టీమిండియా సూపర్ విక్టరీ.. ఆ ఇద్దరే కాపాడారు!

రాంచీ వేదికగా జరిగిన నాలుగో టెస్టులో టీమిండియా విజయఢంకా మోగించింది. 5 వికెట్ల తేడాతో ఇంగ్లండ్​ను చిత్తు చేసింది. ఈ విక్టరీతో 5 టెస్టుల సిరీస్​ను మరో మ్యాచ్ మిగిలి ఉండగానే 3-1తో గెలుచుకుంది భారత్. ఒక దశలో 120 పరుగులకు 5 వికెట్లు కోల్పోయి పీకల్లోతు కష్టాల్లో పడింది రోహిత్ సేన. 192 పరుగుల లక్ష్యంతో బరిలోకి దిగిన టీమిండియా నాలుగో రోజు ఎక్స్​పెక్టేషన్స్​కు తగ్గట్లుగా ఆడలేదు. యశస్వి జైస్వాల్ (37), రోహిత్ శర్మ (55) మొదట్లో బాగానే ఆడారు. కానీ అనవసర షాట్​కు ప్రయత్నించి జైస్వాల్ వికెట్ పారేసుకోవడంతో భారత్ పతనం స్టార్ట్ అయింది. రజత్ పాటిదార్ (0), సర్ఫరాజ్ ఖాన్ (0) గోల్డెన్ డకౌట్ అయ్యారు. రవీంద్ర జడేజా (4) కూడా త్వరగానే పెవిలియన్​కు చేరాడు. అయితే శుబ్​మన్ గిల్ (52 నాటౌట్), ధృవ్ జురెల్ (39 నాటౌట్) టీమ్​ను ఆదుకున్నారు.

అరంగేట్ర టెస్టులో అదరగొట్టిన సర్ఫరాజ్​తో పాటు సీనియర్ ఆల్​రౌండర్ జడేజా కూడా ఔట్ అవడంతో భారత్ ఓటమి దిశగా వెళ్తున్నట్లు కనిపించింది. విజయానికి ఇంకో 72 పరుగులు కావాలి. ఆ టైమ్​లో గిల్, జురెల్ పట్టుదలతో ఆడుతూ క్రీజులో పాతుకుపోయారు. బౌండరీలు రాకపోయినా సింగిల్స్, డబుల్స్​తో స్ట్రయిక్ రొటేట్ చేశారు. ఒక్కో పరుగును స్కోరు బోర్డు మీద చేరుస్తూ టీమ్​ను విజయం దిశగా తీసుకెళ్లారు. వాళ్లిద్దరే నిలబడి మ్యాచ్​ను ఫినిష్ చేశారు. ఓటమి అంచున ఉన్న టీమ్​ను ఈ ప్లేయర్లు గట్టెక్కించిన తీరును ఎవరూ అంత ఈజీగా మర్చిపోలేరు. తమ మీద టీమ్ మేనెజ్​మెంట్, అభిమానులు పెట్టుకున్న నమ్మకాన్ని నిలబెట్టారు. మరి.. గిల్-జురెల్ బ్యాటింగ్​పై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: నా రికార్డును అశ్విన్ బ్రేక్ చేయాలి.. కుంబ్లే ఇంట్రెస్టింగ్ కామెంట్స్!

INDIA WINS THE TEST SERIES AGAINST ENGLAND…!!! 🇮🇳 pic.twitter.com/viTIoZYVIP

— Mufaddal Vohra (@mufaddal_vohra) February 26, 2024