టీమిండియా-ఇంగ్లండ్ మధ్య గురువారం నాడు తొలి టెస్టు మొదలుకానుంది. ఈ నేపథ్యంలో ఉప్పల్ ఆతిథ్యం ఇస్తున్న ఈ మ్యాచ్లో భారత జట్టు ప్లేయింగ్ ఎలెవన్ ఎలా ఉండనుందో ఇప్పుడు చూద్దాం..
టీమిండియా-ఇంగ్లండ్ మధ్య గురువారం నాడు తొలి టెస్టు మొదలుకానుంది. ఈ నేపథ్యంలో ఉప్పల్ ఆతిథ్యం ఇస్తున్న ఈ మ్యాచ్లో భారత జట్టు ప్లేయింగ్ ఎలెవన్ ఎలా ఉండనుందో ఇప్పుడు చూద్దాం..
భారత్, ఇంగ్లండ్ జట్ల మధ్య టెస్ట్ సిరీస్ గురువారం మొదలుకానుంది. ఐదు టెస్టుల ఈ సిరీస్లోని తొలి మ్యాచ్కు ఉప్పల్లోని రాజీవ్ గాంధీ ఇంటర్నేషనల్ స్టేడియం ఆతిథ్యం ఇస్తున్న సంగతి తెలిసిందే. ఫస్ట్ టెస్ట్కు ఇంకొక్క రోజు మాత్రమే ఉండటంతో రెండు జట్లు తీవ్రంగా సాధన చేస్తున్నాయి. రెండు టీమ్స్ మేనేజ్మెంట్ గెలుపు కోసం వ్యూహాలు పన్నడంలో మునిగిపోయాయి. వరల్డ్ టెస్ట్ ఛాంపియన్షిప్ ఫైనల్స్లో చేరుకోవాలంటే ఈ సిరీస్ నెగ్గడం కీలకంగా మారడంతో భారత్, ఇంగ్లండ్ ఎట్టి పరిస్థితుల్లోనూ నెగ్గాలనే పట్టుదలతో ఉన్నాయి. సిరీస్ ఆరంభానికి ముందే ఇంగ్లీష్ టీమ్ మన జట్టును రెచ్చగొడుతూ వస్తోంది. బజ్బాల్ ఫార్ములానే ప్రయోగిస్తాం.. కాచుకోండి, మీకు ఓటమి తప్పదంటూ ఇంగ్లండ్ మాజీ, ప్రస్తుత క్రికెటర్లు కామెంట్స్ చేస్తున్నారు. అయితే భారత మాజీలు కూడా ఏమాత్రం తగ్గడం లేదు. మీ ఫార్ములాతోనే మిమ్మల్ని చిత్తు చేస్తామని అంటున్నారు. ఈ తరుణంలో తొలి టెస్ట్లో టీమిండియా ప్లేయింగ్ ఎలెవన్ ఎలా ఉండనుందో ఇప్పుడు చూద్దాం..
మొదటి టెస్ట్కు ఆతిథ్యం ఇస్తున్న ఉప్పల్ గ్రౌండ్లో భారత్కు సూపర్బ్ రికార్డు ఉంది. ఇక్కడ మన జట్టుకు తిరుగులేదు. ఈ వేదికలో ఐదు టెస్టులు ఆడిన టీమిండియా.. నాలుగింట్లో నెగ్గింది. 2010లో న్యూజిలాండ్తో జరిగిన టెస్టు డ్రాగా ముగియగా.. ఆ తర్వాత వరుసగా కివీస్, ఆసీస్, బంగ్లాదేశ్, వెస్టిండీస్పై భారత్ విక్టరీలు నమోదు చేసింది. ఆ ఐదు మ్యాచుల్లోనూ ఈ పిచ్ మీద స్పిన్నర్లదే ఆధిపత్యం. ఇప్పుడు కూడా టర్నింగ్ ట్రాక్ను రెడీ చేశారని తెలుస్తోంది. అందుకే భారత జట్టు మళ్లీ స్పిన్ అస్త్రాన్నే ప్రయోగించాలని అనుకుంటోంది. ఓపెనర్లుగా కెప్టెన్ రోహిత్ శర్మకు తోడుగా యశస్వి జైస్వాల్ బరిలోకి దిగుతాడు. పర్సనల్ రీజన్స్తో మొదటి రెండు టెస్టులకు స్టార్ బ్యాట్స్మన్ విరాట్ కోహ్లీ దూరమైన సంగతి తెలిసిందే. కాబట్టి అతడి ప్లేస్లో యంగ్ బ్యాటర్ శుబ్మన్ గిల్ ఆడటం ఖాయం. సెకండ్ డౌన్లో శ్రేయస్ అయ్యర్ ఆడతాడు. మిడిలార్డర్ భారాన్ని కేఎల్ రాహుల్ మోస్తాడు. అతడికి సపోర్ట్గా కేఎస్ భరత్, రవీంద్ర జడేజా ఉంటారు.
