సర్ఫరాజ్​ను నమ్మని రోహిత్! చేతులారా వికెట్ మిస్! ఇలా చేశాడేంటి..?

ధర్మశాల టెస్టు ఇంట్రెస్టింగ్​గా సాగుతోంది. పిచ్​ బ్యాటింగ్​తో పాటు స్పిన్​కు కూడా సహకరిస్తోంది. అయితే ఇంగ్లీష్ టీమ్ పట్టుదలగా బ్యాటింగ్ చేస్తుండటంతో వికెట్లు తీయడం కష్టంగా మారుతోంది. కానీ ఓ ఈజీ వికెట్​​ను టీమిండియా కెప్టెన్ రోహిత్ శర్మ మిస్ చేశాడు. యంగ్ బ్యాటర్ సర్ఫరాజ్​ ఖాన్​ను హిట్​మ్యాన్ నమ్మకపోవడం భారత్​ను దెబ్బతీసింది. ఇది స్పిన్నర్ కుల్దీప్ యాదవ్ బౌలింగ్​లో చోటుచేసుకుంది. సూపర్బ్​గా బ్యాటింగ్ చేస్తున్న జాక్ క్రాలేను ఔట్ చేసేందుకు బౌలర్లు తీవ్రంగా శ్రమిస్తున్నారు. అయితే ఓ అద్భుతమైన బంతితో అతడి పనిపట్టాడు స్పిన్నర్ కుల్దీప్ యాదవ్. కానీ సర్ఫరాజ్​ ఖాన్​ను రోహిత్ నమ్మకపోవడంతో క్రాలే బతికిపోయాడు.

కుల్దీప్ వేసిన బాల్​ను డిఫెన్స్ చేయబోయాడు క్రాలే. కానీ బాల్ అతడి బ్యాట్ ఎడ్జ్ తీసుకుంది. దీంతో షార్ట్​ లెగ్​లో కాచుకొని ఉన్న సర్ఫరాజ్ దాన్ని డైవ్ చేసి అందుకున్నాడు. దీంతో సర్ఫరాజ్, శుబ్​మన్ గిల్ అప్పీల్ చేశారు. కానీ కీపర్ ధృవ్ జురెల్, కెప్టెన్ రోహిత్ శర్మ సహా మిగిలిన ప్లేయర్లు ఎవరూ సర్ఫరాజ్​కు సపోర్ట్ చేయలేదు. బ్యాటర్​ అడ్డంగా ఉండటంతో ఆ బాల్ జురెల్​కు సరిగ్గా కనిపించలేదు. అతడు ఎడ్జ్​ను అంచనా వేయలేకపోయాడు. దీంతో రివ్యూకు వెళ్లే విషయంలో మౌనంగా ఉండిపోయాడు. అది పక్కా ఔట్, బాల్ ఎడ్జ్ తీసుకుందని సర్ఫరాజ్ మొత్తుకున్నాడు. అయినా రోహిత్ అతడి మీద నమ్మకం ఉంచలేదు. డీఆర్ఎస్​ తీసుకునేందుకు నిరాకరించాడు. ఆ తర్వాత రీప్లేలో బాల్ క్రాలే బ్యాట్​కు ఎడ్జ్ తీసుకుందని తేలింది.

బిగ్ స్క్రీన్​ మీద రీప్లే చూశాక సర్ఫరాజ్ ఏం మాట్లాడో తెలియక నవ్వుతూ ఉండిపోయాడు. దీన్ని చూసి రోహిత్ నిరాశ చెందాడు. ఇది చూసిన నెటిజన్స్.. సర్ఫరాజ్​పై నమ్మకం ఉంచితే బాగుండేదని అంటున్నారు. క్రాలే వికెట్ మీద పాతుకుపోయాడని.. అతడ్ని ఔట్ చేసే ఛాన్స్ వచ్చినా చేజేతులా మిస్ చేసుకున్నారని కామెంట్స్ చేస్తున్నారు. రివ్యూల విషయంలో భారత్ మరింత పక్కాగా ఉండాలని సూచిస్తున్నారు. ఇక, ఇంగ్లండ్ ప్రస్తుతం 2 వికెట్ల నష్టానికి 129 పరుగులతో ఉంది. క్రాలే (75 నాటౌట్​) పాటు జో రూట్ (13 నాటౌట్) క్రీజులో ఉన్నారు. మరి.. క్రాలే క్యాచ్ విషయంలో సర్ఫరాజ్​ను రోహిత్ నమ్మకపోవడంపై మీ ఒపీనియన్​ను కామెంట్ల రూపంలో తెలియజేయండి.

ఇదీ చదవండి: వీడియో: గిల్ సూపర్ క్యాచ్.. మెరుపు వేగంతో పరిగెడుతూ..!

Sarfaraz Khan was right, Zak Crawley edged it. pic.twitter.com/YlxrKOJWuF

— CricketGully (@thecricketgully) March 7, 2024

#IndvEng Crawley got a slight tickle and that was caught by Sarfaraz at short leg after it ricochet of the keeper..

Sarfaraz insisted for DRS but Rohit said no..

Later, replays confirmed an edge… pic.twitter.com/bNUnBvXw2C

— Anurag Sinha (@anuragsinha1992) March 7, 2024