీమ్ హవా నడిపించింది లేదు. మ్యాచ్​లో మెజారిటీ మూమెంట్స్​లో రోహిత్ సేన ఆధిపత్యమే నడిచింది. అయితే మ్యాచ్​కు ముందు వర్షం పడటంతో గయానా వికెట్ బ్యాటింగ్​కు కష్టంగా మారింది. బౌన్స్ రాకపోవడం, బంతులు మోకాలు కంటే తక్కువ ఎత్తులో వస్తుండటంతో షాట్ మేకింగ్ క్లిష్టంగా మారింది. ఈ టైమ్​లో రాంగ్ షాట్ కొడితే ఔట్ అయ్యే ప్రమాదం పొంచి ఉంది. కోహ్లీ ఇలాగే అనవసర షాట్​కు వెళ్లి వికెట్ సమర్పించుకున్నాడు. కానీ పిచ్​ను అర్థం చేసుకున్న కెప్టెన్ రోహిత్ మాత్రం క్రీజులో సెటిల్ అవడంపై ఫోకస్ పెట్టాడు. సూర్యకుమార్ యాదవ్​తో కలసి ఇన్నింగ్స్​ను బిల్డ్ చేయడం స్టార్ట్ చేశాడు. ఈ క్రమంలో 7వ ఓవర్ వేసేందుకు వచ్చాడు ఇంగ్లండ్ స్పిన్నర్ ఆదిల్ రషీద్.

మెగాటోర్నీలో తన స్పిన్ బౌలింగ్​తో వికెట్లు తీస్తూ ఇంగ్లండ్ విజయాల్లో కీలకంగా మారాడు ఆదిల్ రషీద్. భారత్ మీద కూడా అతడు ఎఫెక్టివ్​గా బౌలింగ్ చేయాలని ఆ టీమ్ ఫ్యాన్స్ కోరుకున్నారు. పిచ్ స్పిన్​కు అనుకూలిస్తుండటంతో రషీద్ బౌలింగ్​లో రోహిత్ ఎలా ఆడతాడోనని అంతా సందేహించారు. అయితే రివర్స్ స్వీప్ రూపంలో ఫస్ట్ బాల్​కే బౌండరీ కొట్టి రషీద్​కు వెల్​కమ్ చెప్పాడు హిట్​మ్యాన్. ఆ తర్వాత కూడా అతడి బౌలింగ్​లో భారీ షాట్లు బాదాడు. అయితే ఆ రివర్స్ స్వీప్ అన్నింటి కంటే స్పెషల్ అనే చెప్పాలి. కఠిన పిచ్​పై అలాంటి షాట్ కొట్టడంతో రోహిత్ మరింత రెచ్చిపోయాడు. ఆ షాట్ ఇచ్చిన ప్రోత్సాహంతో ఇంగ్లండ్ బౌలర్లను ఉతికిఆరేశాడు.

హిట్​మ్యాన్​ ఇన్నింగ్స్​తో స్ఫూర్తి పొందిన సూర్య, హార్దిక్ పాండ్యా, రవీంద్ర జడేజా కూడా ధనాధన్ షాట్లు బాదుతూ టీమ్​ భారీ స్కోరు చేరుకునేలా చేశారు. అదే ఇంగ్లండ్ జట్టు ఛేజింగ్ టైమ్​లో ఇదే మ్యాజిక్ చేయలేకపోయింది. రోహిత్​లాగే అటాకింగ్​గా ఆడి భారత్​ను బ్యాక్ స్టెప్​కు నెట్టాలని చూశాడు జోస్ బట్లర్. అందుకే మొదట్లో అర్ష్​దీప్ బౌలింగ్​లో ఎడాపెడా షాట్లు బాదాడు. ఆ తర్వాత అక్షర్ పటేల్​ను కూడా ఇలాగే కొట్టబోయి దొరికిపోయాడు. ఒకవేళ అక్షర్ బౌలింగ్​లో గనుక క్లిక్ అయి ఉంటే బట్లర్ మరింత రెచ్చిపోయేవాడు. గత వరల్డ్ కప్​లో ఇలాగే భువనేశ్వర్ బౌలింగ్​లో చెలరేగిపోయిన బట్లర్.. నాటౌట్​గా ఉండి మ్యాచ్​ను ఫినిష్ చేశాడు. నిన్న కూడా అలాగే చేద్దామనుకున్నాడు. కానీ వర్కౌట్ కాలేదు. ఆ రకంగా చూసుకుంటే రోహిత్ షాట్​ భారత్​ను మ్యాచ్​లో పట్టుబిగించేలా చేస్తే.. బట్లర్ మిస్ షాట్ ఇంగ్లండ్​కు విజయాన్ని దూరం చేసిందని చెప్పొచ్చు.

• ఇదీ చదవండి: ‘గుడ్ నైట్ బామ్మర్ధులు’ ఇంగ్లండ్ ప్లేయర్లను నెక్ట్స్ లెవల్లో టీజ్ చేసిన యువీ! ట్వీట్ వైరల్..

Adil Rashid in 2022 T20I WC Semi Final: 4-0-20-1.

In 2024 T20 WC, he was their best bowler — comes in the 7th over when India’s RR was just over 7 and Rohit Sharma played this beautiful reverse sweep in the first ball of Rashid’s spell at Guyana.

The MOMENT OF THE SEMI-FINAL. pic.twitter.com/ayKH65Qt4x

— Johns. (@CricCrazyJohns) June 28, 2024