రాహుల్ స్పెషలిస్ట్ బ్యాటర్గా ఆడతాడని మ్యాచ్కు ముందు కోచ్ రాహుల్ ద్రవిడ్ క్లారిటీ ఇచ్చేశాడు. కాబట్టి వికెట్ కీపర్గా కేస్ భరత్ ఆడటం ఖాయం. కొత్త కుర్రాడు ధృవ్ జురెల్ రూపంలో పోటీ ఉన్నప్పటికీ మంచి ఫామ్లో ఉండటం భరత్కు కలిసొచ్చే అంశం. స్పిన్ బాధ్యతలను రవిచంద్రన్ అశ్విన్, రవీంద్ర జడేజా, కుల్దీప్ యాదవ్ పంచుకుంటారు. జస్ప్రీత్ బుమ్రా, మహ్మద్ సిరాజ్లు పేస్ రెస్పాన్సిబిలిటీ తీసుకుంటారు. ఉప్పల్ పిచ్ ఎప్పుడూ స్పిన్కు అనుకూలిస్తూ వస్తోంది. అయితే ఈ మ్యాచ్లో బ్యాటింగ్ ఫ్రెండ్లీ ఉండే ఛాన్స్ ఉందని కొందరు అంటున్నారు. స్పిన్నర్ల కంటే పేసర్లకు పిచ్ నుంచి ఎక్కువ మద్దతు లభించే అవకాశం ఉందని సమాచారం. ఈ నేపథ్యంలో కుల్దీప్ను ఆడిస్తారా లేదా అతడి ప్లేస్లో థర్డ్ పేసర్ను తీసుకుంటారా? అనేది ఇంట్రెస్టింగ్గా మారింది. కానీ కోచ్ ద్రవిడ్, కెప్టెన్ రోహిత్ స్ట్రాటజీలను గమనిస్తే కుల్దీప్ వైపే మొగ్గుచూపే ఛాన్స్ కనిపిస్తోంది. స్పిన్ అస్త్రంతో ఇంగ్లండ్ను కట్టిపడేయడమే భారత్ టార్గెట్గా కనిపిస్తోంది. మరి.. ఈ మ్యాచ్లో భారత ప్లేయింగ్ ఎలెవన్లో ఇంకెవర్ని అయినా చేరిస్తే బాగుంటుందని మీరు భావిస్తే కామెంట్ చేయండి.
రోహిత్ శర్మ (కెప్టెన్), యశస్వి జైస్వాల్, శుబ్మన్ గిల్, శ్రేయస్ అయ్యర్, కేఎల్ రాహుల్, కేఎస్ భరత్ (వికెట్ కీపర్), రవిచంద్రన్ అశ్విన్, రవీంద్ర జడేజా, జస్ప్రీత్ బుమ్రా, మహ్మద్ సిరాజ్, కుల్దీప్ యాదవ్.
When it’s almost “time” for the first Test ⏳#TeamIndia | #INDvENG | @IDFCFirstBank pic.twitter.com/QbswZ1AMWZ
— BCCI (@BCCI) January 23, 2024
