IND vs ENG: వీడియో: బుమ్రా కిల్లింగ్ డెలివరీ! చేతులు ఎత్తేసిన బెన్‌స్టోక్స్‌!

బజ్​బాల్.. గత వారం రోజులుగా క్రికెట్ వర్గాల్లో బాగా వినిపిస్తున్న పదం. భారత పర్యటనకు వచ్చిన ఇంగ్లండ్ ఈ ఫార్ములాను ప్రయోగిస్తుందా లేదా అనేది చర్చనీయాంశంగా మారింది. వాళ్ల సొంతగడ్డ మీద ఇది సక్సెస్ అయింది. కానీ స్పిన్​కు స్వర్గధామం లాంటి ఇండియన్ టర్నింగ్ ట్రాక్స్​పై బజ్​బాల్​ క్రికెట్ ఆడితే ఇంగ్లండ్​కే నష్టమని చాలా మంది ఎక్స్​పర్ట్స్ అన్నారు. అయితే ఆ దేశ మాజీలు, ప్రస్తుత జట్టులోని కొందరు ప్లేయర్లు మాత్రం తాము ఇదే ఫార్ములాతో ఆడతామని మొండిపట్టు పట్టారు. ఇవాళ హైదరాబాద్​ వేదికగా జరుగుతున్న తొలి టెస్టులో అదే అస్త్రాన్ని ప్రయోగించారు. కానీ టీమిండియా స్పిన్నర్ల ముందు బజ్​బాల్ తుస్సుమంది. రవిచంద్రన్ అశ్విన్, రవీంద్ర జడేజా, అక్షర్ పటేల్ దెబ్బకు ఇంగ్లండ్ 246 పరుగులకు చాప చుట్టేసింది. స్పిన్నర్లతో పాటు పేసర్ జస్​ప్రీత్ బుమ్రా కూడా ఆకట్టుకున్నాడు. ఓ కిల్లింగ్ డెలివరీతో ప్రత్యర్థి జట్టు కెప్టెన్ బెన్ స్టోక్స్​కు పెవిలియన్ దారి చూపించాడు.

ఇంగ్లండ్ ఫస్ట్ ఇన్నింగ్స్​లో అందరికంటే సారథి స్టోక్స్ (70) బాగా ఆడాడు. అతడొక్కడే హాఫ్ సెంచరీ బాదాడు. అందరూ ఔటైనా అతడు మాత్రం క్రీజును వదల్లేదు. 88 బంతులు ఎదుర్కొన్న స్టోక్స్ 6 ఫోర్లు, 3 భారీ సిక్సుల సాయంతో 70 పరుగులు చేసి కొరకరాని కొయ్యగా మారాడు. ఎవరు బౌలింగ్​కు వచ్చినా షాట్లతో విరుచుకుపడుతున్నాడు. దీంతో బుమ్రా చేతికి బంతిని ఇచ్చాడు భారత కెప్టెన్ రోహిత్ శర్మ. ఇది వర్కౌట్ అయింది. హిట్టింగ్​కు పోయి బుమ్రా వలలో చిక్కాడు స్టోక్స్. అప్పటికే ఆ ఓవర్​లో ఓ ఫోర్ కొట్టిన అతడు.. మరో భారీ షాట్​కు ప్రయత్నించాడు. ముందుకొచ్చి ఆడదామనుకొని క్రీజును వీడాడు. అయితే బుమ్రా వేసిన బాల్ లెగ్ స్టంప్​లో పడి ఔట్ స్వింగ్ అయి మిడ్​ వికెట్​ను గిరాటేసింది. సరిగ్గా టాప్ ఆఫ్​ ది స్టంప్​ను బాల్ ముద్దాడింది. దీంతో స్టోక్స్ షాకయ్యాడు. కిల్లింగ్ డెలివరీని ఎదుర్కోవడంలో ఫెయిల్ అవడంతో చేతులు ఎత్తేశాడు. అలా బౌలింగ్ వేస్తే ఎలా ఆడాలంటూ ఎక్స్​ప్రెషన్ ఇచ్చాడు. అయితే బుమ్రా మాత్రం తనదైన శైలిలో రెండు చేతుల్ని పైకి లేపి నవ్వుతూ సింపుల్​గా సెలబ్రేట్ చేసుకున్నాడు.

స్టోక్స్​ను బుమ్రా ఔట్ చేసిన వీడియో సోషల్ మీడియాలో వైరల్ అవుతోంది. ఇది చూసిన ఫ్యాన్స్.. బుమ్రా దెబ్బకు ఎంత తోపు బ్యాటర్ అయినా తోకముడవాల్సిందేనని చెబుతున్నారు. ఇక, ఇంగ్లండ్ ఇన్నింగ్స్​లో స్టోక్స్ తర్వాత జానీ బెయిర్​స్టో (37), బెన్ డకెట్ (35) మాత్రమే కాస్త ఫర్వాలేదనిపించారు. జాక్ క్రాలే (20), జో రూట్ (20)కి కూడా మంచి స్టార్ట్ దొరికింది. అయినా వాళ్లు దాన్ని బిగ్ స్కోర్​గా మలచడంలో ఫెయిలయ్యారు. చివర్లో టామ్ హార్ట్​లీ (23) మెరుపు ఇన్నింగ్స్​తో కాసేపు ప్రేక్షకులను అలరించాడు. ఉప్పల్ పిచ్ నుంచి స్పిన్నర్లకు ఎక్కువ టర్న్ కూడా లభించలేదు. అయితే మంచి లైన్ అండ్ లెంగ్త్​, బ్యాటర్ల వీక్​నెస్​ను బట్టి బాల్స్ వేయడంతో వికెట్లు పడ్డాయి. అదే టైమ్​లో బజ్​బాల్ అంటూ అనవసరంగా హిట్టింగ్​కు వెళ్లడం కూడా ఇంగ్లీష్ టీమ్​కు మైనస్​గా మారింది. స్టోక్స్ కూడా అలాగే ఓవర్ కాన్ఫిడెన్స్​తో బుమ్రాను బాదేద్దామని వెళ్లి బొక్క బోల్తాపడ్డాడు. మరి.. స్టోక్స్​ను బుమ్రా ఔట్ చేసిన డెలివరీ గురించి మీరేం అనుకుంటున్నారో కామెంట్ల రూపంలో తెలియజేయండి.

BUMRAH CLEANING UP STOKES…!!! 💥pic.twitter.com/vvuraDiozL

— Mufaddal Vohra (@mufaddal_vohra) January 25, 2024